ATITI AWM ANGCHEI NAI 9:16 - Khumi Common Language Bible

¹⁶ Tamai salo y seaungjai amteng nai kaniu nai kha y, khaileaung salo y heng nai amjy cheaungkhangchi hawi, kai hawi sala deungtasarei Leu Maikawm asa nai ai ly kapany jo ai.

ATITI AWM ANGCHEI NAI 9:16 ပူးပေါင်းရင်းမြစ်များ

ATITI AWM ANGCHEI NAI 17:13

Neampacho ka-so ngierei ly lengkhym takip ai nai tla. Huna nai sa nai ly nang hawi kai sala y Leu Maikawm asa nai deungtasarei khaw jo ai nai, tlang tleaung y amny thai nai ka-ma-ra ne ai.

ATITI AWM ANGCHEI NAI 17:19

Na i py Tameuh my pathang nai ly “Ny y leang, nang i aju Sarah my chapo ang tapen pi ai i amyn Isaka pathi ai nai tla. Kai ly ni hawi py, ni i kangpreangchi hawi py asa nai Leu Maikawm ly deungtasarei khaw hai jojo ai. Huni ly deungtasarei i vui Leu Maikawm ne.

ATITI AWM ANGCHEI NAI 17:7

Hini ly deungtasarei leu maikawm ne i, nang hawi nang i kangpreang deung kangthauchi teng y py kaimy i leu adeu nai ly kakhaw hai jo ai. Kai ly nang i kangpreangchi i Tameuh hawi nang i Tameuh ne ai.

ATITI AWM ANGCHEI NAI 9:17

Huni ly kaimy heng nai amjy cheaungkhangchi hawi leu adeu nai ka-ma-ra ne,” napi.

2 SAMUELA 23:5

Hunai kamta teang, Tameuh ly kai i katu chanauchi ai amtheaung naira pei ai; ati mana nai mo nabaly mymy ly phra pajau y, athli vui thai y nai deungtasa Leu Maikawm ly kai hawi asa nai deaungkho y ne. Hunaibaly kai i kangai angym bo; hini ly kai i eaung naira ne; huna nai kamta tym hai ai nai Tameuh ly dawn pi khyp ai.

ISAIA 55:3

“Kai i khumichi awi, kai i leu tangai iy, kai teng y jeu u. Hina nai kamta sa baly nangchi ly hengra nga u ai! Kai ly nangchi hawi deungtasarei leu maikawm asa iy, Davida teng y adeu nai amtheaung nairachi ly nangchi teng y kang pei ai.

JEREMIA 32:40

Kai ly nichi hawi deungtasarei Leu Maikawm asa ai. Nichi ai amtheaung hai jojo ai. Nichi ly kai ai mana khala py khai su y ai nai, nichi i paleung theung y kai ai jei kaji naimy tahm khai nai paleung ka-dawn nga hai ai.

Ezekiela 34:26

“Kai ly nichi ai amtheaungra pei iy kai i mawi kachai tengtang y awm hai ai. Aly aeang nai neng tym nai khala, amtheaung nai kani nai hai ai.

Ezekiela 37:26

Kai ly nichi hawi deungtasarei aly ai nai Leu Maikawm asa ai. Nichi ai kapalum iy khumi peung hai ai i, kai i Achura yhm ly nichi pri y khaw hai jojo ai.

HEBRAI 13:20

Naibaly aly nai Tameuh, beram typ nai keung nang parai nai achi i Areng Isu ai ly deungtasarei leu maikawm thi saho y kadeichi theung i dengdairei pathau bi nai keung ly,