ATITI AWM ANGCHEI NAI 7:23 - Khumi Common Language Bible

²³ Areng ly tavochi hawi amso mawichi, khumichi, khaileaung y heng nai amjy cheaungkhang tamyh be bo. Nova hawi paleaung pui theung y vanrei awm naichi naini tleaung khyh nai ne.

ATITI AWM ANGCHEI NAI 7:23 ပူးပေါင်းရင်းမြစ်များ

ATITI AWM ANGCHEI NAI 6:17

Kaimy khaileaung i heng nai cheaungkhangchi tamyh ai nai khaileaung pri y tuibai tuitleng theu hai ai; naibaly khaileaung i heng nai cheaungkhang ly dei bebe ai.

ATITI AWM ANGCHEI NAI 8:18

Naibaly Nova ly aju hawi chapo lengngochi ai py paleaung pui theung i nai patheu bo.

JOBA 5:19

Mymy ly avaw avawrei, nang ai patang naira i nai atleu ai.

SAM 91:1

Areng teng y abyh ai nai ahihawi nai khumi py, ati cheaungkhang sa thai nai keung i ama hai nai anui y awm nai khumi py,

SAM 91:7

Nang i sahawi y khumi leaung sangrei, nang i tengpang y khumi leaung meaungkateaungrei dei teu i py, nang ly no patang ai ny y.

LEU KACHENG 11:4

Dei naira avum nai kani y yhmtheaung katui my ly nang ai aso hai y leang; na i py neaung hawi naira my ly nang i tlang ai atleu pajau.

MATTHAI 25:46

Naibaly hinichi ly deungtasarei pajeng naira y chei u vui ai: khumi kahawichi naini deungtasarei hengra y chei u vui ai,” napi.

HEBRAI 11:7

Ym naira deaungkho y Nova ly atiti amteng y rai naira y Tameuh my tau pei i, Tameuh ai tahm khai iy dengtheungchi ai paheng ai nai paleaung sa bo; huni deaungkho y mymy ly khaileaung pri ai pasum iy, ym naira i saho y nga nai hawi naira ai amtym nai keung lawn bo.

I PETERA 3:20

nichi ly jangni y Nova heng nai khala y paleaung sa nai sala ryrei ly Tameuh i kham pajau naira my ajeng nai thym y ly leu tangai u y naichi ne: huni paleaung y ly khumi maiden chy, leaung tajareichi ai ly tui i saho y lawi hai bo;

II PETERA 2:5

naibaly mymy ai tahm khai y naichi i awm nai khaileaung pri ai ly tuibai theu hai i, jangni i khaileaung pri ai ly khai y iy, hawi nai leu thui nai keung Nova ai hawi, khumi takhra leaung saryhreichi ai paheng baly:

II PETERA 2:9

tumbaly Areng ly Tameuh ai dawn ryhryh naichi ai ly parawi naira i dengdairei palawi ai nai hawi, tara chih ai nai kani i vui y hawi y sa naichi ai pajeng ai khai nai py pany chy bo;

II PETERA 3:6

hunira y ly hunai thym khala i khaileaung pri ai tui my um i phra bo: