ESTHER 3:13 - Khumi Common Language Bible

¹³ Cha tha nai khumichi ly huni leu pei nai cha ai, empara pri verei y awm nai khu ka-peang ngierei ra y syn u bo. Huni cha theung y ly “Ada lo kani holai thomrei kani, huni kanirei y my Juda cheng miteaung, deaungdi, neampacho, neampachy ngiereichi ai pahen y, pahyp y naimy padei iy, nichi i yhmtheaung katuichi lawm u sy,” nanai abawi nai ne.

ESTHER 3:13 ပူးပေါင်းရင်းမြစ်များ

2 NENG SATANG 30:6

Samrang hawi miteaung kehchi i leu pei nai kamta, savaichi ly palau nai chachi syn u iy, Juda pri hawi Israela pri verei y chei u bo. Palau nai cha ra y, “Aw Israela chengchi awi, nangchi ly Asuria samrang kiu i tleaung nai dei kamthomchi ne. Abraham, Isaka, Jakobchi i Areng Tameuh teng y ali u teang jau; mymy py nangchi teng y ang jeu teang ai mang.

ESTHER 7:4

Kai hawi kai i chengchi ai jo chum veng nai deaungkho y, kaichi ly dei u ai bo; miseaung achei nai ryrei khyh lawh na baly, kai ly samrang nang ai paleung khrukhra hai y naimy kham tanga veng ai bo; vai ly kaichi ly cheng myh ai nai pa-rei taphra nai avum u ai bo!” napi.

ESTHER 8:5

“Samrang nangmy ngai na baly, kai ai paleung tuinem ai na baly, nangmy avo napi baly, empara pri theung y awm nai Juda cheng bawibawichi ai padei ai nai Aka i kangpreang Hamedatha i chapo Haman i sa nai molam y, leu pei nai chachi taphra teang nai cha patheu pi ba.

ESTHER 9:1

Adar lo kani holai thomrei kani tym bo; huni kani ly samrang i leu pei nai sa amteaung ai nai kani ne i, paleung ka-echi ly mymychi i kiu tleaung y Juda chengchi tym ai nai nichi ajeng nai kani py ne. Na i py nichi i athang khai nai kamta ny y i, Juda chengchi my nichi ai pajau vui lawh bo.

ESTHER 9:5

Hunai deaungkho y Juda chengchi ly paleung ka-echi i tlang tleaung y ngai nai kamta sa pajau; huna nai y nichi ly paleung ka-echi ai haisau hawi tleh u bo.

JOBA 9:25

Kai i neng kani ly kheih kasa veng bo; kanirei py kai ai hawi naira pei y.

ISAIA 10:6

Tameuh by y nai cheng hawi, kai ai kado ang theu hai nai khumichi ai tiu ai nai Asuria chengchi ai kapato bo. Nichi ly lawm nai hawi paviu naimy, huni khumichi ai spryh kamta lamchira y chiu piupa ai nai, kaimy kapato nai ne,” napi.

JEREMIA 51:31

Babulon mary ly phra be ba veng bo, nanai Babulon samrang teng y samrang i amtaw thauchi ly leaungrei chum baly leaungrei, amti pi u nai ne.

ROM AVANGCHI TENG Y PAWLA I CHA PA NAI 3:15

Mymychi i kheu ly thi patheu ai nai takan nai rang;

JAKOB 2:13

Ami i tlang tleaung y pahen naira by y nai khumi ai ly, pahen naira abawi y nai tara chih pi ai:pahen naira my tara chih naira ai pajau ai.

1 SAMUELA 15:3

Nang ly chei iy Amalek chengchi ai tiu; nichi i vawnsai ateaung awn nai ngierei, ati cheaungkhangchi ai py, taphra pawn ai nai tla; sorai ai py takhawi moh; khumi neampacho neampachy, deaungdi, deaungdi chymplei naichi, huni bo y awm nai sichi, beramchi, kula-iuchi hawi keaungngo kano kasauchi, hunichi ai tamyh pawn ba,” napi.

1 SAMUELA 22:19

Sawla ly pathyp pi nai keungchi i mary napi nai, Noba mary y awm nai khumi neampacho, neampachy, thawndeang anglo, deaungdi chympleichi hawi khumi bawibawichi ai py, si, keaungngo kano kasau hawi beramchi ai py, padei hai chauchau bo.