EPHESI 4:15 - Khumi Common Language Bible

¹⁵ Na i py achi ly tamen nai deaungkho y leu meitang thui iy, ati cheaungkhangra y mymy y ly veang ryh veang ryh thai ai; mymy ly lu ne, Krista ly.

EPHESI 4:15 ပူးပေါင်းရင်းမြစ်များ

SAM 32:2

Hawi y sa nai khumi, nanai Areng my neng hai nai avum y naimy tapawp paryp nai ngiereira y abawi y nai khumi ly taham hawi.

ZEKHARIAH 8:16

Nangchi sa ai avo naichi ly amy tengtawi leu kateng katheu ai nai hawi, adyh adawi ai nai molam, meitang naimy tara chih u ai nai ne.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

JOHAN 1:47

Isu ly Nathanaela ni teng y jeu ai tau nai niu i, “Khen cham, Israela khumi meitang, tapawp nai paleung den py by y nai ho,” nanai ni i satang thui pi.

ROM AVANGCHI TENG Y PAWLA I CHA PA NAI 12:9

Tamen naira ly tapawp naira abawi y nai ne sy. Kamngo mang y ly niu ngai u moh ly; kahawi mang y ly hawihai apatawm u.

I KORINTH 11:3

Na i py neampacho leaung leaungrei i lu ly Krista ne, neampachy i lu ly neampacho ne, Krista i lu ly Tameuh ne, nanai ly nangchi pany ai nai kangai.

II KORINTH 4:2

kaichi ly atiti angji ngailai nai aheu naichi khai su iy, cheng tapawp naira y py tako y, Tameuh i leu y khumi ai tapawp ai nai py teaung y; huna ny y naimy kaichi ly leu meitang pany hai nai, Tameuh i mei ka-niu y khumi leaung leaungrei i hawi nai hawi y nai pany naira teng y kahawi athui nai ne.

II KORINTH 8:8

Kai ly leu pei nai kamta kathui y leang, khumi takhrachi i hawihai palai sa naira y nangchi i tamen u tatang nai sai cham ai nai kathui nai teu.

EPHESI 1:22

Naibaly ati cheaungkhang mymy i kheu anui y khai iy palau takhra kamkawm i vui y mymy ai ly ati cheaungkhang bawibawira y lu lawn ai nai ang sa hai bo;

EPHESI 1:4

hunai kamta achi ly tamen naira y chai nai hawi, cheh ai by y pa-rei my mymy i mo y awm thai ai nai, khaileaung palum y rai kha y achi ai Krista y ang vawi veng bo;

EPHESI 2:21

mymy y ly lengseaung padyh nai takhra takhra adyh parai pa-rei my acha typ iy, Areng y ly achura yhm kachai lawn dudu bo;

EPHESI 4:25

Hunaibaly ka-chawi thui nai ly anawn vui iy, leaung leaungrei ly amy i saleaungchi teng y leu meitang thui u sy; achi ly leaung leaungrei ly vanrei angprei ahawi nai ne.

EPHESI 5:23

Krista mymy kypkyp ly tlang ai paheng keung ne iy, palau takhra kamkawm i lu ne nai kamta ly,. juvo ly aju i lu ne.

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I PETERA 2:2

deaungdi chymblei nai kamta ly phailo mang i kanu hang, tapawp paryp naira ati sai py tabawi y nai ly khri pa-rei ngai u, hunira y ly hengra ka-lawn pa-rei veang u thai ai nai;

II PETERA 3:18

Huni ny y naimy achi i Areng hawi Paheng Keung Isu Krista i pahenra y hawi pany naira y py veang u. Vai hawi deungtasa tym pa-rei py mymy teng y nang parai naira awm sy. Amen.

I JOHAN 3:18

Bechi awi, labeaung palai y khyh ny y naimy, atiti sa naira y hawi meitang khyp naira y py tamen u sina.

TARA CHIH NAI KEUNGCHI 16:15

Naibaly Delila ly ni teng y, “Nang ly kai ai khrei y pui naimy, kai ai khrei nanai mana thui pajau ai mo? Nang ly kai ai kamthu palawn nai tlen thomrei awm bo. Nang ly atho awm nai sai, vai khrairei thui pi y veangveang lawh rai ly” napi.