EPHESI 5:15 - Khumi Common Language Bible

¹⁵ Hunaibaly nangchi ly khumi cheng y naichi kamta awm u y naimy, khumi kachengchi kamta awm u iy, nangchi i tako nai sai amkym u;

EPHESI 5:15 ပူးပေါင်းရင်းမြစ်များ

2 SAMUELA 24:10

Na i py Davida ly khumi amyn vuikanai la chum nai khala, mymy teng y patang nairachi tym i Areng teng y, “Kai ly hini ka-jei awm nai kamngo sa lawh bo; kai i kamngo pahen pi kyh ba; kai ly kamthu kamleaung kamta sa tamang lawh bo,” napi.

JOBA 2:10

Joba my, “Nang ly neampachy ka-khum kamta katheu lawh ly! Achi ly Tameuh teng i dengdairei, tlamsa naira nga baly, patang naira py avum ai nai tlo y a?,” napi. Joba ly hini patang naira avum teu i py, Tameuh i tlang tleaung y labeaung palai hawi malawn py tamang y nai ne.

SAM 73:22

amso tawnbawi kamta akhum nai deaungkho y, kai ly nang i mo y cheng naira by y.

THEU NAI 23:13

“Kai Areng my nangchi ai kang thui pi nai ngiereichi tangai u; tameuh takhrachi ai chiu u moh; huni tameuhchi i amyn malawn py thui u moh.

LEU KACHENG 14:8

Lulip pany nai khumi ly ati mana nai y khumi kacheng lawm mo? Ati mana nai mo nabaly ni ly mymy i sa ai avo nai sai pany nai deaung kho y ne. Cheng naira by y nai khumi ly ati mana nai y khumi ka-khum lawm mo? Ati mana nai mo nabaly ni ly mymy pany y pui naimy, pany ka-awi sa nai deaungkho y ne.

LEU KACHENG 15:21

Khumi hawi y naichi ly mychi i akhum naira y amo theu u reng; na i py khumi kachengchi ly kateng sa u reng nai ne.

MATTHAI 10:16

“Khen cham, kasuichi theung y beram awm nai kamta kang pato nai bo he: hunaibaly pavui kamta cheng iy, buhu kamta hawi y naira so y naimy awm u.

MATTHAI 25:2

Nichi theung y leaung pangrei ly cheng y i, leaung pangrei ly cheng.

MATTHAI 27:24

Hunaibaly Pilata ly sai py so pajau y i, khru ra khru ra ai, nanai pany iy, tui la i, “Hini khumi kahawi i thi y kai ly chai bo; nangmychi ngaingai so u,” nanai khumi mipuichi i mo y kiu asi bo.

MATTHAI 27:4

“Kamngo by y nai khumi ai patiu hai nai ly kamngo sa bo kai ly,” napi. Na i py nichi my ly, “Kaichi i vui ly ati mawn naira awm mo? Nangmy ngaingai so,” napi lawh veng.

MATTHAI 8:4

Naibaly Isu ly mymy teng y, “Ami teng y py thui y ai nai amkym me ba; na i py tako ly, pathyp pi nai keung teng y akhen hai, naibaly nichi ai pany hai ai nai Mosi my atiti pei ai nai leu pei nai kamta talam,” napi.

LUKA 24:25

Naibaly ni my ly nini teng y, “Khumi cheng y naichi awi! Amochi i leu thui nai bawibawi ym naira y kapawpchi awi!

I KORINTH 14:20

Amjo amnauchi awi, paleung y ly deaungdi kamta awm u reng moh; ne mang ly kamngora y ly deaungdi chymplei nai kamta awm u ly, na i py paleung y ly khumi ka-cheang lawn u.

KALATIA 3:1

Aw Kalatia pri i cheng y nai khumichi awi, nangchi ai ly ami my ang dawi mo? Krista Isu ai tahen nai ly nangchi i mei ka-niu y my chai pyn pa-rei amteng hai chy bo.

KALATIA 3:3

Nangchi ly hina tanrei pathu u a? Phailo y amteaung u chum veng nai iy, tlang y angym u pajau ai a?

EPHESI 5:2

Naibaly Krista my ang tamen nai hawi, Tameuh teng y miu katui lawn ai nai atiti talam naira hawi apathyp naira y achi i jeng y ang pei nai kamta ly tamen naira y tako u.

EPHESI 5:33

Ati py ne sy nangmychi theung i leaung leaungrei ly amy ai atamen nai kamta ly amy i aju ai tamen bawibawi sy; aju py amy i juvo ai ly tahm khai ai nai amkhym sy.

PHILIPI 1:27

Ati py ne sy nangchi i amhi amtlau nai sai ly Krista i Satang Kahawi hawi amlau sy; hunaibaly kai ly nangchi ai kang de iy py, nangchi teng y kang awm y teu iy py, nangchi ly phailo y vanrei kakhaw angdo u iy, paleung vanrei my Satang Kahawi ym nai leu y sa ahawi nai, tiu nai keungchi ai ly ati ra y py jei y naimy awm u, nanai nangchi i satang kapany pajau ai;

KOLOSA 1:9

Hunai deaungkho y kaichi ly huni satang pany nai kani dengdairei nangchi ly phailo mang i cheng naira hawi, pany thai naira bawibawi i saho y mymy i kangai pany naira kawi u thai ai nai hawi,

KOLOSA 4:5

Ka-vo sa pi nai ly pasum u y iy, angam mang i khumichi teng y ly cheng parai naimy awm u.

I THESALONIKA 5:15

Ami i hawi y sa nai py hawi y sa nai vawitheung tha y ai nai amkym u; nangchi i atiti sa pi leungtang naira y hawi, khumi bawibawichi i tlang tleaung y sa pi naira y py hawi nai ngierei ai phai hui u jojo.

I TIMOTHEI 6:9

Na i py nang ai tau naichi ly parawi naira y hawi, deaung y hawi, taphra atyhtyh thai nai ngai phi teng y naira neangneangchira y atlym u iy, hunichi ly phra naira y hawi, tama naira y py khumichi ai tup hai.

HEBRAI 12:25

Nangchi ly leu thui pi nai keung ai ngai y lawh na, nanai amkym u. Khaileaung pri y mymychi ai tau pei nai keung ai ngai y naira y malawn py pajeng naira tleaung u pajau y baly, achi, kani mang i dengdairei tau ang pei nai keung ai hi vui nai khumichi ly tleaung pajau y nai tleaung y tleaung pajau y ra ai.

JAKOB 3:13

Nangchi theung y khumi kacheng hawi leu pany thai nai khumi ly ami mo? Mymy i amhi amtlau nai sai kahawi deaungkho y leu anui parai nai hawi cheng parai naimy mymy i atiti sa nairachi amteng hai sy.

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

AMTENG HAI NAI 19:10

Naibaly kai ly ni ai chiu ai nai mymy i kheu keung y ambeu bo. Hunaibaly mymy ly kai teng y, “Huna nai kamta so reng moh! Kai ly nang hawi, Isu i thui pi nai leu patawm nai ngamjo ngamnauchi i miseaung ahawi ne chy bo: Tameuh ai chiu phai chiu; Isu i thui pi nai leu ly leu thui yb nai Phailo i nai ne lawh,” napi.