EPHESI 2:11 - Khumi Common Language Bible

¹¹ Hunai deaungkho y jangni y nangchi, tlang y Cheng Takhra awm nai, tlang mang y kiu y sa nai “Lengkhym Takip” napi naichi my ly nangchi ai “Lengkhym Takip y” nanai napi naichi awi;

EPHESI 2:11 ပူးပေါင်းရင်းမြစ်များ

Ezekiela 20:43

Huna nai khala y nangchi ly nangmychi i sa nai amso ngai nairachi molam y, amymy ai apaso iy nangmychi ai mana tanrei chai y na mo, nanai adawn vau ai. Huna nai khala y nangmy ai nangmy apaso ai.

Ezekiela 36:31

Nangchi ly nangmychi i chai y nai sa nai saichi hawi, sa tamang naichi pany u ali teang ai. Nangmychi i kamngochi hawi, hawi y nairachi molam y nangmychi ai apaso u ai.

MATTHAI 20:7

Naibaly nichi my ly mymy teng y, ‘Ami py kalop so hai y nai deaungkho y teu,’ napi. Mymy ly nichi teng y, ‘Nangchi py kreip akho y chei u teang,’ napi.

ROM AVANGCHI TENG Y PAWLA I CHA PA NAI 11:17

Na i py changpi phyreichi ai ly tleu hai iy, nang, olive karam ne i nichi theung y patawm iy, olive keung i tangjyn tuihau ahum teang chum nai ne baly, changpi takhrachi teng y ly amlyh reng moh;

ROM AVANGCHI TENG Y PAWLA I CHA PA NAI 2:26

Hunai deaungkho y lengkhym takip y nai khumi ly Reita i leu patawm baly, mymy i lengkhym takip y nai ly lengkhym takip nai kamta dawn y ai a?

ROM AVANGCHI TENG Y PAWLA I CHA PA NAI 2:27

Naibaly amymy i tapen nai sai y lengkhym takip y nai my ly Reita patawm angym baly, nang, cha-iu leu hawi lengkhym takip nai reita awm iy py, Reita taphra nai keung ai ly ang cheh y ai a?

I KORINTH 12:2

Nangchi ly Cheng Takhrachi ne nai thym khala y ly ati mana mo iy py ang pahawi nai ngierei ly, huni raawi by y nai mynchi mang y ang pahawi naira y awm u bo, nanai ly nangchi pany.

I KORINTH 6:11

Naibaly nangchi phyreichi ly jangni y huna nai khumi ne chy bo; na i py nangchi ly Areng Isu Krista i amyn y hawi, achi i Tameuh i Phailo y py amju bo, nangchi ai ly pachai bo, nangchi ly eaung naira nga bo.

KALATIA 2:15

Achi ly Cheng Takhra khumi kamngochi kamta ny y i, achi ly Juda khumi y tapen angchi yb nai ne;

KALATIA 6:12

Angam mang i tlang y atiti khen nai ka-pu asa ai ngai nai ngiereichi my ly nangchi ai lengkhym takip hai akhikan reng nai ne; atiti takhra ny y leang, nichi ly Krista i kraws deaungkho y ana naira patang u y ai nai sa nai harei khyh.

EPHESI 2:2

hunira y ly nangchi ly jangni y hini khaileaung pri i reita kamta tako u nai ly, ali y aly peang nai areng, vai ym y nai chanauchi theung y sa dudu nai phailo i reita kamta.

EPHESI 5:8

ati mana nai mo nabaly nangchi ly jangni y kaveng ne, na i py vai ly Areng y ly kangvang lawn u bo:

Leu Thui Nai 15:15

Nangchi ly Aikupta pri miseaung i nai nangchi i Areng Tameuh my nangchi ai lawi tleaung pi nai pany u; huni molam y vai, kai ly hini reitachi nangchi teng y kang pei nai ne.

Leu Thui Nai 16:12

Nangchi ly hini leu pei naichi patawm ai nai pany u; nangchi ly Aikupta pri y miseaung achei vai nai tami u moh.

Leu Thui Nai 5:15

Nangchi ly Aikupta pri y miseaung y awm vai nai py, nangchi i Areng Tameuh ly nangchi ai mymy i sa thai naira hawi atleu nai py pany u jo ba. Huni molam y kai ly nangchi ai Anawn kani ja ai nai leu pei nai ne.

Leu Thui Nai 8:2

Nangchi i Areng Tameuh ly law veng nai saneng vui palyhrei sala, nangchi ai pahawi iy daichi ka-vym tako hai prei bo. Huni thym khala nangchi ly reita leu pei naichi patawm ai nai ngai mo, ngai y mo, nanai cham ai nai nangchi teng y ngari kamtang cheaungkhang tym hai nai ly pany u.

Leu Thui Nai 9:7

“Nangchi ly daichi ka-vym theung y awm nai thym khala, nangmychi i Areng Tameuh ai kado theu nai ly tami u moh. Nangchi ly Aikupta pri i nai theu nai kani dengdai, hini meingtym y tym nai kani khrairei mymy ai tiu u bo.

PHILIPI 3:3

Achi, Tameuh i Phailo i saho y Tameuh ai chiu nai hawi Krista Isu ai amlyh nai, achi i tlang y ym naira den py by y naichi ly lengkhym takip naichi tatang ne lawh veng.

KOLOSA 1:21

Naibaly nangchi ly jangni y atiti kamngo hawi y sa naira y Ampo hawi amprei nai awm u iy, nangchi i paleung y ly mymy i paleung ka-echi ne u veng;

KOLOSA 2:11

Nangchi ly Krista i lengkhym takip pi naira y ly ngan i tlang lei be nai, kiu y lengkhym takip nai ny y naimy, mymy y ly lengkhym takip u nai ne chy bo;

KOLOSA 2:13

Naibaly nangchi ly nangchi i taphra nairachi hawi nangchi i ngan y lengkhym takip y nai deaungkho y dei u nai ne, nangmychi kypkyp ai ly mymy hawi vanrei ang paheng nai ne chy bo;

KOLOSA 3:11

hunira y ly Krik hawi Juda hawi, lengkhym takip nai hawi, lengkhym takip y nai hawi, cheng takhra hawi, Skuthia khumi hawi, miseaung hawi, miseaung ny y naichi py awm thai y leang; Krista naini cheaungkhang ne lawh iy, cheaungkhang theung y awm teang nai ne.

1 SAMUELA 17:26

Davida ly sahawi i khumichi teng y, “Hini Philistin khumi ai padei nai keung hawi, Israela chengchi kangji nga ai naira i, atleu pi nai khumi ly ati nga ai mo? Hini Tameuh by y nai Philistin chengchi ly ati mana naichi ne iy, Tameuh kangheng i tavaimichi ai ka-jo hau lawh mo?,” nanai thui.

1 SAMUELA 17:36

Kai ly khrangsi hawi tavym ai kapadei nai khumi ne i, Tameuh kangheng ai ym nai tavaimi ai ka-jo hau nai khumi, Tameuh by y nai Philistin khumi ai kapadei pajau.