EPHESI 5:14 - Khumi Common Language Bible

¹⁴ Hunai deaungkho y mymy ly, “I nai khumi awi, anglaw ly! Kadeichi theung i dengdairei angthau, Hunaibaly Krista my ly angvang hai ai mang,” napi.

EPHESI 5:14 ပူးပေါင်းရင်းမြစ်များ

ISAIA 26:19

Kaichi khumichi theung i dei chum naichi ly heng u ali teang ai! Nichi i ngan tlangchi ly heng teang ai. Tapreaung angawm y aseaung nai khumi kadeichi ly amo theu naimy khulym thui u ai. Reaung amchang nai kadamchi ly khaileaung y apu hai ali teang nai kamta, neng kra parai nai khala i dei chum nai khumichi ai, Areng ly heng hai ali teang ai.

ISAIA 51:17

Aw Jerusalem mary, anglaw jau! Amymy ai apalaw ly ang thau jau! Areng my kado theu nai deaungkho y, nang ai pei nai khaura i pajeng nai kreip hang nang ly nei bo. Huni ai nei nai deaungkho y pavui tapai nai ne.

ISAIA 52:1

Jerusalem mary awi, nang ly atho alo teang ly lo-pa teang jau ba! Tameuh i mary pui kachai awi, nangmy ai phum-ang hawi khiu ba! Pri takhra chochi ly mo mang y mana khala py, nang i apai pa-kho theung y kun u ai ny y.

ISAIA 60:1

Aw Jerusalem mary, anglaw iy kanito kamta angvang ba. Nang i kangvang ly tym bo. Areng i nang parai naira ly nang i tlang tleaung y kangvang ko bo.

LUKA 1:78

Mymy i khumichi teng y pahengra leu pany hai ai nai py, Areng i mo y nang tako ai;

LUKA 15:24

hini kai i chapo ly dei nai, heng ali teang nai bo he; tama nai kaniu ali teang nai bo he,’ napi. Naibaly amo theu parai naimy awm u bo.

JOHAN 8:12

Naibaly Isu my nichi teng y leu thui bi i, “Kai ly khaileaung pri i kangvang ne; ami py kai teng y abang nai ly kavengra y tako ai ny y i, heng naira kangvang nga lawh ai,” napi.

JOHAN 9:5

Kai ly khaileaung pri y awm nai khala y ly khaileaung pri i kangvang kai ne,” nanai pathang.

AMTAW 13:47

Hunai kamta Areng my leu ang pei i, ‘Khuteng taki y tym pa-rei nang paheng keung y awm thai ai nai, Cheng Takhrachi ai angvang hai ai nai keung y kang khai mang,’ nanai tajiu nai kamta ly,” napi.

ROM AVANGCHI TENG Y PAWLA I CHA PA NAI 6:13

nangchi i tlang kangpreichi py hawi y naira i hai lawn ai nai kamngo teng y pei u moh; na i py kadeichi theung i dengdairei heng teang nai kamta Tameuh teng y apei u ly, nangchi i tlang kangpreichi py hawi naira i hai lawn ai nai Tameuh teng y phai pei u.

I KORINTH 15:34

Hawi ai naira y anglaw u jau, kamngo so u moh; phyreichi ly Tameuh ai pany naira pipi by y he; hini ly nangchi ai kaji hai ai nai kang thui pi nai ne.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

EPHESI 2:1

Nangchi py nangchi i taphra nai hawi kamngo nai deaungkho y dei u nai thym khala i nai ly nangchi ai ang paheng bo;

EPHESI 2:5

achi my taphra naira y dei nai thym khala i nai py, Krista hawi vanrei ang paheng teang (pahenra y nangchi ai paheng nai bo),

KOLOSA 3:1

Hunaibaly nangchi ly Krista hawi vanrei pathau nai awm u chum bo nabaly, salo mang i, Tameuh i lamtang mang y ateh nai Krista i awm naira i atiti awm naichi ai hau u.

I THESALONIKA 5:6

Hunai deaungkho y khumi takhrachi i kamta ly i u ngym moh sina ba, amkym iy atyp u sina.

II TIMOTHEI 1:10

na i py vai ly achi ai Paheng Keung Krista Isu i amteng nai deaungkho y amteng hai bo: ni ly deira ai tama hai iy Satang Kahawi y hengra hawi veaung thai y naira ly amteng hai bo;

II TIMOTHEI 2:26

hunaibaly Tameuh my nichi ai leu meitang pany angym ai nai uikhei hai baly nichi ly diabola deaung i nai theu u pajau lawh na: ni ly mymy i ngai nai kamta nichi ai patiu chum veng bo.