EPHESI 3:17 - Khumi Common Language Bible

¹⁷ hunaibaly nangchi ly tamen naira y tangjyn pala u nai hawi amchym naira nga u iy,

EPHESI 3:17 ပူးပေါင်းရင်းမြစ်များ

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

MATTHAI 13:6

na i py kani bi asang leng nai kha y ly ang i, tangjyn ngo y nai deaungkho y jei ryp veng.

LUKA 6:48

Mymy ly yhm sa nai keung, thiu parai pa-rei tai iy lengseaung pui tleaung y lengseaung leng nai kamta atawm; naibaly tui len iy, tui ry kaho my huni yhm y stiu i, hawihai palai sa nai deaungkho y amchyh lei y.

JOHAN 14:17

Huni ly Leu Meitang Phailo ne: khaileaung prichi ly mymy ai niu y nai hawi pany y nai deeaungkho y ngothai y; nangchi ly ni ai pany, ni ly nangchi teng y awm jo i, nangchi i paleung theung y py awm ai.

JOHAN 14:23

Isu my ni teng y, “Ami py kai ai tamen baly kai i leu pei nai tangai ai; Ngaai my ni ai tamen ai i kaini my ni teng y jeu ai, ni teng y py awm jo ai.

JOHAN 17:23

kai mymychi teng y awm nai, nang kai teng y awm nai, nichi bomrei awm iy angym thai ai nai, nangmy kai ai pato nanai hawi, nangmy kai ai tamen nai kamta nichi ai py nang tamen teang, nanai py khaileaung prichi my pany ai nai.

JOHAN 6:56

Kai i ngan cha iy kai i thi nei nai khumi ly kaimy teng y awm jo, kai py mymy teng y awm jo.

ROM AVANGCHI TENG Y PAWLA I CHA PA NAI 5:5

naibaly Phailo Kachai achi teng y ang pei nai Tameuh i tamen naira ly achi i paleung y ang lei chum nai deaungkho y athang khai naira my ly amthang hai leaung y leang.

I KORINTH 3:6

Kaimy ui iy Apolo my ly tui lei hai, na i py Tameuh my veang hai nai ne.

I KORINTH 8:1

Naibaly vai ly myn y atiti apathyp nai huni satang ly. Achi ly pany naira awm bawibawi, nanai apany. Pany naira my ly paleung len hai reng, na i py tamen naira my ly veang hai reng.

II KORINTH 13:5

Nangchi ly ym naira y awm u na mo, nanai nangmychi kypkyp my akaneu ly, nangmychi kypkyp my acham u. Ti y baly Isu Krista ly nangmychi teng y awm, nanai nangmychi kypkyp my hawihai palai pany u y nai sai a? Cham naira y eaung nai ne u y makho baly.

II KORINTH 6:16

Naibaly Tameuh i achura yhm ly mynchi hawi ati aly naira awm mo? Achi ly Tameuh kangheng i achura yhm ne; Tameuh my ly, “Mymychi teng y kaawm ai i, mymychi teng y kapavai ai; naibaly kai ly nichi i Tameuh ne ai i, nichi py kai i khumichi lawn ai,” napi nai kamta ly.

KALATIA 2:20

Kai ly Krista teng y tahen nai awm bo; na i py kai ly heng nai ne; na i py kai ly ny y leang bo, Krista kaimy y heng nai ne; naibaly vai kai i tlang heng nai ly ym naira y kaheng nai ne, Tameuh i Chapo my kai ai ang tamen nai kai i jeng y apei nai keung ai ym naira y.

KALATIA 5:6

Krista Isu y ly lengkhym takip nai py, takip y nai py ati sai py kamran by y leang; ym naira y ly tamen naira deaungkho y atiti sa nai naini kamran awm nai teu.

KOLOSA 1:23

nangchi ly ym naira y awm u jojo i, amchym naira nga u iy khaw parai pa-rei awm u naimy, nangchi i Satang Kahawi thai nai athang khai naira i dengdairei asyh vui y baly; huni ly kani anui y atiti sa nai bawibawichi theung y aeu hai nai ne chy bo; naibaly kai, Pawla ai ly huni ai kry ai nai keung y ang palawn nai ne.

KOLOSA 1:27

Hunichi teng y Cheng Takhrachi theung y huni leu kathiu nang parai naira i nang nai sai ly Tameuh ly pany hai ai nai ngai nai ne: huni ly hini ne he, Krista, nangmychi y awm nai, nang parai naira nga ai nai athang khai naira ne;

KOLOSA 2:7

nangchi ai ang patiu nai kamta ym u naira y ly khaw parai pa-rei awm u.

I JOHAN 4:16

Tameuh my amychi i tlang tleaung y tamen naira awm nai ly achi my pany iy, ym py ym nai ne. Tameuh ly tamen naira ne; tamen naira y awm jojo nai khumi ly Tameuh y awm jojo i, Tameuh py ni y awm jojo teang.

I JOHAN 4:4

Bechi awi, nangchi ly Tameuh i dengdairei ne i, nangmychi y awm nai keung ly khaileaung pri y awm nai keung tleaung y len keh nai deaungkho y, nangchi ly hunichi ai pajau bo.

AMTENG HAI NAI 3:20

Khen cham, kai ly katheu ahawi y angdo i katakhei: ami py kai i raawi thai iy katheu paeaung pi baly, kai ly mymy teng y kun iy mymy teng y biu cha ai i, mymy py kai teng y cha teang ai.