ESTHER 1:10 - Khumi Common Language Bible

¹⁰ Pawi sa nai saryh kani tym nai khala samrang ly kreip hang nei nai amo theu nai thym y, mymy i sahawi y awm nai tli chum nai leaung saryhrei Mehuman, Bizatha, Habona, Abakatha, Zetha hawi Kakachi ai palau i,

ESTHER 1:10 ပူးပေါင်းရင်းမြစ်များ

ATITI AWM ANGCHEI NAI 43:34

Josepha ly sabawira i nai teichachi ai, nichi teng y tha pi; Benjamin ly amjochi tleaung y phy pangrei nawi keh nga. Hunai kamta mymychi ly Josepha hawi vanrei amo theu parai naimy cha nei u bo.

2 SAMUELA 13:28

Abasalom ly samrangchi hawi amlau nai cha nei pawi pui angveirym iy miseaungchi teng y, “Amanon ly kreip hang nei nai pavui tleaungleaung nai khala y, kaimy leu kang pei ai. Huna nai khala y nangchi ly ni ai tleh u, jei u moh. Kaimy rara ne sy. Vam parai naimy so u! mynkym u moh! " napi.

ESTHER 1:9

Huna nai thym khala y samrangnu Vasati py, samrang yhm theung y neampachychi ai cha nei pawi pui sa pi iy pacho panei nai ne.

ESTHER 3:15

Samrang i leu pei nai kamta Susa mary pui theung y hini cha patheu iy ahei hai bo. Naibaly cha tha nai khumichi ly thai hai nai cha ai, khu ka-peangchi ra y syn u bo. Naibaly Susa mary pui theung y khrukhra nai thym khala, samrang hawi Haman nini ly ateh iy kreip hang nei hawi nai ne.

ESTHER 7:9

Naibaly tli chum nai Habona my, “Haman ly nang i tlang atleu nai Modekai ai padei ai nai, mymy i yhm y akaeura sa yb bo. Huni akaeura ly miu vuipangrei asang nai ne!” napi. Samrang my, “Haman ai huni yhmmawmra y bang iy padei,” nanai leu pei.

LEU KACHENG 20:1

Mhm-rah nei ala nai khumi ly leu raawi len iy sa tamang reng; mhm-rah pavui tapai reng nai ly khumi ka-khum ne.

LEU KACHENG 31:4

Aw Lemuela awi, tangai ba. Samrangchi nanai ly kreip hang nei ai nai avo y. Mhm-rah ai ly paleung no ai nai avo y.

Parip nai leu 10:19

Cha nei pawichi ly khumi ai amo theu hai; na i py paisa tangka by y baly, huni cha nei pawi so pajau y leang.

TARA CHIH NAI KEUNGCHI 19:6

Naibaly meaungcha ampu nini ly vanrei ateh hawi iy cha nei hawi bo. Naibaly ampu my, “Vaini py i ly amo theu naimy awm rai,” napi.

RUTHI 3:7

Boaza ly cha nei chum baly, paleung amo theu naimy chajai chohleng pakheng achu naira y chei i aseaung bo. Naibaly Ruthi ly ni teng y chei jyn iy, kanih lei i kheu keung y aseaung nai ne.