ESTHER 6:1 - Khumi Common Language Bible

¹ Huni vum y samrang ly i kamhm pei y nai deaungkho y empara pri peang nai cha-iu hnei i, phain hai bo.

ESTHER 6:1 ပူးပေါင်းရင်းမြစ်များ

ATITI AWM ANGCHEI NAI 22:14

Abraham my huni meingtym ai ly “Areng my ang sa pi rym nai,” nanai amyn pathi bo. Vaini khrairei khumichi my, “Areng i mawi salo y mymy ly ang sa pi rym ai,” nanai thui u jojo nai ne.

ESTHER 10:2

Samrang ly mana tanrei haiho awm na mo, nanai hawi, tahm asang nai kalopra y Modekai ai mana tanrei pasang mo, nanai py, Pasia hawi Medi samrangchi i recordchi ra y tajiu typ nai ne.

ESTHER 2:21

Modekai ly samrang i yhm y kry nai kalop sa nai thym khala y, samrang i yhm katheu pa-kho typ nai samrang i tli chum nai leaung nyhrei Bithana hawi Teresh nini ly samrang Ahasuru i tlang tleaung y kado theu nai deaungkho y, padei vui ai nai kangviu y dawn hawi nai ne.

ESTHER 2:22

Modekai ly huni satang thai nai deaungkho y samrangnu Esther teng y amti pi. Naibaly Esther ly samrang teng y Modekai i pany nai sai thui pi.

ESTHER 2:23

Huni molam chih nai khala, Modekai my pei nai satang ly teng, nanai pany nai deaungkho y, huni leaung nyhrei ai akaeu naira y padei vui nai ne. Samrang ly hini molam y empara pri cha-iu theung y tajiu hai typ bo.

ESTHER 5:8

“Samrang nang ly kai i hnei nai aly pei ai na baly, khawndam mang y samrang nang i vui kaimy sa pi rym nai dym biu cha pawira y Haman hawi vanrei jeu bi ba; huni neng khala y kai i hnei ai ngai nai aly kang thui pi ai,” napi.

ISAIA 41:17

Kai i khumichi tui ngai nai hau nai khala py, nichi tui kanghai tao phui nai khala py, kai, Areng ly nichi i hnei takeng nai pathang pi ai. Israela chengchi i Tameuh, napi nai kai ly nichi ai mana khala py khai su ai ny y.

DANIELA 2:1

Samrang Nebukhadnezar ly my i peang nai pa-nyh saneng y amang amang i, khri pa-rei paleung bi nai deaungkho y, i amhm y na.

DANIELA 6:18

Samrang ly yhm mang y vawi i, vumtorei cho nei y. Mani mo paleung pahawi nai py ngai y, i py amhm y nai ne.

MALAKHI 3:16

Naibaly Areng ai jei kaji naimy tahm khai nai khumichi, mychi tengtawi arum u nai leuchi ai Areng ly tangai nai deaungkho y thai bo. Areng ly mymy ai jei kaji naimy tahm khai nai khumichi i amynchi ai, mymy mo i cha-iura y tajiu typ bo.

ROM AVANGCHI TENG Y PAWLA I CHA PA NAI 11:33

Aw! Tameuh i cheng naira hawi pany naira ly khri thiu na ly! Mymy i chih nairachi ly pipi pany pajau y, mymy i sa nai sai ly patawm pajau ai nai aveng!