EPHESI 4:32 - Khumi Common Language Bible

³² Naibaly ako leungtang nai neaung hawi nai awm u ly, Tameuh my Krista y ang pahen nai kamta ly apahen u.

EPHESI 4:32 ပူးပေါင်းရင်းမြစ်များ

2 SAMUELA 7:21

Nang ly nangmy i kangai dawn nai kamta, hina nai sa nai ne. Kai ai amtiu hai nai, hini len parai nai saichi nangmy sa pi bo.

SAM 112:9

Ni ly khumi kamawnchi ai paleung hawi parai naimy sabawm reng; ni ly pahen jojo reng nai keung ne; ni ly sa thai naira awm iy tahm khai nai avum ai.

SAM 145:9

Mymy ly khumi luteng ai hawi hai iy, mymy i sa nai heng nai amjy bawibawichi ai pahen nai ne.

LEU KACHENG 12:10

Khumi kahawi ly my i tawnbawichi ai, hawihai palai kry reng; na i py khumi hawi y nai ly my i tawnbawichi ai pahyp y naimy ana reng nai ne.

LEU KACHENG 19:11

Pany thai naira awm nai khumi ly my i kado theu nai amkyn ai. Ami my kado theu hai nai ai dawndan pi y nai ly khumi kahawi i kaja ne.

LEU KACHENG 19:22

Ngaiphi ala nai ly kaji ai hawi. Khumi kamawn nai ly ka-chawi thui nai khumi tleaung y hawi keh.

ISAIA 57:1

Khumi kahawichi ly dei u nai ne. Huni khumichi hunai kamta dei nai ly ami py pany u thai y. Ati sai py dawndan u y. Na i py nichi ly dei nai khala y, patang naira by y nai meingtym y tym u nai ne.

JEREMIA 38:12

Naibaly Ebadameleh ly kai teng y, “Nang ai vuinawnchi my ngan abei y ai nai, hini ateaung kamawnchi ai nang i takaja anui y takem ba,” napi. Kai ly hunai kamta kasa.

MATTHAI 6:12

Kaichi i tlang tleaung y hawi y sa naichi ai ly kaichi my pahen nai kamta, Kaichi i kamngo py pahen kyh ba.

MARKA 11:25

Naibaly nangchi i Ampo kani pri mang y awm nai my ly nangchi i taphra nairachi ang pahen ai nai, nangchi chiu sa nai angdo nai tleirei ly ami i tlang tleaung y py nangchi ati mo leu hawi y nai awm baly pahen u.

LUKA 1:78

Mymy i khumichi teng y pahengra leu pany hai ai nai py, Areng i mo y nang tako ai;

LUKA 11:4

Kaichi i kamngo pahen kyh ba, ati mana nai mo nabaly kaichi py kaichi i atiti kalai bawibawi pahen nai ne. Parawi naira y pahawi moh ba,” napi.

LUKA 17:4

Mymy ly kanirei y nang i tlang tleaung y tlen saryhrei atiti tamang iy, ‘Kai paleung adawn ali bo,’ nanai tlen saryhrei nang mang y mo leng teang baly, nang ly ni ai pahen ai nai tla,” napi.

LUKA 6:35

Na i py nangchi i paleung ka-echi ai tamen u ly, nichi i vui kahawi so u ly, dawn amcheng y naimy alai ai nai pei u; hunaibaly nangchi i kawn nai vang ly nawi ai i, Salo Kangteng i chanau lawn u ai; ni ly kawn ai naira pany y naichi ai hawi, khumi kamngochi ai py paheng nai keung ne.

LUKA 6:37

“Nangchi ai cheh y ai nai cheh u reng moh; pasum u reng moh, naibaly nangchi ai pasum y ai; pahen u, naibaly nangchi ai pahen ai;

AMTAW 28:2

Naibaly cheng takhrachi my pahen ala nai pahen y alam na, kani nai nai y hawi padeng nai deaungkho y mai sa i, kaichi bawibawi ai ang kawn.

ROM AVANGCHI TENG Y PAWLA I CHA PA NAI 12:10

Amjo amnauchi ai tamen naira y ly neaung hawi parai naimy paleung abi u leungtang; leaungrei ly leaungrei ai amy tleaung y tahm pasang sy;

I KORINTH 13:4

Tamen naira ly kham py kham pajau, neaung py hawi; tamen naira ly paleung py ano y; tamen naira ly palo py apalo y, am-e py am-e y,

II KORINTH 2:10

Na i py ati cheaungkhangra y py ami ai nangchi my pahen nai ngierei ly kai py pahen teang; kai py kapahen chum angchi nai ly, atiti py kapahen baly, nangmychi deaungkho y Krista i mo y ly kapahen nai ne;

II KORINTH 2:7

hunaibaly pajeng ai nai tleaung y ly mymy ai pahen u iy, awm hai nem ai nai tla, ti y baly ati mo sa iy hunai kamta khumi ai ly paleung mawn ala naira my pajawn be lawh na.

II KORINTH 6:6

chai naira y py, pany naira y py, amnym naira y py, neaung hawi naira y py, Phailo Kachai y py, tamen tatangnaira y py,

EPHESI 5:1

Hunaibaly mymy i chanau ngai parai naichi kamta Tameuh i amtiu nai khumichi lawn u.

JAKOB 5:11

Khen cham achi ly kham pajau tanga nai keungchi ly tahm hawi, napi. Joba kham pajau nai sai py nangchi thai u bo, naibaly Areng i kangkhym y sa nai sai py nangchi niu u bo, Areng ly pahen naira hawi neaung hawi naira my kawi.

II PETERA 1:7

naibaly Tameuh ai dawn ryhryh naira y ly amjo amnauchi ai aniu ngai naira abawi u ly, naibaly amjo amnauchi ai aniu ngai naira y ly tamen naira abawi u.

I JOHAN 1:9

Achi ly achi i kamngochi ahui baly, mymy ly achi i kamngochi pahen ai nai hawi, achi i hawi y naira bawibawi pachai ai nai py ka-ym nai hawi, hawi nai py ne.

I JOHAN 2:12

Bechi awi, mymy i amyn deaungkho y nangchi i kamngochi pahen chum nai y, nangchi teng y katajiu nai he.

RUTHI 2:20

Naomi my, “Areng ly Boaza ai amtheaung hai sy! Areng ly heng nai khumi, dei nai khumichi teng y py, mymy i adeu nai leu ly khaw hai jojo sy!” nanai thui chum baly mymy ly “Hini khumi ly achi hawi amjo amnau kypkyp ne i, ni ly achi ai ang kry ai nai keungko ne,” napi.