EPHESI 4:9 - Khumi Common Language Bible

⁹ (Hunaibaly “Mymy ly lyn kalau bo,” nanai ly, mymy ly khaileaung meingtym anui keh naira y kathiu manme, nanai sai ny y a?

EPHESI 4:9 ပူးပေါင်းရင်းမြစ်များ

ATITI AWM ANGCHEI NAI 11:5

Naibaly Areng my nichi i mary pui hawi yhm ka-sang sa nai ly khen ai nai satla.

SAM 139:15

Kai ly amhm taku theung y angpa ryh nai neng, kai i hiuchi amny ryh iy, ha harei amtawn nai neng khala y, nang ly kai ai pany nai ne.

SAM 63:9

Kai ai padei ai nai atho sa u nai khumichi ly tavau kho y ang vum u ai nai tla ai.

SAM 8:5

Ni ai kani pri amtaw thauchi tleaung y anem hai iy, ni ai sa thai naira hawi nang parai naira py pei pi nai ne.

THEU NAI 19:20

Areng ly Sinai Mawi saleung y satla kathiu i, Mosi ai mawi salo y palau baly ni ly mawi y lyn kalau jo bo.

LEU KACHENG 30:4

Ami nai ly kani pri hawi amtawn abi nai cheng naira angym pa-rei pany vai mo? Ami nai ly ali ai kiu hawi patiu nai nga vai mo? Ami nai ly tui ai kanih hawi tapau vai mo? Khaileaung pri i khujyh ai ami my pata pi vai mo? Huna nai khumi ly ami mo? Ni i chapo ly ami mo, nang pany a?

ISAIA 44:23

Nangchi kani khusang awi, amo theu naimy aeu u! Khaileaung thiu parai nairachi awi, aeu u! Mawichi hawi thengreung theung i dengkeaung keungchi awi, amo theu naimy aeu u! Areng ly mymy i khumi Israela chengchi ai atleu iy, mymy i nang parai nai patei pi bo.

Ezekiela 31:14

Hunai deaungkho y mana tanrei tui nga teu i py, vai i dengdairei mani keung py huni saitleang keung tanrei, changpichi salo mang y asang ai ny y. Huni keung salyh kamsuichi ly khupanym y tym pa-rei asang ai ny y. Huni dengkeaung keung bawibawichi py khumichi kamta, khaileaung y dei iy tavau pri y ang vum u ai,” napi.

MATTHAI 12:40

Jona ly ngo kalen pui i kajeu theung y kani kani thomrei vum vum thomrei awm nai kamta ly, Khumi i Chapo ly khaileaung theung y kani kani thomrei vum vum thomrei awm teng ai he.

JOHAN 20:17

Naibaly Isu my ni teng y, “Kai ai amkhaw moh; kai ly vai khrairei Ampo teng y kalau y leang rai; na i py kai i amjo amnauchi teng y chei iy nichi teng y, ‘Ngaai hawi nangchi i Ampo kai i Tameuh hawi nangchi i Tameuh teng y kai kalau ai,’ napi tapi ba,” napi.

JOHAN 3:13

Kani pri i dengdairei satla kathiu nai keung ny y baly ami py kani pri y lyn vai y; huni ly Khumi i Chapo ne:mymy ly kani pri y awm nai he.

JOHAN 6:33

Tameuh i tako ly kani pri mang i dengdairei satla i, khaileaung pri teng y hengra pei nai keung ne,” napi.

JOHAN 6:38

Kai ly kaimy i kangai sa ai nai ny y naimy, kai ai pato nai keung i kangai sa ai nai kani pri mang i dengdairei kang satla kathiu nai teu.

JOHAN 6:41

Hunaibaly mymy ly, “Kani pri mang i dengdairei satla kathiu nai tako ly kai ne,” napi nai deaungkho y Judachi ly mymy ai preaung i,

JOHAN 6:51

Kani pri mang i dengdairei satla kathiu nai heng nai tako kai ne, ami py hini tako cha baly deungtasarei heng jojo ai; ne, khaileaung pri heng ai nai kai i kang pei ai nai tako ly kai i ngan ne,” napi.

JOHAN 6:58

Hini ly kani pri mang i dengdairei satla kathiu nai tako ne; amsichi ly cha iy dei nai kamta ny y leang: hini tako cha nai khumi ly deungtasarei heng jojo ai,” napi.

JOHAN 6:62

Khumi i chapo ly mymy i jangni i awm naira y lyn kalau nai nangchi niu lawh baly mana sa u ai mo?

JOHAN 8:14

Isu my nichi teng y, “Amy i satang apany hai nai ne i py, kai i pany hai nai leu ly teng; kai ly kaimy i theu naira hawi chei ai naira py kapany; nangchi ly kai i theu naira hawi chei ai naira py pany y.

HEBRAI 2:7

Nang ly ni ai ly kani pri i amtaw thau naichi anui y maidenrei panem; Nang ly ni ai ly nang parai naira hawi tahm khai naira y amym hai i, Nang i kiu y sa naichi tleaung y ni ai lu y khai teang;

HEBRAI 2:9

Na i py kani pri i amtaw thau naichi i tleaung y anui y panem nai Isu ai ly Tameuh i pahenra saho y khumi leaung leaungrei i vui y dei naira pateng hai ai nai, dei naira y patang nai deaungkho y nang parai naira hawi tahm khai naira amym hai nai achi my niu lawh veng.