ESTHER 7:8 - Khumi Common Language Bible

⁸ Ni ly ahui ai nai Esther i ira kadang sahawi y ambeu nai thym khala, samrang ly akho i nai tym teang i, dym biu cha nai meingtym mang y kun bo. Naibaly Haman i sa nai sai niu nai khala y samrang my, “Hini khumi ly samrangnu ai samrang yhm angtheung, kai i mo y my pajang ai nai sa lawh a?” nanai aeu bo. Samrang my hina nai kamta thui nai khala y tli chum naichi ly Haman i meimai y tleang u bo.

ESTHER 7:8 ပူးပေါင်းရင်းမြစ်များ

ESTHER 1:5

Naibaly samrang ly kamawn, kanang patleh takhra y naimy, Susa mary i khumi mipuichi ai py cha nei pawi pui sa pi i, pacho panei nai ne. Huni cha nei pawi pui ly samrang i yhm akho apai theung y kani saryhrei sa pi.

ESTHER 1:6

Huni akho apai theung y tangka sengtleng tai nai leungtau kangleung yhmmawmchi ra y, kanih mai ka-syn kangleung kamngauchi ly kalang kangdauchi hawi thang iy ka-pu sa nai ne. Naibaly leungtau kangleung, leungtau kamsen, khawisaleng lengseaung, lengseaung kamngau-achi hawi mawi sa iy padai; samrang i akho apai theung y muku tangkachi hawi sa nai jawnrachi py khai pi.

ESTHER 6:12

Naibaly Modekai ly samrang yhm katheu pa-khora y tym teang. Haman ly tangam i lu amyn iy, paleung hawi y parai naimy yhm y vawi bo.

ESTHER 7:10

Huna nai y Haman ly Modekai i vui leng pi nai akaeura yhmmawmra y my akaeu iy dei nai ne. Huni bo y amran ly kado theu nai rym bo.

JOBA 9:24

Tameuh ly khaileaung pri ai, khumi hawi y naichi i kiu tleaung y au bo. Tara chih nai keungchi i, cheng nai mei ai paju hai bo. Hinichi ai Tameuh so y baly ami sa ai mo?

ISAIA 22:17

Nang ly aly len nai khumi leaungrei ne py ne lym ai. Na i py Areng ly nang ai syn iy patheu vui ai.

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

AMOS 3:12

Areng my, “Beram typ nai keung ly khrangsi teicha lawm vui nai beram harei i kheu nyhrei, ti y baly kano makengrei, napi naichi ryrei akhui ai nga khyh nai kamta, Samari mary y awm nai khumichi i phangpho nibaichi salo y nei cha pavui naichi theung i, khumi maidenreichi naini tleaung u ai.

MARKA 14:65

Naibaly phyreichi my ly mymy ai pachi pathawi amteaung iy, meimai y mym i tapheu iy mymy teng y, “Thuipi!” napi. Naibaly miseaungchi ly mymy ai patawn iy tabeang ryry.