EPHESI 2:10 - Khumi Common Language Bible

¹⁰ Achi ly mymy i kiu i theu nai ne i, achi ai atiti kahawi sa ai nai vui Krista Isu y ly sa nai ne, huni atiti sa naira y achi i tako ai nai Tameuh my sa rym nai ne. nai

EPHESI 2:10 ပူးပေါင်းရင်းမြစ်များ

SAM 100:3

Areng ly Tameuh ne, nanai pany u. Mymy ly achi ai sa iy, achi ly mymy i ne. Achi ly mymy i khumichi ne; mymy kry nai beram kanghuchi ne.

SAM 119:3

Huni khumichi ly kamngo so u y naimy, Areng i reita lam y tako u reng nai ne.

SAM 138:8

Nang ly kai teng y adeu pi nai kamta sa pi ai; aw Areng, nang i tamen naira ly deungtasarei ne. Nang i sa amteaung nai kalop ai ly amcheang hai kyh ba.

SAM 51:10

Aw Tameuh, kai i paleung theung y chai pyn ai nai so pi kyh ba; khaw parai nai paleung ka-dawn kangtha palum pi kyh ba.

SAM 81:13

Kai i khumichi ai kai i leu tangai ai nai kangai hai; kai i leu pei naichi sa patawm ai nai kangai hai!

ISAIA 19:25

Ati cheaungkhang sa thai nai keung Areng my, huni prichi ai amtheaung naira pei iy, “Kai i khumi Aikupta chengchi awi, kaimy sa nai Asuria chengchi hawi, kaimy vawi takhra nai khumi Israela chengchi awi, nangchi ai kaimy amtheaung naira pei ai,” napi.

ISAIA 29:23

Nangchi ly kaimy kang pei ai nai cho chanauchi niu u ai. Huna nai khala y kai ly Israela chengchi i chai parai nai Tameuh ne, nanai nangchi pany u ai. Kai ai tahm pateng iy tahm khai naimy jei u ai.

ISAIA 43:21

Huni khumichi ly kaimy i vui, kai i sa nai khumichi ne; nichi my py kai ai palo u ai.

ISAIA 43:7

Nichi ly kaimy peang nai khumichi, kai i nang parai nai amthang hai ai nai, kaimy sa nai khumichi ne,” napi.

ISAIA 44:21

Areng my, “Israela chengchi awi, hini satangchi pany u jo ba; nangchi ly kai i miseaung ne, nanai pany u. Nangchi ai kai i miseaungchi lawm ai nai kaimy sa nai ne. Hunaibaly kai ly nangchi ai mana khala py tami vui ai ny y.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

MATTHAI 5:16

Nangchi i kangvang ly khumichi i mei ka-niu y angvang sy, hunaibaly nangchi i atiti kahawi sa naichi ly nichi niu ai i, nichi ly Ngampo kani pri mang y awm nai ai palo thai ai.

JOHAN 3:21

Na i py ami py kateng sa nai ngierei ly mymy i atiti sa naichi Tameuh i saho y sa nai ne, nanai amteng hai ai nai kangvang y theu ai,” napi.

AMTAW 9:31

Hunaibaly Judai pri y hawi, Kalili pri y hawi, Samari pri tengtang y py palau takhra kamkawm ly khaw ryh khaw ryh i awmnem bo; naibaly Areng ai tahm khai naimy Phailo Kachai i awmnem naira y awm iy peung ryh peung ryh bo.

AMTAW 9:36

Naibaly Joppa avang y amyn ly Tabitha napi nai abangnai leaungrei awm; (Tabitha nanai sai ly Dorka ne;) huni neampachy i atiti kahawi sa nai hawi, atiti sabawm nai py neangneang awm.

ROM AVANGCHI TENG Y PAWLA I CHA PA NAI 8:1

Hunaibaly vai ly Krista Isu y awm naichi i vui ly sum hai ai naira ha py by y leang bo.

ROM AVANGCHI TENG Y PAWLA I CHA PA NAI 8:29

Ati mana nai mo nabaly mymy i Chapo ly amjo amnau neangneangchi theung y chalu lawn thai ai nai Tameuh ly mymy i pany rym naichi ai ly mymy i Chapo kamta khyp awm teang ai nai ang khai rym nai ne;

I KORINTH 3:9

Kaini ly Tameuh hawi kalop sa ahawi nai ne; nangchi ly Tameuh i pachai nai hlau ne i, Tameuh i sa nai yhm py ne teang.

II KORINTH 5:17

Huni deaungkho y ami py Krista y awm baly mymy ly kangtha lawn bo; atiti kangngymchi ly tama vui bo; khen u cham, nichi ly kangtha lawn veng bo.

II KORINTH 5:5

Naibaly huni i vui kypkyp y kaichi ai ang sa pi rym nai keung ly Tameuh ne, mymy ly kaichi ai Phailo ang pei yb nai ne.

II KORINTH 9:8

Naibaly nangchi ly ati cheaungkhangra y hawi khyp naimy awm u jojo iy, kalop kahawi cheaungkhang i vui sa naira bawn u thai ai nai, Tameuh ly nangchi i tlang tleaung y pahenra cheaungkhang ang bawn hai pajau.

KALATIA 6:15

Kangtha sa vui nai ny y baly, lengkhym takip nai py, takip y nai py ati sai py ny y leang.

EPHESI 1:1

Pawla, Tameuh i kangai y Krista Isu i amtaw thau nai my ly: Khumi kachai Ephesi avang y awm nai Krista Isu y ka-ym awm naichi teng y ly:

EPHESI 1:4

hunai kamta achi ly tamen naira y chai nai hawi, cheh ai by y pa-rei my mymy i mo y awm thai ai nai, khaileaung palum y rai kha y achi ai Krista y ang vawi veng bo;

EPHESI 2:13

Na i py vai ly nangchi, jangni y palo parai naira y awm naichi ly Krista i thi y ang kasa hai bo.

EPHESI 2:15

ado y nai atiti sa naichi leu pei nai reita awm nai ly mymy i tlang y tamen hai iy, kamkawm nyhrei nai ai ly bomrei sa, naibaly nichi sala i patle nai ampang ly anawi hai bo.

EPHESI 2:2

hunira y ly nangchi ly jangni y hini khaileaung pri i reita kamta tako u nai ly, ali y aly peang nai areng, vai ym y nai chanauchi theung y sa dudu nai phailo i reita kamta.

EPHESI 2:6

naibaly mymy hawi vanrei ang pathau teang iy, Isu Krista y ly kani pri y mymy teng y ateh hai bo.

EPHESI 4:1

Hunaibaly kai, Areng y theaung tla nai khumi my ly nangchi ly apanem nai hawi leu anui naira bawibawi hawi, tamen naira akham leungtang nai tarawi y amnym naira hawi,

EPHESI 4:24

leu meitang hawi naira hawi chai naira y py Tameuh kamta ang sa nai ly amthyp u, nanai he.

Leu Thui Nai 32:6

Cheng naira by y iy khumi ka-khumchi awi, Areng ai hina nai kamta sa ai tla nai a? Mymy ly nangchi ai sa nai keung, nangchi i ampo, mymy ly nangchi ai khumi cheng harei ang lawn hai bo.

Leu Thui Nai 5:33

Nangchi peang ai nai pri y tlamsa naimy awm u jojo pajau ai nai, hini leu pei nai bawibawichi tanga iy so patawm u.

PHILIPI 1:6

Ati mana nai mo nabaly nangmychi i paleung theung y atiti kahawi sa amteaung hai nai keung ly Isu Krista i kani tym pa-rei sa angym hai jojo ai, nanai, kai ly huni kypkyp ly ym cheng cheng veng.

PHILIPI 2:13

Ati mana nai mo nabaly nangmychi ai mymy i kawn ai naira vui y ngai ai nai hawi sa ai nai, nangmychi ai sa hai nai keung ly Tameuh ne.

KOLOSA 1:10

nangchi ly atiti kahawi sa nai cheaungkhangra y athai iy, Tameuh ai pany naira y py chawn ryh chawn ryh iy, ati cheaungkhangra y mymy i paleung i kangai sa ai nai, Areng teng y abang ai ataing nai lawn u thai ai nai, chiu kang sa pi nai hawi kang hnei pi nai py anawn y leang.

KOLOSA 3:10

huni khumi kangtha ai ly pany angym naira nga hai ai nai, ni ai sa nai keung atawm khyp nai kangtha sa hai dudu nai ne;

II THESALONIKA 2:17

nangchi i paleung awm hai nem iy, atiti sa naira y hawi leu thui nai kahawi cheaungkhangra y py khaw hai sy.

I TIMOTHEI 2:10

Tameuh ai kadawn ryhryh, napi nai neampachy ly hawi khyp nai ryrei ly atiti kahawi sa naira amthyp i khyly kangai

I TIMOTHEI 5:10

atiti kahawi sa naira y khumichi my palo nai, chanauchi ai py pacho chum nai, angvyn angvo hawi hai chum nai, khumi kachaichi i kheu py paju chum nai, patang naichi ai sabawm iy atiti kahawi cheaungkhang sa chum nai awm baly amyn tabawi.

I TIMOTHEI 5:25

Hunai kamta teang, atiti kahawi sa nai ly amteng ryp nai ne, naibaly hunai kamta ny y nai py heu pajau ai ny y.

I TIMOTHEI 6:18

Nichi ly atiti kahawi sa iy, hawi naira my kawi sy; atiti paawh y iy sabawm ai nai ngai praw nai keung py awm u sy:

II TIMOTHEI 2:21

Hunai deaungkho y ami py huni atitichi ra y apachai baly, mymy ly tahm asang nai laawm, khai takhra nai, yhmkeung my teaung ai avo nai, atiti sa ai nai cheaungkhangra y angvei rym nai awm khyp ai.

II TIMOTHEI 3:17

patiu naira y hawi sum hai naira y hawi, parip naira y hawi, atiti kahawi patiu naira y ly chawn nai ne.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

TITA 2:7

Makeng mang asa naichi theung i ami my achi i tlang tleaung y leu hawi y nai thui ai by y nai deaungkho y kaji thai ai nai,

TITA 3:1

Pri peang naichi hawi, aly peang nai keungchi i kangai awm ai nai hawi, leu tangai ai nai hawi, atiti kahawi sa ai nai ngai nai paleung awm ai nai hawi,

TITA 3:14

Naibaly achi i khumichi ly athai y naimy awm y ai nai, avaw iy aeang nai ka-vo takhra takhra i vui y atiti kahawi sa jojo ai nai amtiu u sy.

TITA 3:8

Huni leu ka-ym awm nai ne. Naibaly Tameuh ai ym chum naichi ly atiti kahawi sa ai nai dawn u jojo thai ai nai, nang ly huni satang vam parai naimy thui pi ai nai kangai. Huni atitichi ly khumichi i vui y hawi py hawi, chawn py chawn:

HEBRAI 10:24

naibaly tamen naira y hawi atiti kahawi sa naira y py apachei ai nai dawn u leungtang sina;

HEBRAI 13:21

mymy i mei ka-niu y mymy i kawn nai ngierei Isu Krista i saho y achi ai sa hai iy, mymy i kangai sa ai nai atiti kahawi cheaungkhangra y nangchi ai angym hai sy; mymy teng y nang parai naira deungtasarei awm sy. Amen.

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.

I JOHAN 1:7

na i py mymy ly kangvang y awm nai kamta achi py kangvang y tako baly, achi ly vanrei amkawm leungtang nai ne, naibaly mymy i Chapo Isu i thi my achi i kamngo bawibawi ang pachai pi.

I JOHAN 2:6

“kai ly mymy teng y kaawm jojo,” napi nai khumi ly mymy i tako nai kamta khyp my tako teang ai nai tla.