EPHESI 4:14 - Khumi Common Language Bible

¹⁴ hunaibaly teng y naira y vam naira parawi nai kamta, achi ly cheng tapawp nai khumi i tapawp amang nai, patiu naira ali cheaungkhangra y hi mang py hu mang py pachaw iy hm ryry nai deungdi ny y ai bo.

EPHESI 4:14 ပူးပေါင်းရင်းမြစ်များ

SAM 10:9

Nichi ly amso mawi kei ai nai mawi angawmra y o nai khrangsi kamta abyh reng. Nichi ly khumi kamawnchi ai o iy mychi i deaung hawi patiu nai ryh jo bo.

SAM 59:3

Kai ai huni khumichi my tiu ai nai ajeng u nai ly khen cham ba! pahyp y naimy ana nai khumichi ly kai ai ang tiu ai nai akachu u bo. Aw Areng, huni khumichi ly kai ai tiu ai nai meingtym la u kaliki nai ly

ISAIA 28:9

Nichi my, “Hini khumi ly achi ai ati palawn nai y thui parip nai mo? Ni i leu pei nai ly amichi i vui kamran awm mo? Kanu-li ang vawi nai deaungdichochi hawi naini amlau nai ne!

MIKHA 7:2

Hini pri theung y khumi kahawi, Tameuh ai ka-ym awm nai khumi, nanai leaungrei py by y leang bo. Khumi ai padei ai nai neng ka-pe, khumi luteng ajeng u bo. Amjo amnau tengtawi, leaung leaungrei ai apatym iy apatiu u reng nai ne.

MATTHAI 11:7

Naibaly nini ly vawi bo nabaly Isu ly khumi mipuichi teng y Johan i satang thui pi amteaung i, “Nangchi ly daichi ka-vym y ati khen ai nai chei u nai kha? Ali my hm nai ahyn nai satleung ai a?

MATTHAI 24:11

Amo tapawp naichi py neangneang theu ai i, khumi neangneangchi ai tapawp ai.

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

AMTAW 23:21

Na i py mymychi i leu ly tangai moh ba; nichi theung i leaung vui palyhrei chang y naichi ly o yb bo, nichi ly ni ai padei y ryrei ly ati sai py cho nei y ai nai vaineng abeu bo; vai nang i leu ajeng nai awm u ryhryh jo,” napi.

I KORINTH 12:2

Nangchi ly Cheng Takhrachi ne nai thym khala y ly ati mana mo iy py ang pahawi nai ngierei ly, huni raawi by y nai mynchi mang y ang pahawi naira y awm u bo, nanai ly nangchi pany.

I KORINTH 14:20

Amjo amnauchi awi, paleung y ly deaungdi kamta awm u reng moh; ne mang ly kamngora y ly deaungdi chymplei nai kamta awm u ly, na i py paleung y ly khumi ka-cheang lawn u.

I KORINTH 3:19

Ati mana nai mo nabaly hini khaileaung pri i cheng naira ly Tameuh i dawn naira y ly pathu nai ne. “Mymy ly khumi kachengchi ai ly mymyychi i cheng tapawp naira y man hai reng,” nanai hawi,

II KORINTH 2:17

Khumi neangneangchi ly amichi ai tapawp ai nai Tameuh i leu ai ly ka-pai sa ai nai teaung u nai kamta kaichi ly teaung y leang; kaichi ly meitang khyp naimy Tameuh my ang pato nai, Tameuh i mei ka-niu y Krista y ly leu thui nai ne.

II KORINTH 4:2

kaichi ly atiti angji ngailai nai aheu naichi khai su iy, cheng tapawp naira y py tako y, Tameuh i leu y khumi ai tapawp ai nai py teaung y; huna ny y naimy kaichi ly leu meitang pany hai nai, Tameuh i mei ka-niu y khumi leaung leaungrei i hawi nai hawi y nai pany naira teng y kahawi athui nai ne.

KALATIA 3:1

Aw Kalatia pri i cheng y nai khumichi awi, nangchi ai ly ami my ang dawi mo? Krista Isu ai tahen nai ly nangchi i mei ka-niu y my chai pyn pa-rei amteng hai chy bo.

EPHESI 6:11

Diabola i parawi paryp naira y ly nangchi angdo u pajau ai nai, Tameuh i tavai ateaung kangym amthyp u.

I TIMOTHEI 3:6

ym nai khumi kangtha ly avo y, ti y baly am-e ai i, diabola i sum naira y tym teang lawh na.

II TIMOTHEI 1:15

Asia pri i awm nai bawibawichi ly kai ai hi vui veng bo, nanai nang ly pany: nichi theung y ly Phukela hawi Hermokena py abawi nai ne.

II TIMOTHEI 3:13

Na i py khumi kamngo hawi tapawp nai keungchi ly tapawp nai hawi tapawp naira y awm nai ly kamngo naira y ty ra ty ra ai.

II TIMOTHEI 4:3

Patiu nai kateng dawn u ngai y nai neng tym ai; nichi i kano patha parai nai deaungkho y mymychi i ngai phi teng y naira ngai nai kamta, patiu nai keung neangneangchi ai mymychi teng y pakheng achu ai;

HEBRAI 13:9

Patiu naira amjy takhra takhra hawi, pany vai y nai my py nangchi ai pajau vui ai nai pei u moh:paleung ly cha ai naichira y ny y naimy, pahenra deaungkho y khaw naira nga nai ly hawi:huni mang y asa naichi ly hunira y chawn naira ngo u lawh y leang.

JAKOB 1:6

Na i py ym thai y nai den py by y naimy, ym naimy hnei sy: ym thai y nai keung ly pangli tui sampyh, ali my hm pacho pachaw nai kamta atawm.

JAKOB 3:4

Khen cham, samphochi ly khri pa-rei len iy, ali ho parai naimy hunichi ai hm i py, kalawi pataw nai keung my ly mymy chei hai ai nai ngai naira tleirei y kalawi pataw naira theangchi chy nai hawi pahi.

II PETERA 2:18

Nichi ly leu rumrang len parai nai thui iy, paleaung nai deaungkho y tlang i ngai phi teng y naira y kamngo y awm naichi theung i dengdairei atleu dudu naichi ai ly parawi;

I JOHAN 2:19

Nichi ly achi theung i dengdairei theu bo, na i py nichi ly achi i khumi tatang ny y leang; nichi ly achi i khumi tatang ne i khyly achi teng y ang awm jojo ai bo; na i py nichi bawibawi ly ha py achi i khumi tatang ny y leang, nanai hawihai palai amteng thai ai nai ang theu pi veng nai bo.

I JOHAN 2:26

Nangchi ai ang tapawp ai tau nai keungchi i satang ly nangchi teng y katajiu nai ne.

I JOHAN 4:1

Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.

JUDA 1:12

Hunichi ly nangchi hawi vanrei atamen nai pawi cha u nai thym khala y ly amtengru nai lengseaungchi ne: jei y naimy apacho nai beram typ nai keungchi ne:tui by y nai khupanym ai ali my hm naichi ne: athai by y nai ngam aau nai thengthai, tleng nyhrei dei nai, tangjyn khrairei akyn rau naichi ne:

AMTENG HAI NAI 19:20

Naibaly mawi kasi ai hawi, mymy i mei ka-niu y atiti rengrang sa nai deaungkho y mawi kasi i ka-ma-ra nga nai hawi ni i myn y chiu naichi ai lam tamang hai nai tapawp nai amo ai py mymy hawi vanrei patiu u bo; nini leaung nyhrei ai ly kan hawi mai kang nai angawm y ly heng nai tarawi y aphi hawi mei.