ATITI AWM ANGCHEI NAI 6:8 - Khumi Common Language Bible

⁸ Na i py Nova ly Areng i paleung kangai hawi avum nai khumi ne.

ATITI AWM ANGCHEI NAI 6:8 ပူးပေါင်းရင်းမြစ်များ

ATITI AWM ANGCHEI NAI 19:19

Nang ly kai ai pahen nai deaungkho y kai ly tleaung bo; mawichi ly palo parai i, mawi salo y tym y rai khala my patang naira kai lawh na, nanai mawn parai.

SAM 145:20

Nang ly nangmy ai tamen nai khumi bawibawichi ai ama hai; khumi aso y nai bawibawichi ai ly tamyh pawn ai.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

LEU KACHENG 12:2

Areng ly khumi kahawichi ai khrei; na i py hawi y naira ai dawn tau nai khumichi ai ly pajeng nai ne.

LEU KACHENG 3:4

Nang ly huna nai sa baly, Tameuh i mo y hawi khumichi i mo y meimai nga ai.

LEU KACHENG 8:35

Kai ai hau iy niu nai khumi ly hengra py niu ai. Areng ly huni khumi ai khrei ai.

JEREMIA 31:2

Kai ly daichi ka-vym y deira i tleaung u nai khumichi ai kapahen pi bo. Israela khumichi ly anawn naira kadeaung u nai khala y,

Ezekiela 14:14

Huni pri y Nova, Daniela hawi Joba nichi leaung thomrei awm u lawh teu i py, nichi i hawi naira my nichi ai naini atleu iy takhra khumichi ai ly atleu pajau ai ny y,” napi. Hini ly sa thai naira awm nai Areng i thui nai leu ne.

MATTHAI 24:37

Naibaly Nova heng nai khala i kamta ly khumi i Chapo jeu nai ly awm teang ai.

LUKA 1:30

Naibaly kani pri i amtaw thau nai my ly mymy teng y, “Mari, jei moh: nang ai ly Tameuh my ang tamen mang.

LUKA 17:26

Nova heng nai khala y atiti awm nai kamta ly, Khumi i Chapo ang jeu bi nai kani y ly awm teang ai.

AMTAW 7:46

Daivida my ly Tameuh i mei ka-niu y kawn naira nga i, Jakob i Tameuh i vui y awm naira sa pi ai nai hnei

ROM AVANGCHI TENG Y PAWLA I CHA PA NAI 11:6

Hunaibaly pahenra deaungkho y ne baly, atiti sa naira deaungkho y ny y leang; huna nai ny y baly pahenra ly pahenra lawn y leang bo.

ROM AVANGCHI TENG Y PAWLA I CHA PA NAI 4:4

Naibaly kalop sa nai keung i vang ly pahenra y palawn nai ny y i, kalai y palawn nai teu.

I KORINTH 15:10

Na i py Tameuh i pahen nai saho y ataing nai kalawn bo; naibaly pahenra ang pei nai ly jawm sum nai by y; huna nai tleaung y ly kai ly nichi bawibawi tleaung y sa nai akawm keh; na i py kai i sa nai ny y leang, Tameuh i pahenra kai teng y awm nai i sa nai teu.

KALATIA 1:15

Na i py nei i taku theung i dengdairei kai ai ang takhra hai nai hawi, ni i pahen nai deaungkho y kai ai ang palau nai keung Tameuh my ly,

II TIMOTHEI 1:18

(huni kani y ly Areng teng y pahen naira nga ai nai Areng ly ni ai khai rym sy;) naibaly mymy ly Ephesi avang y khri pa-rei sabawm, nanai ly nang ly hawihai palai pany.

TITA 2:11

Ati mana nai mo nabaly khumi bawibawichi teng y paheng naira tym hai ai nai, Tameuh i pahenra ly amteng bo.

TITA 3:7

hunaibaly achi ly mymy i pahenra deaungkho y eaung naira nga iy, deungtasarei hengra nga ai nai athang khai nai kamta ly yhmtheaung amtym nai keung y lawn thai ai.

HEBRAI 4:16

Hunaibaly achi ly pahenra nga thai ai nai hawi, aly aeang nai neng khala y pahenra i sabawm naira nga thai ai nai py, pahen naira areng atehra mang y vam parai naimy kasa u sina.

I PETERA 3:20

nichi ly jangni y Nova heng nai khala y paleaung sa nai sala ryrei ly Tameuh i kham pajau naira my ajeng nai thym y ly leu tangai u y naichi ne: huni paleaung y ly khumi maiden chy, leaung tajareichi ai ly tui i saho y lawi hai bo;

II PETERA 2:5

naibaly mymy ai tahm khai y naichi i awm nai khaileaung pri ai ly tuibai theu hai i, jangni i khaileaung pri ai ly khai y iy, hawi nai leu thui nai keung Nova ai hawi, khumi takhra leaung saryhreichi ai paheng baly: