EPHESI 5:27 - Khumi Common Language Bible

²⁷ mymy ly palau takhra kamkawm ly anyng akau y nai hawi, aneaung y nai hawi, hunai kamta atitichi den py awm y naimy, chai nai hawi meimai cheh ai by y nai awm iy, amymy ai palau takhra kamkawm tahm asang parai nai apei amang thai ai nai py, huni i jeng y apei nai bo.

EPHESI 5:27 ပူးပေါင်းရင်းမြစ်များ

SAM 45:13

Samrangnu ly samrang yhm y tym bo; ni ly mo-cha khri pa-rei hawi parai na ly! Ni i ateaung ly muku kalang hawi aneng nai ne.

SAM 87:3

Aw Tameuh i mary pui, mymy ly nang i satang lyh ai awm nai, vai ang thui pi nai ly tangai ba.

Solomon i khulym 4:7

Kai i khrei nai awi, nang ai chehra by y; khri pa-rei mo-cha hawi parai na ly!

ISAIA 62:3

Nang ly Areng i vui y apu parai nai areng lukhym lawm ai.

JEREMIA 33:9

Jerusalem mary ly kai i amo theu naira, tahm asang naira hawi amlyh naira lawm ai. Khaileaung pri i khumi cheng cheaungkhangchi ly huni mary ai kaimy peang nai hawi nairachi py, huni mary y kaimy tym hai nai nang chawn nairachi py, thai u nai khala ly kaso theu u ai,” napi.

II KORINTH 11:2

Tameuh i takho hai naira kamta nangchi ai kang takho hai nai ne; kai ly nangchi ai Krista teng y ly anglo kachai kamta kang pei thai ai nai, juvo leaungrei angam pi na a.

II KORINTH 4:14

Areng Isu ai pathau nai keung my ly kaichi ai py Isu teng y vanrei pathau teang iy, kaichi ai nangchi hawi vanrei angdo hai ai, nanai kaichi pany.

EPHESI 1:4

hunai kamta achi ly tamen naira y chai nai hawi, cheh ai by y pa-rei my mymy i mo y awm thai ai nai, khaileaung palum y rai kha y achi ai Krista y ang vawi veng bo;

KOLOSA 1:22

na i py vai ly nangchi ai ly mymy i mo y chai parai nai hawi, meimai cheh ai by y nai hawi, thui ai by y nai angdo hai ai nai, mymy i ngan i tlang y ly dei naira i saho y nangchi ai aly hai nai bo:

KOLOSA 1:28

kaichi my khumi leaung leaungrei ai parip iy, khumi leaung leaungrei ai cheng naira cheaungkhang y patiu nai, mymy i satang kaichi my thui pi reng nai ne:

I THESALONIKA 5:23

Naibaly aly nai Tameuh kypkyp my nangchi ai angym pa-rei pachai sy; naibaly nangchi i phailo hawi, paleung hawi, tlang ai ly achi i Areng Isu Krista ang jeu nai khala y ly cheh ai nai by y pa-rei my bom verei chymme naimy awm sy.

HEBRAI 9:14

deungtasarei Phailo i saho y meimai cheh ai by y nai Tameuh teng y atalam nai Krista i thi my ly Tameuh kangheng i kalop sa ai nai, nangchi hawi nai hawi y nai pany naira ai ly hini hengra abawi y nai atiti sa naira y ly mana tanrei pachai ai mo?

I PETERA 1:19

beram cho meimai cheh ai by y nai hawi anyng akau y nai kamta, Krista i thi vang teng parai nai hawi nangchi ai atleu nai ne, nanai ly pany u.

II PETERA 3:14

Hunai deaungkho y ngai parai naichi awi, nangchi ly hunai kamta atitichi ai ly athang khai nai deaungkho y anyng akau y nai hawi cheh ai naira by y naimy, awmnem nai ang niu thai ai nai atho angjeng u.

JUDA 1:21

Phailo Kachai y chiu sa naimy deungtasarei hengra nga ai nai pa-rei achi i Areng Isu Krista i pahen naira ajeng nai tarawi y Tameuh i tamen naira y akry u.

JUDA 1:24

Hunaibaly atlym y ai nai pa-rei nangchi ai ang typ thai ai nai hawi, ni i nang parai naira mo y khrikhri pa-rei amo theu hai iy, chai y naira akau y naimy ang tym hai nai keung, achi ai Paheng nai keung Tameuh leaungrei awm khyh nai teng y ly,

AMTENG HAI NAI 14:4

Hunichi ly angai nai deaungkho y amymy ai chai hai y naichi ny y; nichi ly kachym phyh ne. Hunichi ly Beram Cho i tako nai tleirei y ni teng y abang naichi ne. Nichi ai ly Tameuh i vui y hawi, Beram Cho i vui y py athai man naichi lawn ai nai khumichi theung i dengdairei atleu nai ne.