ESTHER 6:13 - Khumi Common Language Bible

¹³ Mymy i aju hawi ahawichi teng y my i avum nai leaungsai bawibawichi amti pi. Huna nai khala y aju hawi mymy i ahawi kachengchi my, “Nang ly Modekai teng y sum amteaung bo; ni ly Juda cheng ne khyp lawh baly nang ly ni ai pajau y leang; ni ly nang i tlang tleaung y pajau takengkei ai,” napi u bo.

ESTHER 6:13 ပူးပေါင်းရင်းမြစ်များ

ATITI AWM ANGCHEI NAI 24:66

Miseaung my Isaka teng y, mymy i sa nai cheaungkhangchi amti pi nai ne.

ATITI AWM ANGCHEI NAI 40:19

Kani thomrei kani y samrang my nang ai ang palau iy nang i lu tameang hai vui ai; nang i tlang ai ly dengkeaung tleaung y bang hau ai i, tavochi my nang i ngan ang cha ai,” napi.

ATITI AWM ANGCHEI NAI 41:8

Khawn khutawi nai khala, samrang ly paleung mawn parai i, Aikupta pri y awm nai atam kakawpchi hawi khumi kacheng bawibawichi ai palau hai bo. Samrang ly mymy i amang amang naichi, huni khumichi teng y thui pi, na i py ami py thui pi pachai thai y.

JOBA 15:24

Tavai atiu ai nai angveirym nai samrang kamta, ka-jeira my ni ai tiu ai nai ajeng rym nai ne.

SAM 105:15

Mymy ly “Kai i vawi takhra nai miseaungchi ai patang hai u moh; kai i amochi ai kiu pajeung kadeaung hawi py teaung u moh, nanai samrangchi ai leu pei bo.

LEU KACHENG 28:18

Kahawi sa reng nai khumi ly ka-jeira avum y ai. Ka-kawi paleung awm nai khumi ly vaimy atlym ai.

DANIELA 2:12

Naibaly samrang ly khri pa-rei kado theu i, Babulon pri y awm nai khumi kacheng bawibawichi ai, padei pawn ai nai leu pei bo.

HOSEA 14:9

Tau cheng nai khumi hawi dawn pasym thai nai khumichi ly hini cha-iura tajiu nai ngiereichi ai dawn pany thai iy, paleung theung y pateung u me na sy. Areng my khai pi nai reitachi ly teng nai deaungkho y khumi kahawichi ly huni reita lamchi kamta tangai iy, heng u bo. Na i py kamngo sa nai khumichi ly huni reita lamchira y tako u y nai deaungkho y, athei thleaung iy atlym u nai ne.

ZEKHARIAH 2:12

Hunai bi baly Juda khu ly nang parai nai pri theung y, Areng i vawi patyp nai meingtym lawm ai. Jerusalem mary py mymy i khrei keh nai mary lawm ai.

Kati Nai 24:9

Israela pri ly atho ham nai khrangsi hawi atawm; khrangsi i nai khala ami py ni ai palaw vam y. Israela chengchi ai amtheaung hai nai khumi ly amtheaungra nga ai; Israela chengchi ai pasawi nai khumi ly amsawi lawi teang ai,” napi.

Leu Thui Nai 32:10

“Mymy ly nichi ai ali ho nai daichi ka-vym theung y amki ryry nai niu baly, mymy i cho chanau kypkyp kamta nichi ai hawihai palai kry nai ne.