ESTHER 8:16 - Khumi Common Language Bible

¹⁶ Juda chengchi ly paleung savairu nai y, amo theu naimy tahm asang u bo.

ESTHER 8:16 ပူးပေါင်းရင်းမြစ်များ

ESTHER 4:16

“Susa mary y awm nai Juda cheng ngiereichi ai pangym ly kai i vui biu hai iy vum thom, kani thom sai py cho nei u moh sy; kai hawi kai i miseaung neampachychi py biu kahai u ai; huni bo y samrang i reita taphra nai y ang padei lawh teu i py samrang teng y kun ai,” nanai pathang bo.

ESTHER 9:17

Huni kani ly Adar lo kani holai thomrei kani ne. Kani holai palyhrei kani y nichi ly khumi ai padei u y naimy, amo theu nai cha nei pawi sa u bo.

SAM 112:4

Tamen iy pahen naira kawi naimy, leu meitang teaung nai khumi kahawichi i vui ly kaveng theung y kangvang tym hai reng nai ne.

SAM 118:27

Areng ly Tameuh ne; mymy ly achi ai hawi ang sa pi bo. Nangchi ly lymlo changpichi syn ly pawi sa amteaung iy, maicham kamki tapai u.

SAM 18:28

Aw Areng, nang ly kai ai kangvang pei; kai i veng naira ai tama hai vui bo.

SAM 30:12

Hunai deaungkho y kai ly awm pypy ai ny y; nang ai palo nai khulym thui ai. Aw Areng, nang ly kai i Tameuh ne. Kai ly nang ai kawn naimy kang palo jojo ai.

SAM 97:11

Khumi kahawi tlang tleaung y amo theu naira hawi, paleung hawi nai khumichi tlang tleaung y amo theu naira py tym hai nai ne.

LEU KACHENG 11:10

Neaung hawi nai khumichi nang chawn nai khala, mary i khumichi ly amo theu u. Khumi hawi y naichi dei nai khala ly amo theu achaw u lengleang nai ne.

LEU KACHENG 28:12

Khumi kahawichi sa thai naira nga nai khala, khumi bawibawichi ly amo theu nai pawi sa u. Na i py khumi hawi y naichi my peang nai khala, khumichi ly aheu pi pawn nai ne.

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.