ESTHER 4:16 - Khumi Common Language Bible

¹⁶ “Susa mary y awm nai Juda cheng ngiereichi ai pangym ly kai i vui biu hai iy vum thom, kani thom sai py cho nei u moh sy; kai hawi kai i miseaung neampachychi py biu kahai u ai; huni bo y samrang i reita taphra nai y ang padei lawh teu i py samrang teng y kun ai,” nanai pathang bo.

ESTHER 4:16 ပူးပေါင်းရင်းမြစ်များ

ATITI AWM ANGCHEI NAI 18:19

Kai i leu tangai iy, atiti kahawi sa ai nai mymy i kangpreangchi hawi, mymy i chapochi ai leu pei ai nai molam y, kai ly mymy ai vawi takhra nai ne. Nichi kahawi sa baly kaimy i leu adeu nai kamta khyp, ni i vui ati cheaungkhangchi sa pi ai,” napi.

ATITI AWM ANGCHEI NAI 43:14

Benjamin hawi Simeon nini ai ang pei teang ai nai, ati cheaungkhang sa thai nai keung Tameuh my huni khumi i paleung ai py so pi sy; nangchi i amjo hawi Benjamin ai py vawi hai teang ai nai ang pei ai mang. Kai i chapochi tama lawh teu i py tamo teu jau sy,” napi.

2 SAMUELA 10:12

Achi ly ham parai naimy achi i khumichi hawi achi i Tameuh i marychi i vui atho sa iy tiu u sina! Areng ly mymy i ngai nai kamta so sy!” napi.

2 ARENG KEH 7:4

Achi ly mary theung y kun baly kajeu kanglam y dei ai; hi y awm jo i py dei ai. Hunai deaungkho y achi ly Suria tavaimichi i Tai naira y phai chei u sina. Nichi my pahen baly heng ai; nichi my padei baly dei ai,” nanai arum u nai ne.

2 NENG SATANG 20:3

Jehoshapha ly jei phi nai deaungkho y Areng teng y chiu sa. Naibaly ni ly Juda pri verei y biu hai ai nai kani khai pi bo.

EZARA 8:21

Tameuh ly achi i khuleaung amla naira lam patei pi iy, achi hawi vanrei cho chanauchi hawi yhmtheaung katuichi ang kry pi ai. Huni molam y achi bawibawi ly mymy i mo y paleung apanem parai naimy biu hai ai nai, hini Ahava tuilam sahawi y kaimy leu pei nai ne.

ESTHER 4:15

Esther ly Modekai teng y,

ESTHER 4:17

Naibaly Modekai ly theu iy Esther i leu taviu nai kamta sa nai ne.

ESTHER 4:3

Samrang i leu pei nai cha tym nai pri khu ka-peang tleirei y Juda chengchi ly biu hai iy vo hang u nai ne. Khumi luteng paisiu amchiu iy maidym salo y jawn u bo.

ESTHER 5:1

Esther ly mymy i biu hai nai pa-thom kani y samrangnu ateaungchi amthyp iy, samrang atehra bailang awm nai takun mo i samrang yhm angtheung katheu pa-kho y chei iy angdo jo nai ne. Samrang ly katheu pa-kho mang y mo tha iy ateh.

ESTHER 9:31

neng tym nai khala y mymychi paleung ka-dyh dawn yb nai kamta mymychi hawi mymychi i katu chanauchi ly biu hai nai hawi paleung si vo tangam naichi sa chum baly Purim pawi kanichi sa ai nai leu pei nai ne. Hini leu pei nai ly samrangnu Esther hawi Juda cheng Modekai nini my patheu nai cha ne.

ISAIA 22:12

Huni thym khala y ati cheaungkhang sa thai nai keung Areng ly nang ai vo hai iy, paleung si nai ka-ma-ra patei ai nai hawi, lu vau tabiuliu iy paisiu amchiu ai nai thui pi yb nai ne.

JEREMIA 36:9

Josia i chapo Juda samrang Jehojakim i samrang atheng nai pa-ngo saneng, takawrei lo y, Israela khumichi ly Areng y meimai nga ai nai molam, biu hai ai nai neng thai hai nai deaungkho y, Jerusalem mary i khumi bawibawichi py, Juda mary tleirei i jeu u nai khumi bawibawichi py, biu hai u bo.

DANIELA 2:18

“Achi ly Babulon pri y awm nai takhra tau kachengchi hawi vanrei, dei ai naira avum y ai nai, kani pri mang y awm nai Tameuh my ang pahen iy khri pa-rei rai parai nai amang thui pachai kawp ai nai mymy teng y chiu so u sina,” napi.

MATTHAI 12:40

Jona ly ngo kalen pui i kajeu theung y kani kani thomrei vum vum thomrei awm nai kamta ly, Khumi i Chapo ly khaileaung theung y kani kani thomrei vum vum thomrei awm teng ai he.

LUKA 9:24

Ami py amy i hengra apalawi ai nai ngai nai ngierei ly tama ai; ami py kaimy deaungkho y amy i hengra tama nai ngierei ly, huni khumi kypkyp ly apalawi ai.

JOHAN 19:22

Pilata my, “Kai i tajiu nai ly katajiu chum veng bo,” nanai pathang.

AMTAW 10:7

Naibaly mymy hawi arum nai kani pri i amtaw thau nai ly leh bo nabaly, Kornelia ly mymy i miseaung theung i khumi leaung nyhrei hawi, mymy i kalop sa jojo nai tavaimichi theung i nai Tameuh ai dawn parai nai leaungrei ai py palau;

AMTAW 20:24

Na i py kai i angpreng acham ai nai lam motawn angym ai nai hawi, Tameuh i pahenra Satang Kahawi pany hai ai nai, kai Areng Isu teng i krykeung kalop nga nai sa be ai nai ly kai i hengra tama ai nai kamawn y leang.

AMTAW 21:13

Naibaly Pawla my, “Ati mana nai kai ai paleung si hai ai nai vo u ryry lawh? Areng Isu i amyn deaungkho y Jerusalem y kawm ai nai kavam nai khyh ny y leang, dei ai nai py kavam nai na a,” nanai pathang.

AMTAW 27:33

Naibaly khutawi ai bo nabaly Pawla my khumi bawibawichi ai biu cha ai nai parawi i, “Nangchi ati sai py cho y naimy ajeng nai biu hai jo i, vaini ly kani holai palyhrei awm bo.

AMTAW 9:9

Naibaly mymy ly sai py niu y naimy kani thomrei awm i, ati sai py cho py cho y, nei py nei y.

ROM AVANGCHI TENG Y PAWLA I CHA PA NAI 16:4

kai khyh ny y naimy Cheng Takhra palau takhra kamkawm bawibawichi my nini teng y ly kawn nai leu thui nai ne;

PHILIPI 2:30

ati mana nai mo nabaly nangchi i kai ai sabawm nai kamchawn patawm u bi ai nai, dei ai dawn y naimy sa iy, Krista i kalop sa nai deaungkho y dei vi nai awm veng bo.

JOSUA 24:15

Leu kabeaung y nangchi ly Areng ai chiu y lawh baly, Mesopotamia pri y nangchi i amsi pajochi my chiu nai tameuhchi mo, ti y baly vai, nangchi awm nai Amori chengchi my chiu nai tameuhchi ai mo, chiu ai nai vaini my vawi takhra u. Kai hawi kai i yhm dengtheungchi ne teu khyly Areng ai naini chiu ai khyh,” nanai thui pi bo.

1 SAMUELA 19:5

Ni ly my i tlang areu naimy Koliatha ai padei bo; hunai kamta Areng ly Israela chengchi ai eaung pawi pui nga hai bo. Hunichi nang niu nai khala y amo theu bo. Na i py nang ly kamngo by y nai khumi leaungrei ai ati mana nai tamang ai mo? Ati mana nai Davida ai padei atyhtyh lawh ai mo?,” napi.