ESTHER 7:9 - Khumi Common Language Bible

⁹ Naibaly tli chum nai Habona my, “Haman ly nang i tlang atleu nai Modekai ai padei ai nai, mymy i yhm y akaeura sa yb bo. Huni akaeura ly miu vuipangrei asang nai ne!” napi. Samrang my, “Haman ai huni yhmmawmra y bang iy padei,” nanai leu pei.

ESTHER 7:9 ပူးပေါင်းရင်းမြစ်များ

2 ARENG KEH 9:32

Jehu ly angdeang kalau iy, “Kai mang y ami abawi ai mo?,” nanai deng. Huna nai khala bangtang leaungnyh, leaung thomreichi ly samrang yhm thaibeng katheu pa-kho mang khen u kathiu bo.

ESTHER 1:10

Pawi sa nai saryh kani tym nai khala samrang ly kreip hang nei nai amo theu nai thym y, mymy i sahawi y awm nai tli chum nai leaung saryhrei Mehuman, Bizatha, Habona, Abakatha, Zetha hawi Kakachi ai palau i,

ESTHER 5:14

Hunaibaly my i aju hawi ahawi bawibawichi my ni teng y, “Miu vuipangrei asang nai akaeura yhmmawm leng hai be; Modekai ai huni akaeura yhmmawm salo y padei ai nai khawndam khawn mang samrang teng y hnei be. Naibaly amo theu parai naimy dym biu cha pawira y chei pajau ai,” nanai tau pei u bo. Haman ly huni tau pei nai tangai i, akaeura yhmmawm leng hai bo.

ESTHER 6:14

Nichi hina nai kamta katheu u nai thym khala y my, samrang yhm i tli chum naichi ly Haman ai Esther i dym biu cha pawira palau nai tym u tamang tang bo.

ESTHER 6:2

Huni pri peang nai cha-iu theung y samrang yhm typ nai tli chum nai Bikathana hawi Teresh nini ly kangviu y samrang ai padei ai nai tau nai sai ai Modekai my pany nai satang abawi nai ne.

ESTHER 8:7

Naibaly samrang Ahasuru ly Esther hawi Juda cheng Modekai teng y, “Kai ly Haman i Juda chengchi ai padei ai nai dawn tau nai molam y, mymy ai akaeura y padei hai veng bo. Ni i yhm hlau hawi vawnsaichi py Esther teng y kapei veng bo.

ESTHER 9:14

Samrang ly Esther i hnei nai kamta Susa mary theung y satang thai hai iy, Haman i chapo leaung horeichi ai akaeura yhmmawmra y bang hai bo.

ESTHER 9:25

Na i py Esther ly samrang teng y kun iy hnei takeng nai khala, samrang my leu pei nai cha patheu pi nai deaungkho y, Haman ly Juda chengchi i vui dawn yb nai deira y, mymy naimy avum nai ne. Mymy hawi mymy i chapo leaung horeichi ly akaeu nai yhmmawmra y dei naira avum u.

SAM 141:10

Kai ly deaung ra i nai phrumai by y pa-rei lawira ngo sy; khumi aso y naichi ly mychi i pateung nai deaung ra y man u sy.

SAM 35:8

Na i py nichi ly athang khai y naimy tama u pawn ai. Mychi pateung yb nai deaungra y man u ali teang ai i, mychi tai nai angawm theung y tla iy phra u ai!

SAM 73:19

Nichi ly vaimy myh kang u ryp bo; nichi i kangkhym kangtem avum nai sai ly jei ai nai hawi parai nai ne.

DANIELA 6:24

Naibaly samrang ly Daniela ai thui tamawn nai khumi bawibawichi ai patiu hai iy, nichi i aju chanauchi hawi vanrei, khrangsi angawm theung y aphi ai nai leu pei bo. Nichi ly khaileaung y tym y rai khala y my, khrangsichi ly achaw iy hiuchi py, taai piupa pawn nai ne.

DANIELA 6:7

Samrang nang my leu pei nai harei thai hai ly huni leu pei nai ai khumichi my tangai iy sa khyp ai nai, lu sa nai kamkawmchi, bangtang kalenchi, pa-nyh bangtang kalenchi hawi tau pei nai miteaung kehchi napi nai, hini pri y lu sa nai keung kaichi bawibawi leu adyh nai ne. Kani phairei sala y ami py, samrang nang ai ny y baly takhra khumi teng py, tameuh teng py, chiu sa lawh baly, huni khumi ai khrangsi paeung nai angawm theung y aphi ai, nanai leu pei ba.

1 SAMUELA 17:51

Ni ly Koliatha awm naira y angpreng iy, ni ai kheu hawi chiu; naibaly ni i haisau keura i haisau aphiu iy, lu tameang i padei vui bo. Philistia chengchi ly mychi i sorai pui dei nai niu u nai khala y, angpreng u pawn bo.