ESTHER 7:7 - Khumi Common Language Bible

⁷ Samrang ly kado theu i dym biu cha pawira i nai ang thau iy, samrang yhm akho mang y chei bo. Haman ly hini molam y mymy i tlang tleaung y samrang ly pajeng khyp ai, nanai pany nai deaungkho y mymy ai pajeng y ai nai Esther teng y ahui nai awm jo.

ESTHER 7:7 ပူးပေါင်းရင်းမြစ်များ

ESTHER 1:12

Na i py samrangnu Vasati ly tli chum naichi my thui pi nai samrang i leu pei nai tangai y i, mymy i mo y tym pi y nai deaungkho y samrang ly khri pa-rei kado theu bo.

ESTHER 1:5

Naibaly samrang ly kamawn, kanang patleh takhra y naimy, Susa mary i khumi mipuichi ai py cha nei pawi pui sa pi i, pacho panei nai ne. Huni cha nei pawi pui ly samrang i yhm akho apai theung y kani saryhrei sa pi.

ESTHER 7:10

Huna nai y Haman ly Modekai i vui leng pi nai akaeura yhmmawmra y my akaeu iy dei nai ne. Huni bo y amran ly kado theu nai rym bo.

SAM 112:10

Khumi aso y naichi ly huni atitichi niu nai khala y kado theu ai i, ho akachai naimy tama u pawn ai; nichi i kangai ly phra ai.

LEU KACHENG 14:19

Khumi hawi y naichi ly khumi kahawichi teng y, meimai nga ai nai lu meung iy, ahui kajeaung kaji ai nai tla.

LEU KACHENG 14:35

Samrang ly kalopra y kyhchaw nai miseaung ai ly khrei; na i py vang y nai khumi ai ly pajeng nai ne.

LEU KACHENG 16:14

Samrang i kado theu nai ly dei hai pajau nai deaungkho y, khumi kacheng ly samrang i kado theu nai rym ai nai atho sa reng nai ne.

LEU KACHENG 19:12

Samrang i kado theu nai ly khrangsi i hang nai hawi atawm. Na i py ni i mo y meimai nga nai ly aly ngai nai neng khala nai pi nai kanitui hawi atawm nai ne.

ISAIA 60:14

Nangchi ai pahyp y naimy ana nai khumichi i kangpreangchi ly nangchi teng y jeu iy, lu meung naimy ang chiu u ai. Vaichi khala y nang ai khumi aniu y nai khumi bawibawichi ly nang i kheu keung y ambeu iy chiu u ai. Nichi ly nang ai, ‘Israela chengchi i chai parai nai Areng i mary pui Zion mary,’ nanai py palau u ai.

DANIELA 3:19

Naibaly Nebukhadnezar ly my i paleung apatawn pajau y i, Sadraka, Meshaka hawi Abedanekochi i tlang tleaung y, kado theu nai meimai amangrang na bo. Hunaibaly samrang ly mai pui ai, angchei i tleaung y phy saryhrei bi pa-rei, mai kangveaung pareaung ai nai leu pei.

AMTENG HAI NAI 3:9

Khen cham, Juda tatang ny y naimy, ka-chawi thui iy Juda angam nai Setan i achu nai kamkawmchi ai ly, khen cham, nichi kypkyp ai ly nang teng y katym hai iy, nang i kheu keung y ambeu hai ai i, nang ai katamen, nanai nichi ai kang pany hai ai.

1 SAMUELA 20:7

Samrang my, ‘Hawi mang’ napi baly, kai i vui awmnemra nga bo; na i py ni my kado theu lawh baly, kai ai padei ai tau khyp nai bo, nanai nang pany ai.

1 SAMUELA 20:9

Jonathan my, “Huna naichi dawn reng moh! Ngaai my nang ai padei ai tau takeng kai nai pany baly, nang ai thui pi y nai awm ai a?,” napi.

1 SAMUELA 25:17

Hini molam adawn pasym iy, mana sa ai avo mo, nanai leu pacheang ba. Hini kalop ly achi i areng hawi yhm dengtheung verei i vui rai naira pei pajau nai ne. Achi i areng ly paleung ka-dawn akhum nai khumi ne i, ami i leu py tangai ai ny y!” napi.