EPHESI 5:6 - Khumi Common Language Bible

⁶ Ami py leu ta chawm y naira y ly nangchi ai tapawp moh sy; huni atitichi deaungkho y Tameuh i kado theu nai ly leu tangai y nai chanauchi i tlang tleaung y tym reng.

EPHESI 5:6 ပူးပေါင်းရင်းမြစ်များ

2 ARENG KEH 18:20

Nang ly leu hawimy tavai atiu ai nai sa thai naira awm, nanai athang khai a? Asuria pri y tiu ai nai nang ai ami my sabawm ai mo?

SAM 78:31

Tameuh ly nichi i tlang tleaung y kado theu nai deaungkho y, atho awm keh iy vawi patyp nai Israela thawndeang ka-cheangchi ai padei pi pawn bo.

JEREMIA 27:9

Amang thui pachai kawp naichi, khumi kadei i phailo palau iy dawi kawp naimy mo mang i satang thui thai nai keungchi, ti y baly nangmychi amochi i leu py tangai u moh. Nichi bawibawi my py nangchi ai Babulon samrang i miseaung y awm y ai nai ang thui pi bo.

JEREMIA 29:31

“Kai, Areng ly Shemaiah hawi ni i katu chanauchi ai kapajeng ai. Kai ly ni ai pato y i py, ni ly amo leaungrei kamta amlawn iy nangchi ai leu ka-chawi ym ai nai thui pi nai deaungkho y, ni ly kai i khumichi ai kai ai tiu ai nai kachyh nai leu thui nai ne. Hunai deaungkho y ni ly nichi teng y kapei ai nai atiti kahawichi niu ai ny y. Hini ly kai Areng i thui nai leu ne,” nanai Shemaiah molam y leu pei nai ly Babulon mary y langheng hawi nai khumichi teng y thai hai ai nai leu ang pei nai ne.

JEREMIA 37:9

Babulon chengchi ly ang jeu u takengkei ai. Hunai deaungkho y nichi ang jeu u ali teang ai ny y, nanai nangchi i ka-dawn tamang y ai nai, kai Areng my kang pany hai nai ne.

MIKHA 3:5

Paisa tangka pei pajau nai khumichi teng y tlamsa ai nanai py, paisa tangka pei pajau y nai khumichi teng y, tavai takai patang naira tym hai ai nanai py, thui reng nai amochi i li-tapawp nai ly kai i khumichi avum u bo. Areng my, huna nai amochi teng y,

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

MATTHAI 24:4

Naibaly Isu ly pathang i nichi teng y, “Nangchi ai ami my tapawp y ai nai tau tleaung y awm u.

MARKA 13:22

Krista angam naichi hawi, amo angam naichi py theu ai i, nichi ly sa thai iy khyly vawi takhra naichi ai tapawp thai ai nai ka-ma-ra hawi khri pa-rei lyh ai awm naichi py patei ai.

MARKA 13:5

Naibaly Isu my nichi teng y thui amteaung i, “Nangchi ai ami my tapawp y ai nai tau tleaung y awm u.

ROM AVANGCHI TENG Y PAWLA I CHA PA NAI 1:18

Leu meitang ai hawi y naira y paka nai keungchi i Tameuh ai tahm khai y naira hawi, hawi y naira bawibawichi i tlang tleaung y py kani pri mang i dengdairei Tameuh i kado theu naira amteng nai ne;

KOLOSA 2:18

Ami py amy i ngai naira y leu anui nai hawi, kani pri i amtaw thau naichi ai chiu naira y teaung nai, nangchi i kawn nai vang ly lawm pi moh sy; mymy ly mymy i atitichi niu naira y awm jojo iy, mymy i tlang i paleung deaungkho y am-e atyhtyh nai, Lu y amkhaw cheng y nai veng:

KOLOSA 2:4

Ami py nangchi ai leu kakawp y ang tapawp y ai nai huni ly kana nai ne.

KOLOSA 2:8

Amkym u, ti y baly ami py Krista i leu kamta ny y naimy, khumi i reita taviu nai hawi khaileaung pri i pakeungchi kamta ne lawh iy, ni i leu kacheng hawi tapawp atyhtyh naira y nangchi ai ang patiu lawh na.

KOLOSA 3:6

huni atitichi deaungkho y Tameuh i kado theu nai ly leu tangai y nai chanauchi i tlang tleaung y tym nai ne;

II THESALONIKA 2:3

Ami py sai py nangchi ai tapawp ai nai pei u moh: atlym naira ly tym man veng iy Reita Taphra Nai, tama nai i chapo ly amteng y baly huni kani ly tym ai ny y.

HEBRAI 13:9

Patiu naira amjy takhra takhra hawi, pany vai y nai my py nangchi ai pajau vui ai nai pei u moh:paleung ly cha ai naichira y ny y naimy, pahenra deaungkho y khaw naira nga nai ly hawi:huni mang y asa naichi ly hunira y chawn naira ngo u lawh y leang.

HEBRAI 3:19

Hunaibaly nichi ly ym naira by y nai deaungkho y kun thai y bo, nanai achi ly pany bo.

I PETERA 2:8

“Atlym naira lengseaung hawi paka naira lengseaung pui py lawn ai,” nanai ne. Ati mana nai mo nabaly nichi ly leu tangai y nai deaungkho y atlym u lawh reng; huna nai kamta awm ai nai nichi ai khai yb nai ne.

I JOHAN 4:1

Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.