DANIELA 9:27 - Khumi Common Language Bible

²⁷ Huni samrang ly khumi neangneangchi hawi, saneng saryh ryrei khaw parai nai ka-dyh ka-dawi asa ai. Saneng thomrei bo y lo tariurei tym nai khala y ni ly kapathypra hawi katalamrachi anawn hai ai. Naibaly ka-jei awm nai amso ngai naira ai lyAchura yhm khumichi niu thai nai ka-sangra y banghau ai. Huni ly bang nai khumi i vui, Tameuh my sa yb nai phra nai neng tym pa-rei, Achura yhm y awm jo ai,” napi.

DANIELA 9:27 ပူးပေါင်းရင်းမြစ်များ

ISAIA 28:15

Nangchi ly dei areng hawi amsawi amnai asa chum bo, nanai py, tavau pri hawi ka-ly nga bo, nanai py, amlyh u reng. Nangchi ly li-tapawp nairachi ai a-ym naimy chymme naira hau nai deaungkho y, ka-jeira tym nai khala py tlang hengra nga ai, nanai ym u cheng nai ne.

ISAIA 28:22

Ati cheaungkhang sa thai nai keung Areng ly pri verei taphra pawn ai nai leu pacheang chum veng bo, nanai kathai. Nangchi ai kaimy kang pany hai nai ly panui hai u moh. Panui hai u lawh baly nangchi ly dei ai naira i, law tleaung ai nai khri pa-rei rai u ai.

ISAIA 42:6

“Kai, Areng ly nang ai palau iy, khaileaung pri y ka-dyh ka-dawi awm ai nai, sa thai naira pei bo. Nang deaungkho y kai ly khumi bawibawichi hawi leu maikawm asa iy, prichi salo y kangvang tym hai ai.

ISAIA 53:11

Ni ly no patangra i nai amo theu naira nga ali teang ai. Mymy i patang nai ly jawm ny y, nanai pany ai. Ni ly kai i miseaung kahawi ne iy, mymy i tlang tleaung y kawn parai. Khumi neangneangchi i kamngo mynji pho iy, huna nai sa nai molam y, huni khumichi i kamngo kaimy pahen ai.

ISAIA 55:3

“Kai i khumichi awi, kai i leu tangai iy, kai teng y jeu u. Hina nai kamta sa baly nangchi ly hengra nga u ai! Kai ly nangchi hawi deungtasarei leu maikawm asa iy, Davida teng y adeu nai amtheaung nairachi ly nangchi teng y kang pei ai.

JEREMIA 7:30

“Juda khumichi ly hawi y nai sa u bo. Nichi ly kai i niu ngai y nai mynchi hawi, kai i Achura yhm theung y chai hai y bo.

DANIELA 11:31

Ni i risa phyreichi ly Achura yhm y chai hai y ai. Nichi ly kani tleirei talam nai kapathyprachi anawn hai iy, ka-jei awm nai amso ngai nai ai, Achura yhm khumi ka-niu kamtawi y khai ai.

DANIELA 11:36

“Suria samrang ly mymy i paleung y ngai nai kamta sa ai. Mymy ly tameuhchi bawibawi tleaung y len keh nanai py, tahm asang parai nai Tameuh tleaung y len nanai py, amlyh nai leu katheu ai. Ni ly mymy ai Tameuh my kamngo pajeng nai neng tym nai ryrei, hina nai amlyh pajau ai. Ati mana nai mo na baly Tameuh ly mymy i dawn nai kamta, sa ai nai deaungkho y ne.

DANIELA 12:11

“Kani tleirei kapathyprachi anawn hai nai neng, ka-jei hawi parai nai amso ngai naira tym nai neng dengdairei, kani 1,290 rei dym vui ai.

DANIELA 7:25

Ni ly tahm asang parai nai Tameuh ai ka-awi leu katheu iy, mymy i khumichi ai ana ai. Ni ly Tameuh i khumichi i reita pawichi hawi reita leaungsaichi py, takhra hai vui ai nai atho sa ai. Tameuh i khumichi py, ni i sa thai naira anui y saneng thomrei bo y lo tariurei awm u ai.

DANIELA 8:13

Naibaly kani pri amtaw thau nai leaungrei my takhra leaungrei teng y, “Paleung mei y niu nai leaungsaichi ly mana tanrei kra ai mo? Kani tleirei apathyp ai nai i jeng y, ka-jei hawi nai kamngo sa lawh nai py, kani mang tavailuchi hawi Achura yhm ai chiu piupa nai py, mana tanrei kra ai mo?” nanai deng nai ai kai, thai nai ne.

HOSEA 3:4

Huna nai kamta Israela khumichi ly samrang by y, lu sa nai keung by y, apathyp nai by y, chiu ai nai lengseaung leng naichi by y, leung khen nai khala teaung nai mynchi by y naimy, neng kakra awm u ai.

MATTHAI 24:15

“Hunaibaly phain nai ngierei ly awm nai sai pany sy: amo Daniela i thui nai taphra nai keung amso ngai nai ly meingtym kachai y, angdo nai nangchi niu nai khala y ly,

MATTHAI 26:28

“nangchi bawibawi nei u; hini ly kai i thi, kamngo pahen ai nai khumi neangneangchi i vui theu nai leu maikawm ne.

MATTHAI 27:51

Naibaly khen cham, achura yhm kalen pui i kanih jang nai ly salo mang i dengdairei anui mang y khrairei asei thla veng bo; naibaly kaleih theu i lengseaung puichi py kawi bo;

MARKA 13:14

“Hunaibaly phain nai ngierei ly awm nai sai pany sy: taphra nai keung amso ngai nai ly mymy i vui y angdo tlo y nai meingtym y angdo nai nangchi niu nai khala y ly,

LUKA 21:20

“Na i py nangchi ly tavaimichi my Jerusalem avang y katanmeuh nai niu khala ly, huni ly tama ai bo, nanai pany u.

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.

ROM AVANGCHI TENG Y PAWLA I CHA PA NAI 11:26

Hunaibaly Israelachi bawibawi ly hengra nga ai: “Paheng Keung ly Zion i dengdairei theu iy, Jakob teng i dengdairei Tameuh ai dawn y naira ang tama hai ai.

ROM AVANGCHI TENG Y PAWLA I CHA PA NAI 5:15

Na i py huni atiti jawm pei nai ly kamngo naira hawi atawm y leang teang. Khumi leaungrei ly kamngo nai deaungkho y malawn py khumi neangneang dei baly, Tameuh i pahenra hawi, huni pahenra i pei nai khumi leaungrei Isu Krista py khumi neangneangchi i tlang tleaung y bawn nai awm khyp bo.

ROM AVANGCHI TENG Y PAWLA I CHA PA NAI 5:19

Khumi leaunrei i leu tangai y nai sai deaungkho y khumi neangneangchi ly kamngo lawn bo; hunai kamta khyp teang khumi leaungrei i leu tangai nai sai deaungkho y khumi neangneangchi ly khumi kahawi lawn bo.

HEBRAI 9:28

Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.