EPHESI 5:3 - Khumi Common Language Bible

³ Naibaly khumi kachaichi nanai apu ai nai, angai nai hawi, chai y nai bawibawi hawi, atakaw nai hawi nangchi theung y thui py thui u reng moh;

EPHESI 5:3 ပူးပေါင်းရင်းမြစ်များ

SAM 10:3

Khumi aso y naichi ly mychi i hawi y nai paleung kangaira y amlyh reng. Ngaiphi teng y nai khumi ly Areng ai pasawi reng nai ne.

SAM 119:36

Yhmtheaung katui nang chawn ai ngai nai paleung ka-dawn tleaung y, nang i reitachi tangai ai ngai nai paleung ka-dawn kai ai pei kyh ba.

THEU NAI 18:21

Huni bo y nang ly khumi leaung sangrei kamkawm, leaung chungvairei kamkawm, leaung vui pangrei kamkawm, leaung horei kamkawmchi ai lu sa pajau nai khumichi ai vawi takhra; huni khumichi ly Tameuh ai jei kaji iy, ka-ym awm nai, un cho y naichi lawm ai nai tla.

THEU NAI 20:17

“Ami i yhm hlau paleung no moh; ami i aju py, miseaungchi ai py, tawnbawichi py, keaungngo kano kasauchi py, mymy i atitichi py paleung no moh,” napi.

THEU NAI 23:13

“Kai Areng my nangchi ai kang thui pi nai ngiereichi tangai u; tameuh takhrachi ai chiu u moh; huni tameuhchi i amyn malawn py thui u moh.

LEU KACHENG 28:16

Tau by y nai samrang ly mipuichi ai ana reng. Katapawp paleung ka-kawi ai niu ngai y nai samrang ly peang nai deung sau ai.

JEREMIA 22:17

Na i py nang ly amy i vui dawn khyh nai paleung hawi, amy hawi ai naira naini paleung apei khyh nai ne. Kamngo by y nai khumichi ai padei iy, amy i chengchi ai khrikhri pa-rei ana, nanai Areng my thui bo,” napi.

JEREMIA 6:13

Khumi katheang kalen bawibawichi ly teng y naimy nang chawn ai nai hau u bo. Amochi hawi pathyp pi nai keungchi malawn py, khumichi ai li-tapawp u nai ne.

JEREMIA 8:10

Hunai deaungkho y nichi i li hlauchi ai yhmkeung kangtha teng y hawi, nichi i ajuchi ai takhra khumichi teng y py kapei pi vui ai. Khumi katheang kalen khyh chang y, khumi bawibawichi ly teng y naimy paisa tangka hau u bo. Amochi hawi pathyp pi nai keungchi malawn py, khumichi ai tapawp u nai ne.

Ezekiela 33:31

Hunai deaungkho y kai i khumichi ly nangmy thai hai ai awm nai leu tangai ai nai, nang i mo y ang tym u bo. Na i py nichi ly nang i thui nai kamta so u y. Leu khulym kahawi katheu u teu i py, atakaw nai paleung awm nai kamta sa u.

Levi 15:18

Neampacho hawi neampachy nini i ahawi pajau nai bo y, nini ly tui ahiu ai nai tla; nini ly dym mang y khrairei chai y ai.

MIKHA 2:2

Nichi ly ami i yhm ai mo, li hlau ai mo, paleung no baly kamjau kamteang lawm vui reng nai ne. Amimi i py yhm hlau hawi yhmtheaung katuichi ly chymme ai nai ngo pajau y.

Kati Nai 25:1

Israela chengchi ly Akasia leaunghawira tai u nai thym khala, neampachochi ly huni meingtym y awm yb nai Moba neampachychi hawi tamang u nai ne.

MATTHAI 15:19

Paleung theung i nai kamngo dawn naichi, khumi ai padei naichi, pajang sa naichi, angai naichi, paviu naichi, seu rumrang naichi, thui tamawm naichi py theu:

LUKA 12:15

Naibaly mymy ly nichi teng y, “Amkym u ly, paleung ano lyhlyh naira y ly akry u: yhmtheaung nang naira y ly khumi heng lawh nai ny y leang,” napi.

LUKA 16:14

Naibaly tangka ngai phi nai Pharisaichi ly hini leu bawibawi thai i panui hai.

AMTAW 15:20

na i py nichi ly myn y chiu nai atiti chai y naichi hawi, angai nai hawi, mawi taau ka nai hawi, thi cha nai hawi anawn ai nai, achi ly mymychi teng y cha pa ai nai hawi keh, nanai dawn kai ly.

AMTAW 20:33

Ami i muku tangka mo ateaung mo kai paleung no y leang bo.

ROM AVANGCHI TENG Y PAWLA I CHA PA NAI 1:29

hunaibaly hawi y nairachi, kamngo nairachi, atakaw nairachi, taphra ai ngai nairachi bawibawi my kawi u veng bo; paleung no nairachi, khumi ai padei nairachi, ajo naichi, tapawp naichi. awm nai sai hawi y naichi my kawi u veng bo;

ROM AVANGCHI TENG Y PAWLA I CHA PA NAI 16:2

Areng i amyn y khumi kachaichi kamta kawn u ai nai hawi, mymy ai sabawm ai nai aly ngai nai ngierei sabawm u ai nai py, nangchi ai mymy i meimai kang pany hai ai nai ngai: mymy kypkyp py khumi neang neangchi ai sabawm nai keung ne i, kaimy kypkyp ai py ang sabawm bo.

ROM AVANGCHI TENG Y PAWLA I CHA PA NAI 6:13

nangchi i tlang kangpreichi py hawi y naira i hai lawn ai nai kamngo teng y pei u moh; na i py kadeichi theung i dengdairei heng teang nai kamta Tameuh teng y apei u ly, nangchi i tlang kangpreichi py hawi naira i hai lawn ai nai Tameuh teng y phai pei u.

I KORINTH 10:8

Naibaly nichi theung i phyreichi i angai nai kamta ly angai u moh sina; kanirei y my nichi meaungkateaung nyh pa-thom sang thomrei atlym ka chy bo.

I KORINTH 5:1

Naibaly angai nai ly, Cheng Takhrachi theung y py awm vai y nai, khumi leaungrei ly amhm to ai la nai, huni angai nai ly nangchi theung y awm, nanai leu amthang bo.

I KORINTH 6:13

Cha ai naichi ly kajeu i vui ne, kajeu ly cha ai naichi i vui ne; na i py Tameuh my huni ai py nichi ai py tama hai ai. naibaly tlang ly angai ai naira i vui ny y leang, Areng i vui teu; Areng py tlang i vui ne.

I KORINTH 6:18

Angai naira ai ly angpreng veng. Khumi i kamngo sa nai cheaungkhang ly tlang i angam mang y awm; angai nai ly my i ngan khypkhyp tleaung y kamngo sa nai ne.

II KORINTH 12:21

ti y baly kai kang jeu bi nai khala y kai i Tameuh my nangchi i mo y kai ai tahm panem lawh na, naibaly angchei i atiti kamngo sa nai keungchi theung y atiti chai y nai py, angai nai py, paleaung nai py sa reng nai uikhei ngai y nai khumi neangneangchi ai kai ly vo hai lawh na.

EPHESI 5:12

mymychi i kangviu y atiti sa reng naichi ly thui ai nai py angji ngailai veng.

EPHESI 5:5

Na i py angai nai khumi hawi, khumi chai y nai hawi, atakaw nai khumi ly (mymy ly myn y chiu nai keung ne), Krista hawi Tameuh i peang naira y ly amtym ai naira sai py ngo y leang, nanai nangchi pany u khypkhyp.

PHILIPI 1:27

Ati py ne sy nangchi i amhi amtlau nai sai ly Krista i Satang Kahawi hawi amlau sy; hunaibaly kai ly nangchi ai kang de iy py, nangchi teng y kang awm y teu iy py, nangchi ly phailo y vanrei kakhaw angdo u iy, paleung vanrei my Satang Kahawi ym nai leu y sa ahawi nai, tiu nai keungchi ai ly ati ra y py jei y naimy awm u, nanai nangchi i satang kapany pajau ai;

KOLOSA 3:5

Hunai deaungkho y nangchi i tlang kangprei khaileaung pri y awm naichi ai padei u; angai naichi, chai y naichi, paleaung naichi, hawi y naira ai ngai phi naichi, atakaw naichi (huni ly myn y chiu nai ne);

I THESALONIKA 4:3

Nangchi ly chai naira nga iy, angai naira anawn u veng nai ly Tameuh i kangai ne he!

I THESALONIKA 4:7

Tameuh my ly chai y naira y awm ai nai achi ai ang palau y leang, chai naira y awm ai nai ang palau nai teu.

I TIMOTHEI 2:10

Tameuh ai kadawn ryhryh, napi nai neampachy ly hawi khyp nai ryrei ly atiti kahawi sa naira amthyp i khyly kangai

I TIMOTHEI 3:3

patiu nai sai py kawp nai, kreip athai hang pavui y nai, khumi ai tabeang y nai, neaung hawi nai, jo sei y nai, tangka paleung no y nai,

I TIMOTHEI 6:10

Tangka yhmtheaung ai khri pa-rei ngai nai ly kamngo neangneang i pakeung ne; phyreichi ly huni ai paleung no i ym naira ai ly khai su iy, amymy ai paleung mawn naira khri pa-rei nawi nai my ly athun krai veng lawh.

II TIMOTHEI 3:2

Khumichi my amymy ai atamen naichi, tangka khri pa-rei ngai naichi, am-e naichi, amlyh naichi, thui preaung naichi, amhm ampo i leu tangai y naichi, kawn ai nai pany y naichi,

TITA 1:11

nichi ly kamran hau reng i patiu ngau y nai leu patiu iy, dengtheung vereichi ai atlym hai.

TITA 1:7

Ati mana nai mo nabaly palau takhra kamkawm peang nai keung my ly Tameuh i yhmthaeung kry nai keung ne nai deaungkho y, cheh naira by y nai pa-rei awm ai nai tla; ni ly amy i ngai nai harei dawn khyh nai hawi, kado theu praw nai hawi, kreip athai hang pavui nai hawi, khumi ai tabeang nai hawi, kamran hau reng nai khumi py ne ai nai tlo y.

TITA 2:3

neampachy miteaungchi my py mymychi i amhi amtlau nai sai y Tameuh ai tahm khai ai nai hawi, seu rumrang iy kreip athai hang ha nai miseaung lawn y naimy, atiti kahawi patiu nai keungchi lawn ai nai pachei teang;

HEBRAI 12:16

angai nai keung mo, Esaw kamta ly Tameuh ai tahm khai y nai khumi mo awm lawh na: mymy ly tapen angchei nai i nga avo nai ai ly tlenrei cha ai naira y jo vui bo.

JOSUA 7:21

Achi my tiu iy nga nai vawnsaichi theung i, apu parai nai Babulon ateaung, tangka kaji sie palyhrei vi hawi muku beang sierei chang y kyh nai niu i, paleung no nai deaungkho y ka-um vui nai ne. Kai i Tai theung y tangka ai anui kehra y khai iy um me bo,” nanai pathang.

I PETERA 5:2

Nangchi theung y awm nai Tameuh i beram kanghu ai ly kry u: sa ai nai tla nai deaungkho y ny y naimy Tameuh i ngai nai kamta ngai parai nai tarawi y kry u; chai y nai kamran nga ai nai ngai nai deaungkho y ny y naimy, paleung ngai parai naimy kry u;

II PETERA 2:10

tlang i ngai phi teng y nai chai y naira mang y asa nai hawi, aly peang naira tahm khai y naichi ai khai ai nai pany nai tleaung y ang pany ra nai ne. Nichi ly khri pa-rei vam iy mymychi i ngai nai harei dawn khyh i, nang parai nai keungchi ai thui tamawn ai nai kaso theu u vai y:

II PETERA 2:14

nichi i mei ly pajang sa nai kawi iy, kamngo anawn pajau y naichi ne; nichi ly khaw y naichi ai parawi, yhmtheaung ano kawp ha nai paleung py awm; amsawi lawi nai chanauchi ne he!

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.

AMTENG HAI NAI 2:14

Na i py kai ly sai sairei nang i tlang tleaung y thui ai nai awm; Balam i patiu naira patawm nai keung amichi mo nang teng y awm. Ni ly myn y chiu nai apathyp nai mawi cha ai nai hawi, angai ai nai py Israela kangpreangchi i mo y atlym naira khai pi ai nai Balaka ai patiu.

AMTENG HAI NAI 2:21

Kai ly uikhei ai nai neng pei i py ni ly angai nairachi uikhei ai nai ngai y.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.

AMTENG HAI NAI 9:21

nichi i padei naichi, atamchi, angai naichi, kangviuchi py uikhei u lawh nai ny y leang.

1 SAMUELA 8:3

Na i py nini ly ampo i lawi hui y; paisa tangka nga ai nai mang y naini paleung apei khyh; hunai deaungkho y unchi talam i, leu meitang tara chih pi vai y leang bo.