EPHESI 5:11 - Khumi Common Language Bible

¹¹ Naibaly kaveng i ti ti sa nai athai awm vai y naichi ai ly den py abawi u moh ly, huni tleaung y ly mymychi ai phai parip;

EPHESI 5:11 ပူးပေါင်းရင်းမြစ်များ

ATITI AWM ANGCHEI NAI 20:16

Abimelek ly Sarah teng y, “Nang ly kamngo by y, nanai khumichi ka-niu y, ngampro teng y kaimy tangka chang sangrei kapei pi bo; khumi luteng my nang ly sa tamang nai ati sai py by y, nanai pany u ai,” napi.

SAM 141:5

Khumi kahawi ly kai ai pahen parai naimy pajeng nai hawi parip nai leu thui ai; na i py khumi hawi y naichi i tahm pasang nai ly kai ngai y leang; ati mana nai mo nabaly huni khumichi i kamngo sa nai molam y, kai ly avawrei chiu sa naimy awm nai deaungkho y ne.

LEU KACHENG 1:10

Deang awi, kamngo sa naichi ly nang ai parawi nai khala, paleung apei moh.

LEU KACHENG 1:31

Hunai deaungkho y nangchi ly nangmychi i hawi y sa nai lai amtym u ai; nangchi i sa nai leaungsaichi my, nangchi ai no hai au ai.

LEU KACHENG 13:18

Thui parip nai ai ngai y nai khumi ly ngari kamtang avum iy tahm anem ai; thui parip nai ai tangai nai ngiereichi ly tahm khai naira avum ai.

LEU KACHENG 15:12

Paleung len nai khumichi ly thui parip nai ngai vai y; amy tleaung y cheng nai khumichi teng i katauchi mana khala py hnei u vai y.

LEU KACHENG 19:25

Paleung len nai khumi ai ly khyh pakhau iy parip ba. Huna khala naini, tau padi nai khumi ly pany thai ai. Tau cheng nai khumi ly parip naira avum nai khala, cheng naira nga ai.

LEU KACHENG 25:12

Lulip pany naira angym nai khumi i pany hai nai leu ly tangai ai ngai nai khumi i vui y muku kiusabyh tleaung y py, muku tangcheng hawi sa nai ateaungchi tleaung y py vang teng keh nai ne.

LEU KACHENG 28:4

Tara leu reita ai tahm khai y nai khumi ly khumi hawi y naichi mang y asa hai naichi ne. Na i py tara leu reita ai tahm khai nai khumi ly huni khumi ai tiu nai khumi ne.

LEU KACHENG 29:1

Thui parip nai avaw avawrei avum i py, paleung kyhchaw asai nai khumi ly kanirei nai khala atlym ai i, ang thau ali teang pajau ai ny y.

ISAIA 29:21

Tameuh ly ami ai kangji pei naichi, reita taphra nai khumi ai pajeng naira avum y pa-rei sa vui naichi hawi, khumi kahawichi my ka-dyh ka-dawi tara chih nai lei amcheang y ai nai, ka-chawi naimy pany hai nai khumichi ai tamyh ai.

JEREMIA 15:17

Kai ly khumi takhrachi hawi panui iy, amo theu saw ala naira y neng pasum y ai. Nangmy pei nai kalop molam y, kai ly kaimy tlairei awm nai y, kado theu naira my kawi bo.

Levi 19:17

“Ami ai paleung ka-e khai moh; ni molam y nang ly kamngo so y ai nai, ni hawi adyh adawi y nairachi, nihawi ka-vum sa iy alyra so.

MATTHAI 18:15

“Naibaly ngamjo ngamnau my nang i tlang tleaung y atiti hawi y nai sa baly chei ly, ni hawi nangmyni leaung nyhrei ka-thai y ni i tamang nai dawn hai; ni ly ang tangai baly ngamjo ngamnau ai ly nangmy nga teang nai bo.

LUKA 3:19

na i py Areng Heroda ly amnau i aju Herodi i tlang tleaung y hawi mymy i atiti hawi y sa nai bawibawira y py Johan my preng nai deaungkho y,

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

ROM AVANGCHI TENG Y PAWLA I CHA PA NAI 13:12

Vum ly tama vi tama vi veng bo i, khutawi ai bo; hunai deaungkho y kaveng i atiti sa naichi ly aphi vui iy, kangvang i tavai ateaung amthyp u sina.

ROM AVANGCHI TENG Y PAWLA I CHA PA NAI 16:17

Naibaly amjo amnauchi awi, patiu nai leu nangchi i amtiu y nai mang y amprei naira hawi atlym naira sa nai keungchi ai ly hawihai khen u, naibaly nichi mang i nai hi vui ai nai kang takeng.

ROM AVANGCHI TENG Y PAWLA I CHA PA NAI 6:21

Vai nangchi i atiti kaji hai parai nairachi y ly, hunai thym khala y ly athai ati nga u mo? Huni atitichi i tem naira ly dei naira ne chy bo.

KALATIA 6:8

Amymy i tlang mang y hei nai keung ly tlang i veaung naira pakym ai i, Phailo mang y hei nai keung ly Phailo mang i deungtasarei hengra pakym ai.

EPHESI 4:22

nangchi i jangni i awm nai sai, khumi kangngym, tapawp naira i ngai phi teng y nai kamta phra ryh phraryh nai ai ly leng u vui ly,

EPHESI 5:12

mymychi i kangviu y atiti sa reng naichi ly thui ai nai py angji ngailai veng.

EPHESI 5:7

Hunai deaungkho y nichi hawi so u hum moh;

KOLOSA 1:12

Ampo, kangvang i khumi kachaichi i yhmtheaung ahum ai ataing nai ang sa pi nai keung teng y ly kawn nai leu thui u.

I THESALONIKA 5:7

I naichi ly vum y i reng nai ne; mhm pavui naichi py vum y pavui reng nai ne.

II THESALONIKA 3:14

Ami py hini cha pa nai kaichi i leu patawm y baly, mymy kaji thai ai nai huni khumi ai ly den py amkawm u y ai nai ma u kheng.

II THESALONIKA 3:6

Naibaly amjo amnauchi awi, kaichi teng i dengdairei leu taviu nai nga nai kamta awm y iy, reita ny y nai kamta awm nai amjo amnau bawibawichi hawi amkawm y ai nai, achi i Areng Isu Krista i amyn y leu kang pei u.

I TIMOTHEI 5:20

kalangchi ly jei teang thai ai nai kamngo sa nai keungchi ai ly khumi bawibawichi i mo y parip.

I TIMOTHEI 5:22

Ami i tlang tleaung y kiu tamam praw moh ly, khumi takhrachi i kamngo naira y py abawi moh; chai parai naimy awm thai ai nai hawihai palai atyp ly.

I TIMOTHEI 6:5

huni amjy dengdairei paleung no nai hawi, ajo nai hawi, thui preaung nai hawi, hawi y naira mang y ym nai hawi, aei si naira py theu lawh veng; hunai kamta aei kasi nai khumichi ly paleung patheng nai hawi leu meitang by y nai, Tameuh ai dawn ryhryh nai ly amran naira mo na lawh nai khumi ne.

II TIMOTHEI 3:5

nichi ly Tameuh ai dawn ryhryh naira awm nai kamta ne teu i py, huni i sa thai naira ai ly apha u vui bo; hunai kamtachi ai ly hi vui.

II TIMOTHEI 4:2

Tameuh i leu thui; mana khala y py atho so veangveang; kham pajau tanga naimy patiu nai tarawi y parip py parip, preng py preng, pachei py pachei.

TITA 2:15

Phom awm parai naimy huni leu ly thui py thui, pachei py pachei, parip py parip. Nang ai ami my tahm khai y ai nai so moh.

AMTENG HAI NAI 18:4

Naibaly kani pri mang i dengdairei raawi takhra my ly, “Kai i khumichi awi, nangchi ly mymy i kamngo nairachi hawi amkawm y ai nai hawi, mymy i tlang tleaung y tym nai patang hai naira y phy ngo u teang y ai nai py, mymy teng i dengdairei theu u jau: