EPHESI 6:9 - Khumi Common Language Bible

⁹ Naibaly nangchi yhmkeungchi awi, mymychi i hawi nangmychi i yhmkeung ly kani mang y awm, nanai hawi, mymy ly patle takhra nai by y nanai py pany u iy, ram y naimy nichi i tlang tleaung y so u teang.

EPHESI 6:9 ပူးပေါင်းရင်းမြစ်များ

NEHEMIA 5:5

Kaichi ly Juda chengchi ny y a? Kaichi i cho chanauchi py nichi i cho chanauchi tleaung y tahm theang y leang. Na i py kaichi ly kaimychi i cho chanauchi ai miseaung lawm hai bo. Chaniu phyreichi ai py miseaung y jo vui bo. Kaichi ly ati sai py so thai y. Kaichi i li hawi kreip akhochi py ami i kiu theung y tym be veng bo ly!” napi u.

JOBA 34:19

Tameuh ly khumi cheng cheaungkhangchi ai sa nai ne i, samrangchi ai meimai khen patleh y. Khumi kanangchi ai khumi kamawnchi tleaung y meimai khen patleh y leang.

SAM 140:12

Aw Areng, nang ly khumi kamawnchi i hawi naira hawi, kamawn katichi i vui nga sang naichi ai ama hai, nanai kai ly pany bo.

Parip nai leu 5:8

Pri peang nai keungchi my khumi kamawnchi ai ana nai py, nichi i nga ai avo nai pei pi y nai hawi ka-dyh ka-dawi so pi y nai py, nang niu nai khala rengrang ti moh. Miteaung kehchi malawn py mymychi tleaung y len nai khumichi i ama hai nai anui y awm u nai ne.

ISAIA 47:6

Kai ly kaimy i khumichi ai kado theu hai nai deaungkho y, kai i khumichi ny y nai kamta kapalawn nai ne. Nang i sa thai naira anui y khai bo. Na i py nang ly huni khumichi tlang tleaung y, pahen nai paleung khai y; miteaung kehchi ai malawn py, pahyp y nai ana u nai ne.

DANIELA 3:15

Vai nangchi ly bawchi, byhlyhchi, atymchi, taro katheang kalenchi hawi takhra katyn kapauchi beu nai katyn thai phai thai u baly, muku myn pui ai lu meung u. Huna nai kamta so u y lawh baly, nangchi ai mai pui kangveaung theung y vaimy aphi ai. Nangchi ai atleu pajau nai tameuh awm, nanai nangchi athang khai u a?” napi.

DANIELA 3:6

Ami py ne sy, lu meung iy chiu y nai khumi ai ly mai pui kangveaung theung y vaimy aphi ai,” nanai tao pajeng parai naimy aeu nai ne.

Levi 19:13

“Amy tleaung y atho di nai khumi ai, kamjau kamteang khai moh; ami i vawnsai lawm moh. Ka-tham vang pei ai awm nai ly kani dym y naimy pei praw ai nai tla; khawn mang khrairei pei y naimy khai moh.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

MATTHAI 22:10

Hunaibaly huni miseaungchi ly theu u iy lam y chei u i, niu nai ngiereichi ai ly, khumi kamngo py ne sy, khumi kahawi py ne sy, bawibawichi ai hawi u achu bo; hunaibaly jeu achu naichi ly aju palyn nai pawi biu cha naira kawi u bo.

MATTHAI 22:8

Naibaly mymy ly mymy i miseaungchi teng y ly, ‘Aju palyn nai pawi ly kasa rym bo, na i py heang naichi ly cha ai nai ataing y leang.

MATTHAI 24:48

Na i py miseaung kamngo ly ni i paleung y,

MATTHAI 24:51

khri pa-rei chip ajiu piu iy, tapawp nai khumichi i nga ai avo nai kamta nga hai ai; hu y ly vo py vo ai, ho py akachai ai.

MATTHAI 7:12

Hunaibaly ati cheaungkhang amichi my nangchi i tlang tleaung y so pi khyly, nanai ngai nai ngierei ly, mymychi i tlang tleaung y py so pi teang; huni ly Reita leu hawi amochi i leu ne.

LUKA 6:31

Naibaly amichi my nangchi i tlang tleaung y so pi khyly nanai ngai nai ngierei ly, mychi i tlang tleaung y py so pi teang.

JOHAN 13:13

Nangchi ly kai ai Sara, Areng napi; nangchi i napi nai teng mang, kai ly ne khyp.

AMTAW 10:34

Naibaly Petera ly leu thui i, “Tameuh my ly khumi ai patle takhra y leang, nanai kai hawihai palai pany:

ROM AVANGCHI TENG Y PAWLA I CHA PA NAI 2:11

ati mana nai mo nabaly Tameuh ly khumi ai patle takhra nai by y leang.

I KORINTH 1:2

Korinth avang y Tameuh i palau takhra kamkawm awm nai, Krista Isu y khai takhra nai, khumi kachai lawn ai nai palau naichi teng y hawi, meingtym tleirei y achi i Areng Isu Krista i amyn palau nai bawibawichi teng y py (ni ly mymychi i hawi amychi i Areng ne),

I KORINTH 7:22

Miseaung y awm nai thym khala y Areng y palau nai ly Areng i miseaung alaw nai ne; hunai kamta khyp teang miseaung alaw nai thym khala y palau nai ly Krista i miseaung ne.

Leu Thui Nai 10:17

Nangchi i Areng Tameuh ly tameuh bawibawichi hawi areng bawibawichi tleaung y py len keh. Areng ly nang parai iy sa thai naira angym nai Tameuh, tahm khai iy jei kaji ai hawi nai Tameuh ne. Mymy ly khumi ai patleh takhra y i, un py cho y nai ne.

KOLOSA 3:25

Ati mana nai mo nabaly atiti teng y nai sa nai keung ly mymy i atiti teng y nai sa nai vang ly nga teang ai; khumi ai patle takhra naira ha py awm lawh y leang.

KOLOSA 4:1

Yhmkeungchi awi, nangchi py kani pri mang y nangchi i yhmkeung awm, nanai pany iy, nangchi i miseaungchi i tlang tleaung y avo nai hawi amlau nai ryrei so u.

JAKOB 2:13

Ami i tlang tleaung y pahen naira by y nai khumi ai ly, pahen naira abawi y nai tara chih pi ai:pahen naira my tara chih naira ai pajau ai.

JAKOB 2:8

Na i py Tameuh i cha-iu leu, “Nangmy ai atamen na kamta, saleaungchi ai tamen ai nai tla,” nanai len keh nai reita patawm u baly, nangchi i sa nai hawi mang:

JAKOB 5:4

Khen cham, nangchi hlau choh tyh tham naichi ai tapawp nai pei y nai vang ly aeu; naibaly choh tyn naichi i aeu nai ly Mipuichi i Areng Tameuh i kano y kun bo.

1 SAMUELA 15:17

Samuela my, “Nang ly nangmy ai ati sai py ny y nai khumi, nanai apalawn i py, nang ly Israela chengchi ai lu sa nai keung lawm bo. Areng ly nang ai Israela chengchi i samrang lawm ai nai asitui ang lei pi bo.