ESTHER 8:1 - Khumi Common Language Bible

¹ Huni kani y my samrang Ahasuru ly Juda chengchi i paleung ka-e Haman i peang nai yhm hlau hawi vawnsai bawibawichi ai Esther teng y pei pi nai ne. Esther my, mymy ly Modekai hawi amjo amnau ne, nanai samrang teng y thui pi nai deaungkho y, Modekai ly huni kani dengdairei samrang i mo y kun ai nai nga bo.

ESTHER 8:1 ပူးပေါင်းရင်းမြစ်များ

ESTHER 1:14

Samrang i adeng ahui nai nawikeh naichi ly Pasia hawi Medi bangtang leaung saryhreichi napi nai Kashina, Shetha, Adamatha, Tarshish, Miret, Masena hawi Mamukanchi ne. Nichi ly pri theung y tahm asangkeh nai meingtym nga nai khumichi ne.

ESTHER 2:15

Abihaila i chaniu, Modekai i tuicho lengsang, pacho nai chaniu, niu nai ngiereichi my lyh riri nai Esther ly samrang teng y kun ai nai neng tym nai khala y, anglo i-savang kry nai keung tli chum nai Hekai my pateaung pi nai ateaungchi amthyp iy chei bo.

ESTHER 2:7

Ni teng y Esther napi nai tuicho lengsang awm. Esther i Juda cheng amyn ly Hadasa ne. Ni i amhm ampo dei vui nai khala y Modekai ly ni ai pacho i, my i chaniu kypkyp kamta kry. Naibaly Esther ly mo cha hawi i, tlum tlang apheung hawi nai neampachy leaungrei ne.

ESTHER 7:6

Esther my, “Kaichi i paleung ka-e, kaichi ai ana piupa nai keung khumi hawi y nai ly hini Haman ne!” nanai pathang.

ESTHER 8:7

Naibaly samrang Ahasuru ly Esther hawi Juda cheng Modekai teng y, “Kai ly Haman i Juda chengchi ai padei ai nai dawn tau nai molam y, mymy ai akaeura y padei hai veng bo. Ni i yhm hlau hawi vawnsaichi py Esther teng y kapei veng bo.

SAM 39:6

Pa-pui kamta tanareichy heng khyh. Ni i sa nai leaungsaichi ly atyhtyh teu; ni ly yhmtheaung katui pateung achu teu i py, mani ai ly ami my amtym ai mo, nanai ni ly pany y leang.

LEU KACHENG 13:22

Khumi kahawi ly my i katu chanauchi i vui y yhmtheaung khai pi pajau ai; na i py kamngo sa nai khumichi i yhmtheaung katuichi ly khumi kahawichi i kiu y tym vui ai.

LEU KACHENG 28:8

Tangka katy khri pa-rei cha iy, khumichi i tlang tleaung y kho sa naimy nang nai khumi i yhmtheaung katuichi ly khumi kamawnchi ai pahen pi reng nai khumi i kiu y tym vui ai.

LUKA 12:20

Na i py Tameuh my ni teng y, ‘Kamthu awi, vai dym ly nang i hengra kang la pi ai bo; naibaly nang i yhmtheaung pateung achu nai ly ami nga ai mo?’ napi.