ESTHER 9:4 - Khumi Common Language Bible

⁴ Vai ly Modekai ly samrang yhm y sa thai naira awm nai khumi leaungrei ne nai hawi, ni i sa thai naira ly kani tleaung kanirei lenra nai py, empara pri y amthang nai ne.

ESTHER 9:4 ပူးပေါင်းရင်းမြစ်များ

2 SAMUELA 3:1

Samrang Sawla ai sabawm naichi hawi, Davida ai sabawm naichi ly kra parai naimy tavai atiu u nai ne. Davida ly atho awmryh awmryh iy, my i paleung ka-echi ly atho diryh diryh bo.

1 NENG SATANG 11:9

Samrang Davida ly sa thai naira awmra awmra. Ati mana nai mo na baly ati cheaungkhang sa thai nai keung Areng ly samrang hawi vanrei awm nai deaungkho y ne.

1 NENG SATANG 14:17

Davida i amyn ly meingtym tleirei y amthang. Samrang ai khumi cheng cheaungkhangchi my jei hyn ai nai Areng my sa pi nai ne.

ESTHER 10:2

Samrang ly mana tanrei haiho awm na mo, nanai hawi, tahm asang nai kalopra y Modekai ai mana tanrei pasang mo, nanai py, Pasia hawi Medi samrangchi i recordchi ra y tajiu typ nai ne.

SAM 1:3

Huni khumichi ly tavo peang y prau nai neng tym baly athai iy ngam ajawi vai y nai keungchi hawi atawm. Nichi ly sa naira tleirei y eaung jojo reng nai ne.

SAM 18:43

Nang ly kai ai tiu nai khumichi my patang hai naira i nai atleu iy, khumi cheng cheaungkhangchi ai py peang hai. Kai ly kaimy pany vai y nai khumichi ai, vai ly peang ai nai kanga bo.

SAM 92:13

Nichi ly Areng i yhm y ui iy, achi i Tameuh i Achura yhm y angvai nai dengkeaung keungchi hawi atawm.

THEU NAI 11:3

Aikupta chengchi ly Israela chengchi ai tahm khai ai nai Areng my sa pi. Angchi khyp samrang i bangtangchi hawi khumi mipuichi my Mosi ai ly khumi kalen ne, nanai dawn u nai ne.

LEU KACHENG 4:18

Khumi kahawichi i tako nai lam ly khutawi phang nai kangvang sangso, khawn kani si nai hawi atawm.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

ZEPHANIAH 3:19

Nang ai ana nai khumichi ai kaimy pajeng ai nai neng tym ai. Kai ly kheu tabai nai khumi bawibawichi ai atleu iy, pri palara avum nai khumichi ai, mymychi i pri y pahawi ai. Nichi i kangji nga nai ly tahm awm nai mang y amtlau hai ai. Khaileaung pri khumichi my nichi ai palo u ai.

MATTHAI 4:24

Naibaly mymy i satang ly Suri pri bawibawi y amthang bo; hunaibaly no naichi bawibawi, ham y naichi, cheaungkhang patang naichi, vawinam my nam naichi, kamthuchi, kamkhyn no naichi ai py mymy teng y hawi i, hawi sa pi bo.

JOSUA 6:27

Areng ly Josua hawi vanrei awm nai deaungkho y, ni i amyn ly pri verei y amthang nai ne.

1 SAMUELA 2:30

Israela chengchi i yhmkeung, kai Areng Tameuh ly nang i dengtheungchi hawi nupaichi ai, deungtasarei pathyp pi nai keung lawm hai ai, nanai jangni y adeu yb bo. Na i py vai ly huni adeu nai khaw hai y leang bo, nanai kathui. Kai ai tahm khai palo naichi ai, kaimy tahm khai palo ai; kai ai khumi aniu y nai sa naichi kaimy kapaso ai.