EPHESI 5:19 - Khumi Common Language Bible

¹⁹ samchi hawi, khulymchi hawi, phailo ai kawn hai nai khulymchi py thui u ahawi iy, Areng ai ly nangchi i paleung y khulym thui pi nai taro beu pi u;

EPHESI 5:19 ပူးပေါင်းရင်းမြစ်များ

SAM 147:7

Palo nai khulymchi thui iy Areng ai palo u; taro beu nai katyn hawi, achi i Tameuh ai palo u.

SAM 62:8

Khumichi awi, Tameuh ai ly ym u jojo; nangchi i patang naira bawibawi ai, mymy teng y amti pi u; mymy ly achi i abyhra ne.

SAM 86:12

Aw Areng, kai i Tameuh, kai ly nang ai paleung hawi verei kang palo ai; kai ly nang i nang parai nai avawrei amthang hai ai.

SAM 95:2

Kawn nai leu thui naimy mymy i mo y chei u sina; amo theu parai naimy palo nai khulymchi thui u sina.

ISAIA 65:14

Kai i miseaungchi ly amo theu parai naimy khulym thui u i py, nangchi ly paleung phra vo tangam u ai.

MATTHAI 15:8

‘Hini khumichi ly nichi i labeaung y ly kai ai tahm ang khai i, Mymychi i paleung ly kai hawi palo parai veng;

MATTHAI 26:30

Naibaly nichi ly khulym thui u pajau nai bo y theu u i, Oliv mawi y chei u bo.

AMTAW 16:25

Na i py aneng hyh khala y Pawla nini Sila ly Tameuh teng y chiu py chiu sa, khulym py thui i, theaung tla naichi ly tangai u bo;

I KORINTH 14:15

Tumbaly mana kasa ai mo? Phailo y chiu kasa ai i, pany thai naira y py chiu kasa teang ai; phailo y khulym kathui ai i, pany thai naira y py khulym kathui teang ai.

I KORINTH 14:26

Amjo amnauchi awi, tumbaly mana sa ai mo? Nangchi ly achu u nai khala y ly leaung leaungrei ly palo nai khulym mo, leu patiu nai mo, amteng hai nai leu mo, leu athai y nai mo, thui pi pachai nai leu mo awm u bawibawi veng.

KOLOSA 3:16

Krista i leu ly cheng naira bawibawi y nangmychi y awm mamang sy; samchi hawi, khulymchi hawi, phailo ai kawn hai nai khulymchi py teaung nai apatiu u iy, mang mang aparip u leungtang ly, paleung y pahenra awm u iy Tameuh ai ly khulym thui pi u.

JAKOB 5:13

Nangchi theung y ami mo patang nai awm a? Chiu so sy. ami mo amo theu nai awm a? Palo nai khulym thui sy.

AMTENG HAI NAI 5:9

Naibaly nichi ly khulym kangtha thui iy, “Nang ly huni cha-iu aeang la ai nai hawi, huni i pajawp typ naira ka-ma-ra su ai nai py ataing: Ati mana nai mo nabaly nang tleh nai amteng i, cheng cheaungkhangchi hawi, leu cheaungkhangchi hawi, khumi cheaungkhangchi hawi, theaung cheaungkhangchi theung i nai Tameuh i vui y nang i thi hawi van bo;