DANIELA 11:27 - Khumi Common Language Bible

²⁷ Naibaly samrang leaung nyhrei ly sabawi hareira ateh hawi iy, cha nei hawi ai. Na i py nini i ka-dawn ly hawi y nai deaungkho y, leaungrei my leaungrei ai atapawp pateang ai. Na i py neng tym y rai nai deaungkho y, nini i ngai nai saichi nga hawi ai ny y.

DANIELA 11:27 ပူးပေါင်းရင်းမြစ်များ

2 SAMUELA 13:26

Na i py Abasalom my, “Tuna lawh baly ati py ne sy, kai i amjo Amanon ai chei ai nai pei ba,” napi. Samrang my, “Ati deaungkho y ni ai chei hai ai mo?” napi.

SAM 12:2

Khumi bawibawichi ly leaung leaungrei ai atapawp u leungtang iy, apalo u naimy li-tapawp u bo.

SAM 52:1

Sathai naira haiho awm nai khumi awi, ati mana nai amy i hawi y nai amlyh lawh mo? Tameuh i ka-ym awm nai ly deungtasarei ne.

SAM 58:2

Nangchi ly huna nai kamta so y, nangmychi hawi y sa ai naini dawn u iy, pri theung y athorei my khrukhra nairachi sa u bo.

SAM 62:9

Khumichi ly taho kathiu, taho kalau nai ryrei khyh; khumichi i tahm asang nai anem nai, nanai py atyhtyh teu; nichi ai nehra y neh iy khen u cham; nichi ly kaji by y leang; taho kathiu taho kalau nai ali tleaung y py jang keh.

SAM 64:6

Nichi ly hawi y nairachi dawn tau u iy, “Khri pa-rei tau cheng nai kalop ai achi dawn nai ly amcheang bo,” nanai thui u nai ne. Khumi i paleung hawi dawn tau nai sai pany ai nai khri pa-rei rai na ly!

LEU KACHENG 12:20

Hawi y nairachi ai dawn pasym reng nai khumichi ly amymychi ai atapawp nai khumichi ne. Mipuichi i vui kahawi sa nai khumichi ly amo theu naira nga u reng.

LEU KACHENG 19:21

Khumichi ly ati cheaungkhang adawn pasym pajau; na i py Areng i kangai naini tym ai.

LEU KACHENG 26:23

Hawi y nai paleung ai tamym nai teng y nai leu ly alai laawm ai pajui nai chy-y an hawi atawm nai ne.

Ezekiela 17:9

Huna nai y sa thai naira awm nai kai Areng my deng i, “Hini kreip keung ly heng iy keung cheang pajau na a? Angchei i ahmtlau my huni keung ai akyn vui iy athaichi kaleng pawn nai hawi changpichi khei baly deirawm hai y ai a? Huni keung akyn vui ai nai atho kaawm khumi kanghu py aly ngai y leang.

DANIELA 10:1

Pasia empara samrang Kuru my peang nai pa-thom saneng y, Beltesazar amyn nga nai Daniela teng y amteng hai bo. Huni amteng hai naira y abawi nai leu ly teng i py, pany ai nai khri pa-rei rai parai. Daniela ly huni leu i awm nai sai ai, paleung mei hawi niu nai y pany thai nai ne.

DANIELA 11:28

Suria samrang ly Tameuh i khumichi ym nai reita taphra ai nai leu pacheang yb i, tavai keung y nga nai vawnsaichi la iy vawi u ai. Ni ly my i ngai nai kamta sa chum baly, my i pri y vawi teang ai.

DANIELA 11:29

“Naibaly neng kra kyh nai khala y ni ly Aikupta pri y kun bi iy tiu ai. Na i py hini tlenrei nai ly awm nai sai takhra vui ai.

DANIELA 11:35

Lu sa nai khumi kachengchi theung i phyrei khumichi ly tleh naira avum ai. Na i py huna nai tleh naira avum u nai molam y, khumichi i paleung ly chai ai. Hunichi ly Tameuh my khai pi nai neng tym pa-rei awm jo ai.

DANIELA 11:40

“Suria samrang my peang nai deung tlum nai neng kasa nai khala y, Aikupta samrang ly huni samrang ai tavai tiu ai. Suria samrang my py keaungngo atang nai risachi hawi, keaungngochi, sampho neangneang teaung iy, atho sa naimy tiu teang ai. Ni ly lem heung nanai tavo tiu kamta, pri neangneangchira kun iy peang vui ai.

DANIELA 8:17

Kabriela ly kai i sahawi y jeu iy angdo nai khala, kai ly khri pa-rei kaso theu nai deaungkho y, khaileaung y atlym vui bo. Kabriela my kai teng y, “Dei nai khumi amjy awi, amteng hai nai i awm nai sai ai pany ba. Huni amteng hai nai ly kani khaileaung tem ai nai patei pi nai ne,” napi.

DANIELA 8:19

ni my, “Tameuh i kado theu nai deaungkho y ati mana tym ai mo, nanai kang pany hai bo. Hini amteng hai nai ly tem ai nai neng patei pi nai ne.

HABAKKUK 2:3

Huni atitichi meitang khyp ang tym ai nai neng ly tym y leang rai. Na i py kaimy patei ai naichi tym angchi khyp ai nai neng ly ang tym kasa praw ryp ai. Huni neng ly tym patyh kyh ai nai athang khai. Na i py tym angchi khyp ai bo i, ajeng rym naimy awm ba, kra y leang mang.

AMTAW 1:7

Naibaly ni my ly nichi teng y, “Ngaai my neng hawi kani mymy ngaingai awm ai nai sa rym nai ly nangchi pany ai nai avo y leang.

AMTAW 17:31

mymy ly mymy i khumi khai rym nai ai ly khaileaung pri y hawihai palai tarahih hai ai nai kani thui yb nai deaungkho y; huna nai Tameuh my mymy ai ly kadeichi theung i dengdairei pathau iy, khumi bawibawichi teng y thai hai khyp bo,” napi.

I THESALONIKA 5:1

Na i py amjo amnauchi awi, neng hawi kani molam nanai ly nangchi ai sai py tajiu pi ai nai aly by y leang.