EPHESI 4:16 - Khumi Common Language Bible

¹⁶ Mymy i saho y tlang bomrei ly amtawm naira cheaungkhang sa nai deaungkho y adyh parai pa-rei myacha typ nai patawm achu iy, kangprei cheaungkhang my sa nai kamta, tlang ai ly tamen naira y amcheang ai nai veang hai nai ne.

EPHESI 4:16 ပူးပေါင်းရင်းမြစ်များ

JOHAN 15:5

Kai ly kreip angjyn pakeung ne, nangchi ly changpi ne; ami py kaimy teng y awm jo iy, kai py mymy teng y awm jo nai ly huni kypkyp ly neangneang athai; nangchi ly kai hawi ny y baly ati sai py so thai y leang.

ROM AVANGCHI TENG Y PAWLA I CHA PA NAI 12:4

Achi ly tlang bomrei y kangprei neangneang awm iy, kangprei bawibawi i atiti sa nai ly atawm bawi y leang:

I KORINTH 10:17

Achi, khumi neangneang ly tako phirei, tlang bomrei ne chy bo; achi bawibawi ly huni tako phirei ra i nai phy nga sa sa veng.

I KORINTH 13:13

Hunaibaly hini thomrei, ym naira hawi, athang khai naira hawi, tamen naira py awm jojo ai; naibaly hinichi theung y len keh nai ly tamen naira ne.

I KORINTH 8:1

Naibaly vai ly myn y atiti apathyp nai huni satang ly. Achi ly pany naira awm bawibawi, nanai apany. Pany naira my ly paleung len hai reng, na i py tamen naira my ly veang hai reng.

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

KALATIA 5:6

Krista Isu y ly lengkhym takip nai py, takip y nai py ati sai py kamran by y leang; ym naira y ly tamen naira deaungkho y atiti sa nai naini kamran awm nai teu.

EPHESI 1:4

hunai kamta achi ly tamen naira y chai nai hawi, cheh ai by y pa-rei my mymy i mo y awm thai ai nai, khaileaung palum y rai kha y achi ai Krista y ang vawi veng bo;

EPHESI 3:17

hunaibaly nangchi ly tamen naira y tangjyn pala u nai hawi amchym naira nga u iy,

EPHESI 3:7

Mymy i atiti sa thai naira i sa nai sai kamta, jawm naimy Tameuh i pahenra ang pei nai kamta ly kai ai huni Satang Kahawi kry ai nai keung y ang palawn nai ne.

EPHESI 4:12

khumi kachaichi ai angym hai ai nai hawi, kry nai kalop sa ai nai hawi,

EPHESI 4:15

Na i py achi ly tamen nai deaungkho y leu meitang thui iy, ati cheaungkhangra y mymy y ly veang ryh veang ryh thai ai; mymy ly lu ne, Krista ly.

PHILIPI 1:9

Naibaly kai ly nangchi i tamen naira my pany angym naira hawi dawn pata kawp naira cheaungkhangra y awm nai tleaung y awm ra ai nai chiu kasa reng;

KOLOSA 2:19

huni Lu i saho y ly tlang bom verei ly lenglawchi hawi kananchi deaungkho y pacho nai amtawm achu nai awm iy, Tameuh i veang naira y veang lawh veng.

KOLOSA 2:2

hunaibaly nichi ly Tameuh i leu kathiu, Krista ai pany ai nai (mymy y ly cheng naira hawi pany naira yhmtheaung bawibawi heu nai ne),

I THESALONIKA 1:3

tamen nai deaungkho y nangchi i sa akawm nai sai hawi, achi i Areng Isu Krista ai athang khai nai deaungkho y nangchi i kham pajau nai sai py tami y naimy pany jo i, kaichi i chiu sa naira y ly nangchi i amyn tabawi iy, nangmychi bawibawi deaungkho y kaichi ly Tameuh teng y kawn nai leu thui jojo nai ne.

I THESALONIKA 2:13

Nangchi ly kaichi teng i dengdairei Tameuh i leu thai nai patawm nai thym khala y ly, khumi i leu kamta ny y naimy Tameuh i leu kamta patawm lawh nai deaungkho y, kaichi ly Tameuh teng y kawn nai leu thui reng nai ne; huni ly Tameuh i leu ne khyp iy nangchi ym naichi theung y sa reng nai ne.

I THESALONIKA 3:12

Naibaly achi i Areng Isu Krista ly mymy i khumi kachai bawibawichi hawi ang jeu nai khala y ly, achi i Tameuh hawi Ampo i mo y ly nangchi i paleung ai ly chai naira y cheh ai nai by y pa-rei my ang khaw hai thai ai nai,

II THESALONIKA 1:3

Amjo amnauchi awi, kaichi ly nangmychi molam y ly Tameuh teng y kawn nai leu thui jojo ai nai tla:huni ly avo khyp, ati mana nai mo nabaly nangchi i ym naira ly khri pa-rei veang nai, nangchi bawibawi y atamen leungtang naira ly peung nai tleaung y peung ra peung ra lawh veng;

I TIMOTHEI 1:5

Na i py huni parip lawh naira ly paleung kachai hawi, hawi nai hawi y nai pany naira kahawi hawi, ym naira tatang i dengdairei theu nai tamen naira py nga hai u thai ai nai parip nai ne:

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I JOHAN 4:16

Tameuh my amychi i tlang tleaung y tamen naira awm nai ly achi my pany iy, ym py ym nai ne. Tameuh ly tamen naira ne; tamen naira y awm jojo nai khumi ly Tameuh y awm jojo i, Tameuh py ni y awm jojo teang.