EPHESI 1:7 - Khumi Common Language Bible

⁷ achi ly mymy y ly mymy i thi deaungkho y atleu naira nga, mymy i pahen nai nang parai nai sai kamta achi i taphra nairachi ang pahen nai bo.

EPHESI 1:7 ပူးပေါင်းရင်းမြစ်များ

JOBA 33:24

Huni kani pri amtawi thau naimy ly pahen i, “Ni ai patleaung pi! Ni ly tavau pri y satla ai nai ny y. Ni ai atleu ai nai vang ly hi y awm,” nanai thui ai.

SAM 130:4

Na i py nang ly kaichi i kamngochi palawi pi bo; hunaibaly kaichi ly nang teng y ahui kajeaung kaji nai ne.

SAM 130:7

Aw Israela, Areng i tamen naira ly khaw parai nai ne i, mymy ly atleu ai nai neng tleirei awm yb nai deaungkho y, mymy ai ym u.

SAM 86:5

Nang teng y ly kaichi i tlang tleaung y hawi naira hawi, kamngo palawi pi thai naira awm; nang teng y chiu sa nai khumi bawibawichi tlang tleaung y tym nai, khaw parai nai tamen naira ly kawi na bo.

THEU NAI 34:7

Kai ly sang neangneang nawi parai nai cheng kangpreangchi teng y, kai i adeu nai leu meitang khaw hai ai; kai ly sa tamang nai hawi kamngo molam nichi i kamngo pahen pi ai. Na i py amhm ampochi i kamngo ai ly katu chanauchi i tlang tleaung y deung thom deung palyh tym pa-rei kapajeng ai,” napi.

ISAIA 43:25

Na i py kai ly kaimy i tahm awm nai molam y, nangchi ai kamngo pahen pi nai keung Tameuh ne.

JEREMIA 31:34

Areng ai pany ai nai mary i khumichi tengtawi, pri i khumichi tengtawi apachei leungtang ai nai aly ngai y ai. Ati mana nai mo nabaly katheang keh i dengdairei kalen keh y khrairei, kai ai pany u ai; kai ly nichi i kamngo pahen pi ai. Nichi i sa tamang naichi py kaimy pany pi ali ai ny y. Hini ly kai, Areng i thui nai leu ne,” napi.

DANIELA 9:19

Aw Areng, tangai pi kyh ba. Aw Areng, kaichi i kamngo pahen pi kyh ba. Aw Areng, kaichi i hnei takeng nai tangai iy, kawn pi kyh ba. Aw kaichi i Areng, paniu moh ba. Huna khala y nang ly Tameuh ne nanai khumi luteng my pany u ai. Hini mary hawi hini khumichi ai nangmy peang nai ne,” nanai chiu sa bo.

DANIELA 9:9

Kaichi ly nang i leu tangai y teu i py, nang ly kaichi ai pahen iy kaichi i kamngochi pahen pi bo.

JONA 4:2

Hunai deaungkho y, “Aw Areng, kai ly kaimy i pri dengdairei amso y rai khala my, nang ly hina nai kamta sa ai, nanai kaimy kang thui pi yb nai ny y a? Hini molam y kai ly Spain mary mang y preang ai nai atho kasa nai ne! Nang ly tamen naira hawi pahen naira awm nai keung, neaung hawi naimy pahen jojo nai keung, kamngo pajeng ai nai avo khyp teu i py, pajeng y naimy law tleaung hai nai keung Tameuh ne, nanai kai pany.

MIKHA 7:18

Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.

ZEKHARIAH 13:1

Ati cheaungkhang sa thai nai Areng my, “Huni neng tym nai khala Davida i katu chanau kangpreangchi hawi, Jerusalem mary i khumichi teng y, mychi i kamngo hawi myn y chiu naira i nai chai hai ai nai, tui kho am-eaung ai.

ZEKHARIAH 13:7

Ati cheaungkhang sa thai nai Areng my, “Aw haisau, ang thau ly kai i kalop sa pi nai beram typ keung ai tiu ba; ni ai tleh ba. Naibaly beramchi ly ahei phro ai. Kai ly kaimy i khumichi ai tiu ai i,

ZEKHARIAH 9:11

Areng my, “Ati mana nai mo na baly kapathypra tawnbawichi i thi hawi pajawp typ nai ka-ma-ra nip iy, nangchi hawi asa nai leu maikawm saho y, kai ly nangchi i chengchi ai atleu ai. Tui by y nai angawm kathiu napi nai, pri pala naira i nai atleu ai.

MATTHAI 20:28

hunai kamta teang khumi i Chapo ly mymy ai sabawm ai nai hau nai ny y i, kalangchi ai sabawm ai nai hawi khumi neangneangchi ai atleu ai nai mymy i hengra pei lawh ai nai py ang jeu nai ne,” napi.

MATTHAI 26:28

“nangchi bawibawi nei u; hini ly kai i thi, kamngo pahen ai nai khumi neangneangchi i vui theu nai leu maikawm ne.

MATTHAI 6:12

Kaichi i tlang tleaung y hawi y sa naichi ai ly kaichi my pahen nai kamta, Kaichi i kamngo py pahen kyh ba.

MARKA 14:24

Naibaly mymy ly nichi teng y, “Hini ly kai i thi, khumi neangneangchi i vui theu nai leu maikawm ne.

LUKA 1:77

Ati mana nai mo nabaly nang ly mymy i lam cheaungkhang sa rym ai nai hawi, Achi i Tameuh i pahen nai paleung awm nai saho y Mychi i kamngo pahen ai nai,

LUKA 24:47

naibaly mymy i amyn y uikhei ai nai leu hawi, kamngo pahen ai nai leu py Jerusalem y pateaung iy, cheng cheaungkhangchi teng y thui pi ai nai tla, nanai tajiu nai awm.

JOHAN 20:23

ami i kamngochi py nangchi my pahen nai ngierei ly pahen nai bo; ami i kamngochi py nangchi my pahen y nai ngierei ly pahen y nai bo,” napi.

AMTAW 10:43

Ami py mymy ai ym nai ngierei ly mymy i amyn deaungkho y, kamngochi pahen naira ng ai, nanai hini satang ly amo bawibawichi my pany hai ly,” napi.

AMTAW 2:38

Naibaly Petera ly nichi teng y, “Uikhei u ly, nangchi i kamngo pahen ai nai Isu Krista i amyn y baptisma ngo u bawibawi, hunaibaly Phailo kachai pei nai ly nangchi py ngai ai.

AMTAW 20:28

Tameuh i palau takhra kamkawm, mymy i thi y van nai ai ly pacho ai nai amkym u, kanghuchi ai py typ u; Phailo Kachai my ly nichi tleaung y nangchi ai peang nai keung y ang khai nai bo.

AMTAW 3:19

Hunai deaungkho y nangchi i kamngochi ly tama hai thai ai nai uikhei u ly, ali u teang jau,

ROM AVANGCHI TENG Y PAWLA I CHA PA NAI 2:4

Ti y baly Tameuh i hawi naira my uikhei ai nai ang pahawi, nanai pany y naimy, mymy i hawi naira nawi nai sai hawi, amnym pajau nai sai hawi, kham pajau nai sai ai ly nang ly pate nai sai a?

ROM AVANGCHI TENG Y PAWLA I CHA PA NAI 3:24

na i py Krista Isu y atleu naira awm nai deaungkho y, mymy i pahenra my nichi ai eaung naira jawm my nga hai bo;

ROM AVANGCHI TENG Y PAWLA I CHA PA NAI 3:25

Tameuh i amnym pajau naira y jangni i kamngo nairachi ai ly dawn pi y nai awm nai deaungkho y, Tameuh my mymy i hawi naira patei ai nai Krista Isu ai ly mymy i thi deaungkho y kamngo ahui nai langseaung syn naira y amteng hai; huni ly ym nai deaungkho y nga nai ne;

ROM AVANGCHI TENG Y PAWLA I CHA PA NAI 9:23

kado theu naira laawm, tama ai ataing naichi i tlang tleaung y ly amnym tanga iy, mymy i kado theu nai hawi mymy i atiti sa thai naira amteng hai ai nai ngai teu iy py, mana sa ai mo?

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

II KORINTH 8:9

Nangchi ly achi i Areng Isu Krista i pahenra ly pany u bo, mymy kamawn nai deaungkho y nangchi ly nang thai ai nai, mymy nang iy py nangmychi kypkyp deaungkho y mymy i kamawn lawn nai ly pany u bo.

EPHESI 1:14

Huni ly Tameuh i nang parai nai sai palo ai nai, mymy i kypkyp ai atleu ai nai, achi i yhmtheaung amtym ai nai pany hai yb nai ne.

EPHESI 1:18

hunaibaly nangchi i paleung i mei angvang hai iy, mymy i palau nai athang khai naira hawi, khumi kachaichi y mymy i yhmtheaung amtym nai nang parai naira i nang nai sai hawi,

EPHESI 1:6

Huni pahenra ly Ngai Parai Nai y jawm my ang pei;

EPHESI 1:8

Huni pahenra ly mymy i cheng naira hawi ka-vo pany naira bawibawi y ang bawn nai tleaung y bawnra iy,

EPHESI 2:4

na i py Tameuh ly pahen naira neangneang awm i, mymy i tamen nai len parai nai i saho y achi ai ang tamen nai deaungkho y,

EPHESI 2:7

Hunaibaly mymy ly neng tym ai naira y ly Krista Isu y achi i tlang tleaung y neaung hawi nai deaungkho y, mymy i pahenra khri pa-rei nawi nai sai ly patei pajau ai.

EPHESI 3:16

Ampo, kani hawi khaileaung theung y awm nai cheaungkhangchi ai amyn pathi nai i mo y ly kai ly kheukhu di;

EPHESI 3:8

Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

PHILIPI 4:19

Naibaly kai i Tameuh ly Krista Isu y mymy i nang parai naira i nang nai sai kamta nangchi i avaw naira cheaungkhangra y py ang nga hai ai mang.

KOLOSA 1:14

achi ly mymy y ly atleu naira nga nai ne, huni ly achi i kamngochi pahen nai ne.

KOLOSA 1:27

Hunichi teng y Cheng Takhrachi theung y huni leu kathiu nang parai naira i nang nai sai ly Tameuh ly pany hai ai nai ngai nai ne: huni ly hini ne he, Krista, nangmychi y awm nai, nang parai naira nga ai nai athang khai naira ne;

KOLOSA 2:13

Naibaly nangchi ly nangchi i taphra nairachi hawi nangchi i ngan y lengkhym takip y nai deaungkho y dei u nai ne, nangmychi kypkyp ai ly mymy hawi vanrei ang paheng nai ne chy bo;

KOLOSA 2:2

hunaibaly nichi ly Tameuh i leu kathiu, Krista ai pany ai nai (mymy y ly cheng naira hawi pany naira yhmtheaung bawibawi heu nai ne),

I TIMOTHEI 2:6

mymy py khumi, Isu Krista ne, ni ly khumi bawibawichi i atleu naira lawn ai nai apei bo; huni ly neng khyp nai khala y pany hai nai awm bo;

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

TITA 3:6

Mymy ly achi ai Paheng Keung Isu Krista i saho y huni Phailo Kachai ai ly achi i tlang tleaung y khri pa-rei ang lei nai bo;

HEBRAI 9:22

Naibaly Reita y ly ati cheaungkhang thi y pachai ai nai tla lawn reng, nanai kathui pajau ngaw khyh, naibaly thi theu nai ny y baly pipi pahen naira by y leang bo.

I PETERA 2:24

achi ly kamngo lam mang y dei veng iy hawi naira lam mang y heng thai ai nai mymy kypkyp ly achi i kamngochi ai dengkeaung tleaung y mymy i tlang y ang pho pi bo; nangchi ai ly mymy i pakhau nai satlang y hawi ang sa pi bo.

I PETERA 3:18

Ati mana nai mo nabaly Krista ly achi ai Tameuh teng y ang pahawi thai ai nai kamngo nairachi deaungkho y tlenrei patang, khumi kahawi ly hawi y naichi i vui y; tlang mang y padei nai awm i, phailo mang y paheng nai bo;

I JOHAN 2:12

Bechi awi, mymy i amyn deaungkho y nangchi i kamngochi pahen chum nai y, nangchi teng y katajiu nai he.

I JOHAN 2:2

ni ly achi i kamngochi ahui nai langseaung syn naira ne; achi i harei khyh py ny y i, khaileaung pri bawibawichi i vui py ne teang.

I JOHAN 4:10

Hinira y ly tamen naira awm, achi ly Tameuh ai tamen nai ny y leang, mymy ly achi ai ang tamen iy, achi i kamngochi ahui nai langseaung syn naira lawn thai ai nai mymy i Chapo ai ang pato nai teu.

AMTENG HAI NAI 14:4

Hunichi ly angai nai deaungkho y amymy ai chai hai y naichi ny y; nichi ly kachym phyh ne. Hunichi ly Beram Cho i tako nai tleirei y ni teng y abang naichi ne. Nichi ai ly Tameuh i vui y hawi, Beram Cho i vui y py athai man naichi lawn ai nai khumichi theung i dengdairei atleu nai ne.

AMTENG HAI NAI 5:9

Naibaly nichi ly khulym kangtha thui iy, “Nang ly huni cha-iu aeang la ai nai hawi, huni i pajawp typ naira ka-ma-ra su ai nai py ataing: Ati mana nai mo nabaly nang tleh nai amteng i, cheng cheaungkhangchi hawi, leu cheaungkhangchi hawi, khumi cheaungkhangchi hawi, theaung cheaungkhangchi theung i nai Tameuh i vui y nang i thi hawi van bo;