EPHESI 1:20 - Khumi Common Language Bible

²⁰ Krista y sa nai mymy i atho ham naira sa nai sai kamta ly, mymy ai kadeichi theung i dengdairei pathau nai thym khala y,

EPHESI 1:20 ပူးပေါင်းရင်းမြစ်များ

SAM 110:1

Areng my, “Kai ly nang i paleung ka-echi ai nang i kheu khaira lawn hai ai; huna nai lawm y ryrei ly kai i lamtang mang y ateh,” nanai kai i Areng teng y leu pei bo.

DANIELA 7:14

Naibaly cheng leu cheaungkhang katheu nai khumi ngiereichi ly ni i kalop sa hai ai nai mymy ly ni teng y, peang ai naira hawi sa thai naira py, samrang i sa thai naira py, pei pi nai ne. Ni i sa thai naira haiho ly deungtasarei khaw jo ai i, ni i pri ly mana khala py phra ai ny y.

MATTHAI 26:64

Isu my ly ni teng y, “Nang ly thui khyp bo. Na i py kang thui pi, nangchi ly vai mo mang y Khumi i Chapo ly atiti py sa thai nai keung i lamtang mang y ateh nai, kani mang i khupanym tleaung y jeu nai niu u ai,” napi.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

MARKA 14:62

Naibaly Isu ly, “Ne: naibaly nangchi ly Khumi i Chapo atiti py sa thai nai keung i lamtang mang y ateh nai, kani mang i khupanym theung y jeu nai niu u ai,” napi.

MARKA 16:19

Hunaibaly Areng Isu ai ly nichi teng y leu thui pajau iy, kani pri mang y hawi kalau i, Tameuh i lamtang mang y ateh bo.

JOHAN 10:18

Ami py kai teng i nai lo pi y leang, kaimy ngaingai patlaw pi nai teu, Kai ly patlaw py patlaw pi thai, la py la bi thai. Hini leu pei nai ly Ngaai teng i nai kanga bo,” napi.

JOHAN 10:30

Kai hawi Ngaai hawi ly bomrei ne,” nanai pathang.

AMTAW 10:40

Tameuh my ni ai ly kani thomrei kani y pathau ali teang i, hawihai palai amteng hai:

AMTAW 26:8

“Tameuh my kadeichi ai pathau nanai ly ati mana nai ka-ym by y nai palawn lawh?

AMTAW 4:10

Nazaret Isu Krista ai nangchi my kraws tleaung y tahen nai ly, Tameuh my ni ai kadeichi theung i dengdairei pathau bi nai ly, mymy i amyn kypkyp y hini khumi ly hi y nangchi i mo y hawi naimy angdo nai bo he.

AMTAW 5:31

Israelachi ai kamngo uikhei hai ai nai hawi pahen ai nai py, mymy kypkyp ai ly Tameuh my Areng hawi Paheng Keung y awm ai nai vui mymy i lamtang mang y pasang bo.

ROM AVANGCHI TENG Y PAWLA I CHA PA NAI 1:4

naibaly chai naira phailo mang y ly Tameuh i Chapo ne, nanai ly kadeichi theung i nai angthau bi nai deaungkho y sa thai naira y khri pa-rei pany hai bo; huni ly Isu Krista achi i Areng ne;

ROM AVANGCHI TENG Y PAWLA I CHA PA NAI 8:34

pasum ai nai keung ly ami mo? Dei nai ly Krista ne; ne, mymy ai ly pathau teang veng bo; mymy ly Tameuh i lamtang mang y awm i, achi ai chiu ang sa pi nai keung ne teang.

EPHESI 1:3

Achi i Areng Isu Krista i Tameuh hawi Ampo ai ly palo nai awm sy. Ni my kani pri mang y ly Krista y phailo mang i amtheaung naira cheaungkhang y achi ai amtheaung hai bo;

PHILIPI 3:10

mymy i dei nai ka-tawm dei iy, mymy ai hawi mymy i angthau bi naira i atiti sa thai naira hawi, mymy i patang nairachi amtawm hai nai py kapany thai ai nai hawi,

KOLOSA 1:16

mymy i saho y ati cheaungkhang sa nai ne iy, kani mang y awm naichi hawi, khaileaung y awm naichi py, niu thai naichi hawi niu thai y naichi py, areng atehra py, peang naira py, areng naira py, aly peang naira py, ati cheaungkhang mymy i saho y sa nai ne i, mymy i vui y py sa nai ne teang.

KOLOSA 3:1

Hunaibaly nangchi ly Krista hawi vanrei pathau nai awm u chum bo nabaly, salo mang i, Tameuh i lamtang mang y ateh nai Krista i awm naira i atiti awm naichi ai hau u.

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

HEBRAI 10:12

na i py ni ly deungtasarei i kavui kamngo nairachi i vui y apathyp naira harei talam nai bo y, Tameuh i lamtang mang y ateh lawh veng;

HEBRAI 13:20

Naibaly aly nai Tameuh, beram typ nai keung nang parai nai achi i Areng Isu ai ly deungtasarei leu maikawm thi saho y kadeichi theung i dengdairei pathau bi nai keung ly,

HEBRAI 2:9

Na i py kani pri i amtaw thau naichi i tleaung y anui y panem nai Isu ai ly Tameuh i pahenra saho y khumi leaung leaungrei i vui y dei naira pateng hai ai nai, dei naira y patang nai deaungkho y nang parai naira hawi tahm khai naira amym hai nai achi my niu lawh veng.

I PETERA 1:3

Achi i Areng Isu Krista i Tameuh hawi Ampo ai ly palo nai awm sy. Mymy i khri pa-rei pahen nai reita kamta, kadeichi theung i dengdairei Isu Krista angthau bi nai deaungkho y athang khai naira kangheng hawi,

AMTENG HAI NAI 1:17

Naibaly mymy ai kaniu khala y mymy i kheu keung y dei nai kamta ka-tlym mawp. Naibaly ni ly mymy i lamtang mang i kiu y kai ai nam iy,