EPHESI 6:4 - Khumi Common Language Bible

⁴ Naibaly nangchi ampochi awi, nangchi i chanauchi ai kado patheu u reng moh; Areng i thui rip naira hawi parip naira y phai kry u.

EPHESI 6:4 ပူးပေါင်းရင်းမြစ်များ

ATITI AWM ANGCHEI NAI 18:19

Kai i leu tangai iy, atiti kahawi sa ai nai mymy i kangpreangchi hawi, mymy i chapochi ai leu pei ai nai molam y, kai ly mymy ai vawi takhra nai ne. Nichi kahawi sa baly kaimy i leu adeu nai kamta khyp, ni i vui ati cheaungkhangchi sa pi ai,” napi.

1 NENG SATANG 28:20

Samrang Davida ly chapo Solomon teng y, “Nang ly ka-ym awm iy vam nai paleung awm ba. Kalop so amteaung ba. Atiti my py nang ai paka moh sy. Kai i chiu nai Areng Tameuh ly nang hawi vanrei awm ai. Mymy ly nang ai khai su ai ny y. Achura yhm i vui ngai nai atiti sa naichi pajau pa-rei, nang hawi vanrei awm hai ai.

1 NENG SATANG 29:19

Nang i leu pei naichi ai paleung hawi verei tangai ai ngai nai paleung ka-dawn py, Achura yhm cheang pa-rei paleung hawi verei sa ai ngai nai paleung py, kai i chapo Solomon teng y pei pi kyh ba. Huni Achura yhm i vui kai ly hini atitichi angveirym bo,” nanai chiu sa.

LEU KACHENG 19:18

Cho chanauchi tleaungri acheang y rai nai, thui parip ai nga nai neng khala parip ba. Huna nai so y baly nichi ly phra naira tym ai.

LEU KACHENG 22:15

Deaungdichi i awm kari ly awm ngaulau nai, tamang naichi sa u reng nai ne. Na i py khyh pakhau iy parip baly, nichi i amhi amtlau nai sai hawiryh hawiryh ai.

LEU KACHENG 22:6

Deaungdi teng y ati mana heng ai nai tla mo, nanai patiu pi ba. Hunaibaly ni ly mymy deungrei, thui parip naichi ai tami ai ny y.

LEU KACHENG 29:15

Khyh pakhau iy thui parip nai ly cho chanauchi i vui y hawi nai ne. Deaungdi i aly parawi ala baly, huni deaungdi my amhm ai kangji pei ai.

LEU KACHENG 29:17

Nang i deaungdi ai parip ba. Hunaibaly nang ly ni i molam y tahm awm, amlyh jojo pajau ai. Ni i molam y mana khala py, kangji nga ai ny y.

ISAIA 38:19

Vai, nang ai kaimy kang palo nai kamta heng nai khumichi naini nang ai palo u nai ne. Ampochi ly cho chanauchi ai nang i ka-ymra satang thui pi u bo.

EPHESI 6:3

(huni ly leu sai horei pei naichi theung y atiti adeu manme nai ne).

Leu Thui Nai 4:9

Nangchi ly atyp u! Nangmychi kypkyp my niu nai ngiereichi ai, nangchi heng nai ryrei tami y ai nai atyp u. Nangchi i chanauchi hawi katuchi teng y py thui pi u.

Leu Thui Nai 6:7

Huni reitachi ly nangmychi i cho chanauchi teng y patiu pi ai nai tla. Nangchi yhm y awn nai khala py, khuleaung keung py, anawn khala py, kalop sa nai khala py, huni reitachi avaw avawrei dawn ryhpatyh jo ai nai tla.

KOLOSA 3:21

Ampochi awi, nangchi i chanauchi ai kado patheu u reng moh, ti y baly nichi ly atho angai y lawh na.

II TIMOTHEI 1:5

nangmy i paleung theung y awm nai ym naira tatang kapany jo: huni ly ngamsi Losi paleung theung y hawi, ngamhm Euniki i paleung theung y py awm man nai ne; naibaly vai py nang teng y awm teang, nanai kai pany khyp bo.

II TIMOTHEI 3:15

Krista Isu y ym naira awm nai deaungkho y, heng naira nga ai nai ka-lawh pa-rei ang cheng hai thai nai cha-iu kachaichi ly nang deaungdichy khala i dengdairei pany nai bo.

JOSUA 24:15

Leu kabeaung y nangchi ly Areng ai chiu y lawh baly, Mesopotamia pri y nangchi i amsi pajochi my chiu nai tameuhchi mo, ti y baly vai, nangchi awm nai Amori chengchi my chiu nai tameuhchi ai mo, chiu ai nai vaini my vawi takhra u. Kai hawi kai i yhm dengtheungchi ne teu khyly Areng ai naini chiu ai khyh,” nanai thui pi bo.

TARA CHIH NAI KEUNGCHI 13:12

Naibaly Manon my ni teng y, “Tumbaly nang i thui nai kamta ne khyp nai khala, huni deaungdi ly ati sa ai mo? " nanai deng.