EPHESI 5:26 - Khumi Common Language Bible

²⁶ tui y paju naira y hawi leu thui naira y py khai takhra iy chai hai thai ai nai hawi,

EPHESI 5:26 ပူးပေါင်းရင်းမြစ်များ

Ezekiela 16:9

“Kai ly tui la iy nang teng y thi abawi naichi paju pachai pi. Nang i tlang ai py olive asitui hawi kang pajui pi.

Ezekiela 36:25

Kai ly nangchi ai tui kachai hawi katheng iy, nangchi i mynchi hawi nangchi ai chai hai y nai ngiereichi ai py chai hai bawibawi ai.

Levi 14:11

Pathyp pi nai keung ly huni khumi hawi ni i syn nai katalamrachi py, Areng i awmra Tabynako katheu pa-kho mang y chei hai ai nai tla.

Levi 16:30

Huni kani y nichi ly reita leaungsai y chai ai nai kamngo pahen naira sa ai nai tla.

Levi 8:6

Naibaly Mosi ly mymy i leu pei nai kamta, Aron hawi ni i chapochi ai mo mang y chei hai iy, tui hawi apachai hai bo.

ZEKHARIAH 13:1

Ati cheaungkhang sa thai nai Areng my, “Huni neng tym nai khala Davida i katu chanau kangpreangchi hawi, Jerusalem mary i khumichi teng y, mychi i kamngo hawi myn y chiu naira i nai chai hai ai nai, tui kho am-eaung ai.

JOHAN 13:10

Isu my ni teng y, “Tui ahiu nai bo y ly kheu harei ny y baly paju ai nai ngai y leang bo, chai pyn jau chy bo; nangchi ly chai mang, na i py bawibawi ny y leang,” napi.

JOHAN 15:3

Kai i nangchi teng y leu thui nai deaungkho y nangchi chai ryp bo.

JOHAN 15:8

Nangchi neangneang athai baly Ngaai ai ly palo u nai ne; hunaibaly nangchi ly kai teng y abangnaichi lawn u khyp ai.

JOHAN 17:7

Nangmy kai ai atiti au nai ngierei ly nang teng i theu nai ne, nanai vai ly nichi pany bo;

JOHAN 3:5

Isu my pathang i, “Meitang khypkhyp kang thui pi, khumi ami py tui y hawi Phailo y tapen y baly Tameuh i peang naira y kun thai y leang.

AMTAW 22:16

Naibaly ati mana nai nang ly vai ajeng jo rai mo? Angthau ly, mymy i amyn palau nai tarawi y baptisma nga iy nang i kamngochi chai hai bei,’ ang napi.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

ROM AVANGCHI TENG Y PAWLA I CHA PA NAI 10:8

Huni ly ati thui mo? Leu my ly ang kasa, nang i labeaung y hawi nang i paleung y py awm, nanai thui; huni ly kaichi i kang thui pi reng nai ym nai leu ne:

I KORINTH 6:11

Naibaly nangchi phyreichi ly jangni y huna nai khumi ne chy bo; na i py nangchi ly Areng Isu Krista i amyn y hawi, achi i Tameuh i Phailo y py amju bo, nangchi ai ly pachai bo, nangchi ly eaung naira nga bo.

II KORINTH 11:2

Tameuh i takho hai naira kamta nangchi ai kang takho hai nai ne; kai ly nangchi ai Krista teng y ly anglo kachai kamta kang pei thai ai nai, juvo leaungrei angam pi na a.

EPHESI 6:17

Naibaly heng naira lukhym lo u ly, Phailo i haisau py lo u,

KOLOSA 3:16

Krista i leu ly cheng naira bawibawi y nangmychi y awm mamang sy; samchi hawi, khulymchi hawi, phailo ai kawn hai nai khulymchi py teaung nai apatiu u iy, mang mang aparip u leungtang ly, paleung y pahenra awm u iy Tameuh ai ly khulym thui pi u.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

HEBRAI 10:10

Isu Krista i tlang talam bi ai nai aly by y pa-rei tlenrei my talam nai deaungkho y huni kangai y ly achi ai ang chai hai bo.

HEBRAI 10:14

Ati mana nai mo nabaly ni ly harei chy talam naira y my chai hai chum naichi ai deungtasa khrairei angym hai bo.

HEBRAI 10:22

achi i paleung y hawi nai hawi y nai pany naira kamngo ai katheng pan nai hawi, achi i tlang py tui kamchym y ahiu nai awm iy, ym naira kangym awm nai paleung meitang apu naimy kasa u sina.

HEBRAI 10:29

hunaibaly Tameuh i Chapo ai kheu anui y chiu nai, mymy ai chai hai nai leu maikawm thi ai ly atiti rumrang y palawn lawh iy, pahenra Phailo ai pangaw hai nai keung i tlang tleaung y ly mana tanrei pajeng naira ty keh nai patang ai nai ataing, nanai mana dawn u mo?

HEBRAI 13:12

Hunaibaly Isu py mymy i thi kypkyp i saho y khumichi ai pachai thai ai nai, apai pa-kho palem mang y patang bo.

HEBRAI 4:12

Ati mana nai mo nabaly Tameuh i leu ly heng i atiti sa thai, haisau bo nyhrei awm nai tleaung y py chiu i, hengra hawi phailo py, hiu lenglaw hawi aleng khawi takhra pa-rei thun pajau:paleung y dawn nai hawi tau naichi py chih praw thai nai ne.

HEBRAI 9:14

deungtasarei Phailo i saho y meimai cheh ai by y nai Tameuh teng y atalam nai Krista i thi my ly Tameuh kangheng i kalop sa ai nai, nangchi hawi nai hawi y nai pany naira ai ly hini hengra abawi y nai atiti sa naira y ly mana tanrei pachai ai mo?

JAKOB 1:18

Achi ly mymy i atiti sa naichi theung y athai man nai kamta lawn thai ai nai, mymy i ngaingai leu meitang i saho y achi ai ang tapen.

I PETERA 1:2

Bithunia pri y py ahei nai, leu tangai ai nai hawi Isu Krista i thi hei nai nga ai nai Phailo i khai takhra nai hawi, Ampo Tameuh i pany rym nai kamta vawi naichi teng y ly; Nangchi i tlang tleaung y pahenra hawi awmnem naira py peung hai dudu nai tym sy.

I PETERA 3:21

huni atawm hai nai baptisma ly Isu Krista i angthau bi nai deaungkho y vai ly nangchi ai paheng nai ne: huni ly tlang i anyng pachai nai ny y naimy, hawi nai hawi y nai pany naira kachai nga ai nai, Tameuh i mo y ahui nai ne lawh veng;

II PETERA 1:9

Ami py huni atitichi by y nai khumi ly mei kamju ne i, kasa deih chy naira y harei niu khyh, jangni i kamngochi pachai pi nai ly tami veng lawh.

I JOHAN 5:6

Tui hawi thi hawi ang jeu nai ly hini Isu Krista ne he; tui hawi harei khyh ny y leang, tui hawi thi hawi py ne.

JUDA 1:1

Juda, Isu Krista i miseaung hawi Jakob i amnau ly, Ampo Tameuh my tamen nai hawi, Isu Krista i vui y khai pi rym nai palau naichi teng y ly: