DANIELA 4:27 - Khumi Common Language Bible

²⁷ Hunaibaly samrang awi, kai i tau pei nai tangai ba. Kamngo so bi moh ly kahawi so ba. Khumi kamawnchi ai pahen ba. Huna nai sa baly nang ly yhmtheaung katui peung ai,” napi.

DANIELA 4:27 ပူးပေါင်းရင်းမြစ်များ

ATITI AWM ANGCHEI NAI 11:4

“Vai ly achi khaileaung pri verei y ahei y ai nai hawi amyn amthang jo ai nai, mary pui hawi kani angteu nanai pa-rei asang nai yhm pui so u sina,” nanai arum u bo.

1 ARENG KEH 21:29

“Kai i mei ka-niu y Ahab ly mana tanrei paleung apanem mo, nanai niu a? Ni ly nina tanrei apanem nai deaungkho y kai ly ni i deung y patang naira tym hai ai ny y. Ni i chapo deung, ni i yhm dengtheungchi i tlang tleaung y patang naira katym hai ai,” napi.

SAM 119:46

Kai ly nang i thui parip nai saichi ai, samrangchi i mo y pany hai ai; kai ly kangji kangai nga ai ny y.

LEU KACHENG 11:2

Amlyh am-e nai khumichi ly kra y naimy tahm anem u ai; paleung apanem nai khumichi ly cheng nai khumichi ne.

LEU KACHENG 16:6

Ka-ymra leu meitang ai tahm khai nai khumi ly kamngo pahenra nga ai. Areng ai jei kaji nai khumi ly hawi y nai ai en vui reng nai ne.

LEU KACHENG 28:13

Amy i kamngochi ai taphum ai nai atho sa nai khumi ly heng nai deung y mana khala py, chawn pa ai ny y. Ni ly huni kamngochi uikheih iy khai su khala naini, Tameuh teng i pahen naira nga ai.

ISAIA 10:13

Asuria empara samrang my, “Hini kalop ai kaimy sa nai ne. Kai ly atho awm; cheng naira awm iy pany thai nai ne. Pri khujyhchi taphra iy nichi i pateung achu nai cha nei vawnchi la pi veng bo. Huni prichira y awm nai khumichi ai, kai ly si my chiu nai kamta, kachiu piupa bo.

ISAIA 47:10

“Nang ly hawi y naichi sa iy, amymy ai ne bo, ami py niu y, nanai athang khai lawh. Nang i cheng naira hawi pany thai nairachi my, nang ai lam tamang hai bo. Nang ly nangmy ai, ‘Kai ly Tameuh ne, kai ka-tawm khumichi theung y by y,’ nanai thui bo.

ISAIA 47:8

“Nang saw ala ai ngai nai khumi awi, amymy ai chymme bo, nanai khumi awi, hini leu tangai ba. Kai ly Tameuh tanrei len nanai py kai ka-tawm khumi ly by y, nanai py nang thui bo. Nang ly mana khala py lumai lawm ai ny y, mana khala py cho chanauchi alai vai ai ny y nanai py, nang ly athang khai bo.

JEREMIA 29:7

Nangchi ai langheng y kang hawi nai marychi ai hawi naira so u. Huni marychi nang chawn baly nangmychi py nang chawn teang ai nai deaungkho y, huni marychi i vui kai teng y chiu so pi u.

JEREMIA 38:20

Kaimy, “Nang ly nichi i kiu y tym ai ny y. Nang teng y kaimy kang thui pi nai Areng i leu phai tangai iy, sa ai nai kang takeng nai teu. Hina nai kamta sa baly cheaungkhangra hawi ai i, nang ly hengra nga ai.

Ezekiela 18:7

Ni ly li-tapawp y, ami i yhmtheaung py lawm y. Ka-peaung vawnsai py paku teang. Kajeu alam naichi ai pacho iy ateaung by y nai khumichi ai ateaungchi pei pi.

Ezekiela 29:3

Sa thai naira angym nai Areng my ati mana leu pei mo, nanai Aikupta samrang Pharao teng y amti pi ai nai ly: tavo theung i atho len parai nai satam pui awi, kai ly nang i paleung ka-e ne. Naing tavo ai ly nangmy peang, huni tavo ai nangmy palum nai ne, nanai nang ly thui bo.

Ezekiela 29:9

Aikupta pri ly khumi angso savai tlang nai meingtym lawm ai. Huna nai khala kai ly Areng ne, nanai nichi pany u ai. “Naing tavo ly nangmy i peang nai, nangmy i palum nai ne, nanai thui nai deaungkho y,

JOELA 2:14

Nangchi i Areng Tameuh ly paleung amtlau tan amtlau lym ai i, nangchi ai amti amjang neangneangchi hawi amtheaung hai ai. Huna nai khala nangchi ly mymy teng y chohpui chomaw hawi, kreip hang katalamrachi talam u pajau ai.

AMOS 6:13

Nangchi my Lodebarmary ai peang vui nai molam y, amlyh ai nai ngai u lawh. Nangchi ly atyhtyh naimy amlyh ai nai ngai u lawh. “Kaimychi atho hawi Karnaimmary ai peang vui nai ne,” nanai py thui u.

JONA 3:9

Huna khala naini Tameuh ly paleung amtlau tan amtlau lym ai. Kado theu nai py rym tan rym lym ai. Achi py tlang hengra nga pajau ai!” napi.

HABAKKUK 1:11

Naibaly mymychi i sa thai naira ai tameuh palawn iy, chiu u nai huni khumichi ly ali kamta, ho parai naimy athawn u pawn bo,” napi.

ZEPHANIAH 2:15

Hini ly amymy ai sa thai naira awm bo, nanai py, chymme naira awm bo, nanai py, athang khai nai mary i avum ai nai khym taham ne. Huni mary i khumichi ly mymychi i mary ai, khaileaung pri y len keh, nanai athang khai u bo. Huni mary ly daichi tawnbawichi anawnra lawm iy, mana tanrei khumi angso savai tlang na ai mo? Huni sahawi mang tako nai khumi bawibawichi ly athengra iy, nithun mang y anaw u vui na ai.

MATTHAI 3:8

Hunaibaly uikhei nai amyn ataing ai nai athai u: ‘Abraham ly kaichi i amsi sangum na a,’

LUKA 11:41

Na i py theung y atiti awm nai ly khumi ngarichi teng y pei ai nai vui teaung u; hunaibaly khen cham, nangchi i vui ati cheaungkhang chai nai bo.

AMTAW 24:25

Naibaly Pawla my ly hawi sa nai leu hawi, amkym ai nai leu py, tara chih nai tym ai nai leu py ka-thui thui pi nai thym khala y ly Felika ly khri pa-rei jei i, “Vai ly leh teu rai, kaimy neng avo nai khala y kang palau ai mang,” napi.

AMTAW 26:20

Jerusalem y py, Judai pri meingtym tleirei y py, Cheng Takhrachi teng y py, uikhei iy Tameuh mang y hi nai uikhei nai amyn ataing ai nai atiti sa ai nai tla, nanai kathuipi nai teu.

AMTAW 8:22

Hunai deaungkho y nang i kamngo uikhei ly,. Areng teng y chiu so, hunaibaly nang i paleung y nang i dawn nai ly ang pahen pi lym ai mang.

II KORINTH 5:11

Hunaibaly Areng ai tahm khai naira pany iy, kaichi ly khumichi ai parawi nai ne, kaichi ly Tameuh teng y naini amteng ai nai awm; nangmychi i hawi nai hawi y nai pany naira y py kaichi ly amteng ai nai athang kakhai.

KALATIA 5:13

Amjo amnauchi awi, nangchi ai ly miseaung ny y ai nai ang palau u nai ne; na i py nangchi i miseaung ny y naira ly tlang i vui ka-vo teaung u reng moh ly, tamen naira y phai asabawm u leungtang.

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

KALATIA 5:6

Krista Isu y ly lengkhym takip nai py, takip y nai py ati sai py kamran by y leang; ym naira y ly tamen naira deaungkho y atiti sa nai naini kamran awm nai teu.

EPHESI 4:28

Paviu nai khumi ly paviu bi moh jau sy; huna nai ny y naimy avaw nai khumi teng y atiti pei ai nai awm thai ai nai, mymy i kiu y atiti kahawi akawm pa-rei so sy.

Leu Thui Nai 24:13

Ni ly huni baichu amchiu iy i nem pajau ai nai dym tleirei pei pi. Naibaly ni ly nang ai ang kawn ai, nangchi i Areng Tameuh my py kawn ai.

Leu Thui Nai 32:27

Na i py nichi i paleung ka-echi ly mymychi i haiho saho y kai i khumichi ai eaung nai ne, nanai amlyh am-e ai nai kapei ai ny y.’

Leu Thui Nai 8:17

Hunai deaungkho y nangchi i sa thai naira hawi yhmtheaung katuichi nang nai ne, nanai athang khai u moh.

I PETERA 4:8

atiti bawibawi tleaung y py hawihai palai atamen u leungtang: tamen naira my ly kamngo neangneang ai khiu lawh veng: