EPHESI 2:12 - Khumi Common Language Bible

¹² hunai thym khala y nangchi ly Krista ai pany y nai, Israela kamkawm hawi akhawi takhra nai, khaileaung pri y athang khai naira pipi by y nai hawi, Tameuh ny y naimy awm u iy, adeu nai leu maikawmra y angvyn y awm u nai ly pany u jojo.

EPHESI 2:12 ပူးပေါင်းရင်းမြစ်များ

ATITI AWM ANGCHEI NAI 15:18

Huni neng huni meingtym y Areng ly Abram hawi Leu Maikawm asa bo. Mymy ly Abram teng y, “Nang i kangpreangchi teng y, Aikupta pri khujyh dengdairei Euphrat tavo tym pa-rei,

2 NENG SATANG 15:3

Israela chengchi teng y Tameuh meitang awm pi jo y, thui parip ai nai pathyp pi nai keungchi by y, reita py by y.

EZARA 4:3

Zerubabela, Josua nupaichi ai lu sa naichi my ly nichi teng y, “Kaichi ly kaimychi i Areng Tameuh i vui Achura yhm sa naira y nangchi i kasabawm aly ngai y leang. Pasia empara pri samrang Kuru i leu pei nai molam y, huni Achura yhm ai kaimychi naimy kasa u ai,” nanai pathang.

THEU NAI 12:45

Angvyn, ti y baly tham nai khumichi ly cha ai nai ngo y.

ISAIA 14:1

Areng ly mymy i khumi Israela chengchi ai pahen ali teang nai ne. Mymy i khumichi palawn ai nai vawi takhra ai. Mymy ly nichi ai mychi i saleaung khutengra y awm u ali teang ai nai pei ai. Cheng takhra khumichi ly jeu iy nichi hawi vanrei awm u ai.

ISAIA 44:6

Israela chengchi ai peang iy ama hai nai Areng, ati cheaungkhang sa thai nai keung Areng my, “Kai ly angchei khala i dengdai tem khala khrairei awm jojo nai keung harei khyh nai Tameuh ne. Kai ny y baly tameuh takhra by y.

ISAIA 45:20

Areng my, “Khumi cheng cheaungkhangchi awi, jeu u achu. Empara pri anawi nai bo i, dei kamthum khumi bawibawichi awi, nangchi cheng y nai khumichi awi! nangmychi i dengkeaung mynchi patei iy, atleu pajau y nai tameuhchi teng y chiu nai khumichi awi, nangmychi naimy tara amteng ai nai jeu u!

ISAIA 61:5

Aw, kai i khumichi awi, cheng takhra khumichi ly nangchi i kalop sa pi ai. Nangchi i beram kanghuchi py ang kry pi ai. Nangchi i li hlauchi thawn pi iy, nangchi i kreip akhochi palum pi ai.

JEREMIA 14:8

Nang naini Israela chengchi i vui athang khai naira ne. Kaichi ka-jeira avum nai khala y, atleu pi nai keung ne. Ati mana nai y nang ly kaichi i pri angvyn kamta, dymreichy jei khyh nai khuleaung angvyn amlawn lawh mo?

JEREMIA 17:13

Aw Areng, nang ly Israela chengchi i athang khai naira ne. Nang ai khai su nai ngiereichi ly kangji nga u ai. Nichi ly hengra tuino, napi nai Areng nang ai khai su nai deaungkho y, spryhra y tajiu nai amynchi kamta, tama u pawn ai.

Ezekiela 13:9

Teng y nai paleung mei y niu nai ai niu iy nangchi, teng y nai leu thui yb nai amochi ai kapajeng ai. Nangchi ly kai i khumichi leu ka-rum sa naira y kun ai nai nga u ai ny y. Israela pri khumi charangra py, nangchi i amyn tabawi pajau y. Nangchi ly nangmychi i pri y mana khala py, vawi ai nai nga u ai ny y. Huna nai khala kai ly sa thai naira awm nai Areng ne, nanai nangchi pany u ai.

Ezekiela 37:26

Kai ly nichi hawi deungtasarei aly ai nai Leu Maikawm asa ai. Nichi ai kapalum iy khumi peung hai ai i, kai i Achura yhm ly nichi pri y khaw hai jojo ai.

Ezekiela 47:22

Huni khu ka-peang ly nangchi amtym u jojo ai nai khaileaung meingtym ne. Hunira y nangchi hawi vanrei awm iy cho chanauchi awm nai cheng takhra khumichi py, nangchi khaileaung meingtym amji u nai khala phy nga u ai. Nichi ai Israela cheng kacheng kamta palawn iy Israela chengchi hawi vanrei, khaileaung meingtym phy nga hai ai nai tla.

HOSEA 3:4

Huna nai kamta Israela khumichi ly samrang by y, lu sa nai keung by y, apathyp nai by y, chiu ai nai lengseaung leng naichi by y, leung khen nai khala teaung nai mynchi by y naimy, neng kakra awm u ai.

Kati Nai 18:19

“Israela chengchi my kai teng y talam patyp nai ngiereichi ly, nang hawi nang i katu chanauchi ai kaimy pei nai ne. Hini Leu Maikawm ly kai hawi nang i kangpreangchi hawi asa nai, deungtasarei khaw jojo nai Leu Maikawm ne,” napi.

LUKA 1:72

Mymy i miseaung Davida i dengtheungchi theung y ly paheng nai taki py ang sa pi bo.

JOHAN 10:16

Naibaly hini hai theung i ny y naimy, kai i beram takhrachi py awm rai; nichi ai py kaimy pahawi ai nai tla, kai i raawi py nichi thai u ai; hunaibaly kamkawm harei hawi typ nai keung leaungrei py awm ai.

JOHAN 15:5

Kai ly kreip angjyn pakeung ne, nangchi ly changpi ne; ami py kaimy teng y awm jo iy, kai py mymy teng y awm jo nai ly huni kypkyp ly neangneang athai; nangchi ly kai hawi ny y baly ati sai py so thai y leang.

JOHAN 4:22

Nangchi i chiu nai ly nangchi pany y: kaichi i chiu nai ly kaichi pany; lawi hai ai naira ly Judachi theung i nai theu ai.

AMTAW 2:39

Ati mana nai mo nabaly hini adeu nai ly nangchi i vui py, nangchi i chanauchi i vui py, kamlo parai ra i khumi bawibawichi i vui py, Areng achi i Tameuh my mymy teng y palau nai ngiereichi i vui py ne,” napi.

AMTAW 28:20

Hunira y mo aniu ai nai hawi arum ai nai kang palau nai teu; Israelachi i athang khai naira y kai hini sengkry kapachu nai teu,” napi.

AMTAW 3:25

Nangchi ly amochi hawi leu maikawm chanauchi ne chy bo; huni ly Tameuh my nangchi i amsi sangumchi teng y adeu i Abraham teng y, ‘Nang i kangpreang deaungkho y khaileaung pri i cheng cheaungkhangchi tlamsa ai,’ napi.

ROM AVANGCHI TENG Y PAWLA I CHA PA NAI 9:8

Huni ly mana mo nabaly, tlang i chanauchi ly Tameuh i chanauchi ny y leang; leu adeu nai chanauchi ly kangpreang y palawn nai teu.

KALATIA 4:8

Na i py nangchi ly huni neng khala y Tameuh ai pany u y nai thym khala y, nangchi ly nichi i awm nai sai y py tameuh ny y pui naichi i miseaung lawn u bo.

EPHESI 2:19

Hunaibaly vai ly nangchi ly angvyn py ni awm nai py ny y leang bo; na i py khumi kachaichi hawi, saleaung vanrei awm iy Tameuh i dengtheungchi lawn u bo;

EPHESI 4:18

huni pany y naira ly mymychi theung y awm nai deaungkho y hawi, nichi i paleung ly kyh chawn veng nai deauungkho y py, nichi ly Tameuh i hengra teng i nai amprei veng bo.

KOLOSA 1:21

Naibaly nangchi ly jangni y atiti kamngo hawi y sa naira y Ampo hawi amprei nai awm u iy, nangchi i paleung y ly mymy i paleung ka-echi ne u veng;

KOLOSA 1:27

Hunichi teng y Cheng Takhrachi theung y huni leu kathiu nang parai naira i nang nai sai ly Tameuh ly pany hai ai nai ngai nai ne: huni ly hini ne he, Krista, nangmychi y awm nai, nang parai naira nga ai nai athang khai naira ne;

KOLOSA 1:5

Nangchi ly huni athang khai naira satang jangni y Satang Kahawi leu meitang y thai u nai ly, nangchi teng y ang tym chy bo;

I THESALONIKA 4:13

Na i py amjo amnauchi awi, khumi takhra athang khai naira pipi by y naichi i kamta paleung mawn u y ai nai, nangchi ly i ngym chum naichi i satang pany y ai nai kang ngai y leang.

I THESALONIKA 4:5

leaung leaungrei ly chai naira y hawi tahm khai naimy amy i tlang ai ly apako u bawibawi sy;

II THESALONIKA 2:16

Hunaibaly achi i Areng Isu Krista kypkyp hawi, Tameuh achi i Ampo, achi ai ang tamen nai keung py pahenra deaungkho y deungtasarei awmnem naira hawi athang khai naira kakhaw ang pei nai keung my ly,

I TIMOTHEI 1:1

Achi ai paheng nai keung Tameuh hawi, achi i athang khai naira Krista Isu i leu pei nai kamta Krista Isu i amtaw thau nai Pawla my ly,

HEBRAI 11:34

mai i sa thai naira ai py padei, haisau bo kachiu y py tleaung vui, ham y naira i dengdairei ham naira py nga, atiu naira y py sorai thau, cheng takhrachi i atiu nai kamkawmchi ai py ahei hai.

HEBRAI 6:18

Hunaibaly Tameuh ly ka-chawi thui ai nai vuilam ny y nai, pipi palai lawh thai y naira nyhrei tabom nai deaungkho y, achi, lawi naira hau naichi ly achi i mo y athang khai naira ang khai pi nai ai ly patawn thleng thai ai nai, khri pa-rei khaw hai naira nga thai ai.

HEBRAI 8:6

Vai naini mymy ly sa nai sai hawi keh nai nga bo; ati mana nai mo nabaly mymy ly leu adeu naira hawi keh naichi salo y sa nai leu maikawm hawi ra hawi ra nai i savai aleaung bo.

I PETERA 1:21

mymy deaungkho y ni ai kadeichi theung i dengdairei pathau nai hawi, nang parai naira pei nai keung Tameuh ai nangchi ly ym nai ne; hunaibaly nangchi i ym naira hawi athang khai naira ly Tameuh mang y awm bo.

I PETERA 1:3

Achi i Areng Isu Krista i Tameuh hawi Ampo ai ly palo nai awm sy. Mymy i khri pa-rei pahen nai reita kamta, kadeichi theung i dengdairei Isu Krista angthau bi nai deaungkho y athang khai naira kangheng hawi,

I PETERA 3:15

na i py nangchi i paleung theung y Krista ai ly Areng y palawn u pathyp. Nangmychi i paleung theung y awm nai athang khai naira satang molam y ami py deng nai ngierei teng y pathang ai nai angvei u rym jojo; ne mang ly leu anui nai hawi, tahm khai nai tarawi y pathang:

I JOHAN 3:3

Ami py mymy i tlang tleaung y hini athang khai naira awm nai ngierei ly mymy i chai nai kamta ly apachai jojo teang.