EPHESI 5:20 - Khumi Common Language Bible

²⁰ achi i Areng Isu Krista i amyn y Tameuh, Ampo kypkyp teng y ly ati cheaungkhangra y kawn nai leu thui u jojo.

EPHESI 5:20 ပူးပေါင်းရင်းမြစ်များ

JOBA 1:21

“Kai ly tapen nai khala beng tlairei, beng tlairei kadei ai; Areng my ang pei i, vai ly la ali teang nai bo; mymy i amyn ly taham hawi sy,” nanai thui.

SAM 34:1

Kai ly Areng ai palo jojo ai. Mymy ai neng tleirei palo ai.

ISAIA 63:7

Kai ly Areng i phra vai y nai tamen nai satang thui pi ai. Kaichi i vui sa pi nai atitichi molam y kapalo ai. Mymy ly mymy i tamen nai hawi pahen nai saho y, Israela chengchi teng y amtheaung naira kawi angym hai nai ne.

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

AMTAW 5:41

Naibaly nichi ly tara chih nai keungchi theung i dengdairei tako iy, hini Amyn y amthang leaung ai nai pa-rei patang ai nai abawi ai ataing nai deaungkho y khri pa-rei kawn u.

ROM AVANGCHI TENG Y PAWLA I CHA PA NAI 1:8

Nangchi i ym naira ly khaileaung pri verei y amthang nai deaungkho y kai ly nangchi bawibawi i tlang tleaung y Isu Krista i saho y kai i Tameuh teng y kawn nai leu kathui manme nai ne.

I KORINTH 1:4

Krista Isu ly Tameuh i pahenra nangchi teng y ang pei nai deaungkho y kai ly nangchi i molam Tameuh teng y kawn nai leu kathui jojo;

I KORINTH 15:24

Hunaibaly mymy ly peang naira bawibawi hawi, aly peang naira hawi, atiti sa thai naira bawibawichi ai tama hai iy, Tameuh teng y, Ampo kypkyp teng y ly peang naira ang pei nai bo y ly neng tem veng ai bo;

EPHESI 5:4

taheaung thui nai hawi, thui atyhtyh nai hawi, krawp nai py; hunichi ly apu y nai ne; hunichi thui nai tleaung y ly kawn nai leu phai thui u.

PHILIPI 1:3

Angchei i kani dengdairei vai khrairei Satang Kahawi ahei naira y nangchi ly abawi teang nai deaungkho y,

PHILIPI 4:6

Ati sai py paleung bi u moh; ati cheaungkhangra y chiu sa nai hawi hnei nai ly kawn nai leu thui nai abawi iy, nangchi i ngai nairachi ly Tameuh teng y pany hai nai awm sy.

KOLOSA 3:17

Naibaly nangchi i sa nai ngierei ly leu thui naira y mo, atiti sa naira y mo, mymy i saho y Ngaai Tameuh teng y kawn nai leu thui nai tarawi y, Areng Isu i amyn y so u bebe.

I THESALONIKA 3:9

Achi i Tameuh i mo y nangmychi i molam y kaichi i amo theu naira bawibawi deaungkho y, kaichi ly nangmychi i molam Tameuh teng y ati kawn nai leu thui thai ai mo?

I THESALONIKA 5:18

huni ly nangmychi molam y Krista Isu y ly Tameuh i kangai ne khyp veng.

II THESALONIKA 1:3

Amjo amnauchi awi, kaichi ly nangmychi molam y ly Tameuh teng y kawn nai leu thui jojo ai nai tla:huni ly avo khyp, ati mana nai mo nabaly nangchi i ym naira ly khri pa-rei veang nai, nangchi bawibawi y atamen leungtang naira ly peung nai tleaung y peung ra peung ra lawh veng;

II THESALONIKA 2:13

Na i py Areng i ngai parai nai amjo amnauchi awi, Phailo i ang pachai nai hawi leu meitang ai ym iy, pahengra nga ai nai Tameuh my angchei kha i dengdairei nangchi ai ang vawi nai deaungkho y, kaichi ly nangchi i molam y Tameuh teng y kawn nai leu thui jojo nai ne;

HEBRAI 13:15

Hunaibaly mymy i saho y palo naira ly apathyp naira lawn ai nai Tameuh teng y talam u reng sina, huni ly ni i amyn apha y nai labeaung athai ne.

I PETERA 2:5

mymy teng y jeu iy, nangchi ai py lengseaung kanghengchi kamta ly phailo mang i yhm sa naira y ang tabawi ai nai, Isu Krista i saho y Tameuh i ka-kawn phailo mang i apathyp naira ly talam iy, pathyp pi nai keung kachaichi lawn thai ai nai.

I PETERA 4:11

khumi ami py leu thui baly, Tameuh i leu kamta thui sy; khumi ami py sabawm baly Tameuh i ham naira ang pei nai kamta so sy; hunaibaly Isu Krista deaungkho y Tameuh ai ly ati cheaungkhangra y palo nai awm thai ai: nang parai naira hawi peang naira ly deungtasarei mymy i ne. Amen.