ESTHER 9:28 - Khumi Common Language Bible

²⁸ Pri khu ka-peang tlei tleirei hawi mary tlei tleirei ra y Juda yhm dengtheung ngiereichi ly huni Purim pawi ai katu chanau deung khrairei pany jo iy, pawi sa ai nai leu pacheang u bo.

ESTHER 9:28 ပူးပေါင်းရင်းမြစ်များ

ESTHER 9:27

Juda chengchi ly mymychi khyh ny y i, katu chanau hawi Juda reita mang y angpeang nai khumichi i vui py, reita tanyn harei kamta saneng tlei tleirei, huni neng tym nai khala y thui yb nai kani nyhrei ly Modekai i leu pei nai kamta pawi sa u ai nai tla.

ESTHER 9:29

Naibaly Abihela i chaniu samrangnu Esther hawi Modekai nini ly Purim pawi molam y, Modekai i tajiu nai cha ai Esther i sa thai naira my khaw hai ai nai cha tajiu u nai ne.

SAM 103:2

Aw kai i phailo, Areng ai palo! mymy i pahen nai saichi tami veng moh.

SAM 145:4

Nang i sa nai saichi ai khumichi ly deung kangthau khrairei palo u ai; nichi ly nang i sa nai lyh ai hawi nai saichi amthang hai ai.

THEU NAI 12:17

Huni pawi ly so u jojo; ati mana nai mo na baly nangchi ai Aikupta pri i dengdairei kang patheu nai kani ne; mo mang py hini kani y angbo abawi y nai pawi sa jojo ai nai tla.

ZEKHARIAH 6:14

Huni areng lukhym py Areng i Achura yhm y Heladai, Tobijah, Jedaih hawi Josiachi ai tahm pasang nai ka-ma-ra harei lawm ai,” napi.

JOSUA 4:7

nangchi my Areng i Leu Maikawm Pawm Jordan tavo angpeang hai nai thym khala y, tavo tui leaung nai anawn vui nai sai thui pi ai nai tla; hini lengseaungchi hini meingtym y awm lawh nai sai ly Israela chengchi ai avawrei pany hai jo ai,” napi.