ESTHER 4:14 - Khumi Common Language Bible

¹⁴ Nang ly vai hini neng y ati sai py so naimy awm pypy vui lawh ai na baly, Juda chengchi ly kani pri mang i dengdairei kasabawmra nga iy atleura nga ai. Na i py nang ai ly ang padei ai i, ngampo i yhmtheaung py tama ai; nang samrangnu lawm nai ly hini neng i vui y ne na a!” napi.

ESTHER 4:14 ပူးပေါင်းရင်းမြစ်များ

ATITI AWM ANGCHEI NAI 22:14

Abraham my huni meingtym ai ly “Areng my ang sa pi rym nai,” nanai amyn pathi bo. Vaini khrairei khumichi my, “Areng i mawi salo y mymy ly ang sa pi rym ai,” nanai thui u jojo nai ne.

2 ARENG KEH 13:5

Areng ly Israela chengchi ai Suria chengchi kiu i nai atleu pi ai nai khumi amthawn hai bo. Hunaibaly Israela chengchi ly vaichi khala i kamta, tlamsa naimy awm ai nai nga u nai ne.

2 ARENG KEH 19:3

Amo Isaia teng y amti pi ai nai nichi teng y thui pi nai leu ly “Vaini ly patang nai kani ne; achi ly kamngo pajeng naira avum i, kangji nga u bo. Achi ly deaungdi tapen ai nai neng tym iy py, tapen ai nai atho by y nai neampachy hawi atawm.

EZARA 9:9

Kaichi ly miseaung achei i py, nang ly kaichi ai miseaung ne i py khai su y leang. Nang ly Pasia empara i mo y kaichi ai meimai nga hai iy tlang heng ai nai hawi, phra seaungkhrang nai Achura yhm sa palum teang ai nai nga nai hawi, Juda pri Jerusalem mary y phrumai by y pa-rei awm ai nai pei nai ne.

NEHEMIA 6:11

Naibaly kaimy, “Kai ly preang iy aheu reng nai khumi ny y; deira i tleaung ai nai Achura yhm theung y aheu reng nai khumi, nanai nang athang khai a? Achura yhm mang y kachei y leang,” kanapi.

ESTHER 2:15

Abihaila i chaniu, Modekai i tuicho lengsang, pacho nai chaniu, niu nai ngiereichi my lyh riri nai Esther ly samrang teng y kun ai nai neng tym nai khala y, anglo i-savang kry nai keung tli chum nai Hekai my pateaung pi nai ateaungchi amthyp iy chei bo.

ESTHER 2:17

Samrang ly takhra neampachychi tleaung y ni ai khreikeh nai deaungkho y, ni ly samrang teng y meimai nga i, samrang my khrei nai ne. Naibaly samrang my ni ai samrang i areng lukhym amym hai chum baly, Vasati i meingtym samrangnu ra y palyn bo.

ESTHER 2:7

Ni teng y Esther napi nai tuicho lengsang awm. Esther i Juda cheng amyn ly Hadasa ne. Ni i amhm ampo dei vui nai khala y Modekai ly ni ai pacho i, my i chaniu kypkyp kamta kry. Naibaly Esther ly mo cha hawi i, tlum tlang apheung hawi nai neampachy leaungrei ne.

ESTHER 4:13

pany hai ai nai leu taviu nai ly “Nang ly samrang i yhm y awm nai deaungkho y takhra Juda chengchi tleaung y chymme naira awm ai, nanai dawn moh.

ESTHER 4:15

Esther ly Modekai teng y,

JOBA 9:18

Mymy ly kai ai taho ai nai py pei y na; Kai i heng nai ai no-ei hai bo.

Parip nai leu 3:7

seipiu ai nai neng hawi hui tabi ai nai neng py, awm pypy ai nai neng hawi leu katheu ai nai neng py awm.

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

ISAIA 54:17

Na i py mani tavai ateaung py, nang ai no pei pajau y leang. Nang ly nangmy ai ang seu nai ngiereichi ai, tlau teang pajau ai. Kai ly kaimy i miseaungchi ai kry iy, eaung naira kapei ai,” napi. Hini ly Areng i leu pei nai ne.

JEREMIA 30:11

Kai ly nangchi ai atleu ai nai kang jeu ai. Kaimy nangchi ai ahei hai nai prichi ai ly kaimy taphra ai. Na i py nangchi ai ly kang taphra ai ny y. Kai ly nangchi ai pajeng y naimy khai ai ny y; na i py pajeng nai khala ly hawi khypchy my kang pajeng ai. Hini ly kai, Areng i thui nai leu ne,” napi.

JEREMIA 46:28

Kai ly nangchi teng y kang jeu iy nangchi ai atleu ai. Kaimy nangchi ai ahei hai nai pri cheaungkhangchi ai taphra ai. Na i py nangchi ai kang taphra y leang mang. Kai ly nangchi ai pajeng y naimy khai ai ny y teu i py, kang pajeng nai khala ly kamlau ryrei kang pajeng ai khyh. Hini ly kai Areng i thui nai leu ne,” napi.

Levi 26:42

kai ly Abraham, Isaka, Jakobchi hawi asa nai Leu Maikawm ai pany jo iy, huni Leu Maikawm saho y kai i khumichi ai Kanan pri kapei pi nai ne.

MATTHAI 16:18

Naibaly kang thui pi, nang ly Petera ne, naibaly hini lengseaung pui tleaung y ly kai i palau takhra kamkawm kapadyh kalau ai i, tavau kho i apai katheu pa-kho my ly huni ai pajau y ai.

MATTHAI 24:22

Naibaly huni neng ai ly dawi hai moh khyly khumi nanai kangheng ha py awm ai ny y; na i py vawi takhra naichi deaungkho y huni neng ai ly dawi hai ai.

Leu Thui Nai 32:36

Areng ly mymy i khumichi atho kheih nai, paha nai niu nai khala atleu ai. Mymy teng y ahihawi iy chiu nai chiu nai khumichi jeaungmang nai niu nai khala, nichi ai pahen ai.

TARA CHIH NAI KEUNGCHI 15:6

Hini ly ami my sa nai mo, nanai Philistia chengchi ly adeng ahui nai khala, Timnah mary i ampu ly Samson i aju ai Samson i ahawi teng y pei vui nai molam y, Samson my hina nai sa nai ne nanai pany u. Huna nai y nichi ly huni neampachy hawi ampo i yhm ai mai leng vui bo.

1 SAMUELA 12:22

Areng ly nangchi ai mymy i khumi palawn iy vawi takhra bo. Hunai deaungkho y mymy ly my i amyn saho y nangchi ai khai su y leang.

1 SAMUELA 17:29

Davida my, “Kai ati kasa lawh sai mo? Kai ly leu sairei py deng pajau y na bo a?,” napi.