EPHESI 3:8 - Khumi Common Language Bible

⁸ Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

EPHESI 3:8 ပူးပေါင်းရင်းမြစ်များ

1 NENG SATANG 17:16

Samrang Davida ly Areng i tai theung y kun iy ateh naimy chiu sa nai ly “Aw Areng Tameuh, kai hawi kai i yhm dengtheungchi ly nang i atiti sa pi naichi hawi ataing y leang.

SAM 31:19

Nang ai jei naimy tahm khai nai khumichi i vui pateung pi yb nai hawi nairachi ly khri pa-rei lyh ai hawi parai na ly! Nang ly hawi, nanai py, nang teng y abyh nai khumichi ai ama hai, nanai py, khumi bawibawichi my pany u bo.

LUKA 14:22

Naibaly miseaung my ly, ‘Areng nang i leu pei nai kamta sa nai bo, na i py meingtym palai jojo rai,’ napi.

JOHAN 1:16

Mymy i angym naira ly achi ly nga bawibawi i, pahen nai tleaung y pahenra nga pateang bi bo.

AMTAW 5:41

Naibaly nichi ly tara chih nai keungchi theung i dengdairei tako iy, hini Amyn y amthang leaung ai nai pa-rei patang ai nai abawi ai ataing nai deaungkho y khri pa-rei kawn u.

AMTAW 9:15

Na i py Areng my ly mymy teng y, “Chei, chei; Cheng Takhrachi hawi, samrangchi hawi, Israela kangpreangchi teng y kai i amyn apu ai nai vawi nai na a;

ROM AVANGCHI TENG Y PAWLA I CHA PA NAI 11:33

Aw! Tameuh i cheng naira hawi pany naira ly khri thiu na ly! Mymy i chih nairachi ly pipi pany pajau y, mymy i sa nai sai ly patawm pajau ai nai aveng!

ROM AVANGCHI TENG Y PAWLA I CHA PA NAI 12:10

Amjo amnauchi ai tamen naira y ly neaung hawi parai naimy paleung abi u leungtang; leaungrei ly leaungrei ai amy tleaung y tahm pasang sy;

ROM AVANGCHI TENG Y PAWLA I CHA PA NAI 2:4

Ti y baly Tameuh i hawi naira my uikhei ai nai ang pahawi, nanai pany y naimy, mymy i hawi naira nawi nai sai hawi, amnym pajau nai sai hawi, kham pajau nai sai ai ly nang ly pate nai sai a?

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

I KORINTH 15:9

Ati mana nai mo nabaly kai ly amtaw thau naichi theung y theang keh nai, Tameuh i palau takhra kamkawm ai ka-na nai deaungkho y kai ly amtaw thau nai khumi pathi ai nai py ataing y leang.

I KORINTH 2:9

Na i py, “Mei y niu vai y nai, kano y thai vai y nai, Khumi i paleung y kun vai y nai ly Tameuh my mymy ai tamen naichi i vui sa pi rym nai ngiereichi ly,”

KALATIA 1:16

Cheng Takhrachi theung y ni i satang thui pi thai ai nai, ni i Chapo ai ly paleung hawi parai naimy kai ai amteng hai nai thym khala y ly tlang hawi thi hawi adeng kang y naimy,

KALATIA 2:8

(Lengkhym takip naichi i amtaw thau nai khumi lawn ai nai Petera i vui sa pi nai keung my ly, Cheng Takhrachi i amtaw thau nai khumi lawn ai nai kai i vui py ang sa pi:)

EPHESI 2:7

Hunaibaly mymy ly neng tym ai naira y ly Krista Isu y achi i tlang tleaung y neaung hawi nai deaungkho y, mymy i pahenra khri pa-rei nawi nai sai ly patei pajau ai.

EPHESI 3:1

Hunai deaungkho y kai Pawla, nangchi Cheng Takhrachi deaungkho y Krista Isu y theaung tla nai khumi ly-

EPHESI 3:16

Ampo, kani hawi khaileaung theung y awm nai cheaungkhangchi ai amyn pathi nai i mo y ly kai ly kheukhu di;

EPHESI 3:19

Krista i tamen naira pany bawi pajau y nai pany u iy, nangchi ly Tameuh i angym naira cheaungkhang tanrei kawi nai awm u thai ai nai chiu kasa.

EPHESI 3:2

nangchi i vui Tameuh i pahenra kry ai nai kai ai ang pei nai ly nangchi pany u nabaly;

PHILIPI 2:3

Apreaung nai hawi tahm apasang nai deaungkho y ati sai py so u y naimy, khumi leaung leaungrei ly tahm apanem parai naimy amy tleaung y khumi takhra ly hawi kyh, nanai palawn bawibawi sy;

PHILIPI 4:19

Naibaly kai i Tameuh ly Krista Isu y mymy i nang parai naira i nang nai sai kamta nangchi i avaw naira cheaungkhangra y py ang nga hai ai mang.

KOLOSA 1:27

Hunichi teng y Cheng Takhrachi theung y huni leu kathiu nang parai naira i nang nai sai ly Tameuh ly pany hai ai nai ngai nai ne: huni ly hini ne he, Krista, nangmychi y awm nai, nang parai naira nga ai nai athang khai naira ne;

I TIMOTHEI 1:13

ati mana nai mo nabaly kai ly jangni y Tameuh ai thui tamawn nai keung hawi ana hai nai keung hawi, khumi kamlai ne teu i py kai ai ka-ym awm nai khumi ang palawn iy, mymy i kalop sa ai nai keung y ang khai rym:ne mang ly kai ly ym naira by y naimy pany y nai khala y kasa nai deaungkho y pahen naira kanga;

I TIMOTHEI 1:15

Krista Isu ly khumi kamngochi ai paheng ai nai khaileaung pri y ang jeu, nanai ly ka-ym awm i, khrikhri pa-rei ym ai nai hawi; kai ly nichi theung y kamngo keh nai ne he:

I TIMOTHEI 2:7

huni molam y ly kai ai aeu hai nai keung hawi amtaw thau nai keung, ym naira y hawi leu meitang naira y Cheng Takhrachi ai patiu nai keung y ang khai rym nai ne (kai ly leu meitang thui nai ne, ka-chawi ny y leang).

II TIMOTHEI 1:11

huni Satang Kahawi leu pany hai ai nai ly kai ai aeu hai nai keung hawi, amtaw thau nai hawi, patiu nai keung y ang khai rym.

AMTENG HAI NAI 3:18

Hunai deaungkho y nang ly nang naira nga thai ai nai, mai y pachai chum nai muku hawi, nang i beng tlairei awm nai kangji kangngai nai sai amteng y ai nai ateaung kangleungchi amthyp thai ai nai hawi, nang i mei y atamui nai rimui py kai teng y van ai nai kadawn hai.