ATITI AWM ANGCHEI NAI 6:6 - Khumi Common Language Bible

⁶ mymy ly khaileaung pri y khumi ai sa nai hawi, khumi ai khai nai ly tamang bo, nanai paleung ka-dawn pipi hawi y i, mymy ly khri pa-rei paleung ama bo.

ATITI AWM ANGCHEI NAI 6:6 ပူးပေါင်းရင်းမြစ်များ

ATITI AWM ANGCHEI NAI 6:7

Naibaly mymy ly “Kaimy i sa nai hini khumichi ai khaileaung tleaung i nai katamyh vui ai; tavochi hawi amso mawichi ai py tamyh ai; nichi ai sa nai deaungkho y kai pipi paleung hawi y,” nanai thui bo.

2 SAMUELA 24:16

Areng i kani pri amtaw thau my Jerusalem mary ai taphra ai nai thym khala, Areng ly khumichi ai pajeng nai molam y paleung amtlau teang i, kani pri amtaw thau teng y, “Angym bo! anawn jau!” napi. Huni neng khala kani pri amtaw thau ly Jebusi cheng Araunah i choh ati nai meingtym sahawi y angdo nai ne.

1 NENG SATANG 21:15

Mymy ly Jerusalem mary y taphra ai nai kani pri amtaw thau leaungrei ai pato iy, paleung amtlau vui i, “Hini ryrei my hawi bo, anawn jau, taphra bi moh jau!,” nanai kani pri amtaw thai ai leu pei bo. Kani pri amtaw thau ly Jebusi cheng Araunah i choh ati nai talang sahawi y angdo nai ne.

SAM 106:45

Mymy ly nichi hawi ai nai molam y Leu Maikawm pany pi bo; ati mana nai mo nabaly mymy i tamen naira len parai nai deaungkho y, kado theu nai ly rym nai ne.

SAM 110:4

“Nang ly pathyp pi nai keung kalen keh Melkhizedeka kamta, deungtasa pathyp pi nai keung lawm ai,” nanai Areng my vaineng abeu iy adeu pi nai ne i, huni adeu nai ly phra ai ny y.

SAM 119:158

Kai ly leu atangai y nai khumichi ai niu nai khala y, khri pa-rei paso parai; ati mana nai mo nabaly nichi ly nang i leu pei naichi so patawm u y nai ne.

SAM 78:40

Nichi ly daichi ka-vymra y mymy ai avawrei tiu u; mymy ai avawrei paleung phra hai u lawh ly.

SAM 81:13

Kai i khumichi ai kai i leu tangai ai nai kangai hai; kai i leu pei naichi sa patawm ai nai kangai hai!

SAM 95:10

Kai ly saneng vui palyh khrairei, nichi i tlang tleaung y kado theu hai bo; ‘nichi ly khri pa-rei vaineng takan naichi ne u lawh! Kai i Reita leu pei naichi py tangai ai nai akhi naichi ne u lawh ly!’ nanai kathui bo.

THEU NAI 32:14

Naibaly Areng ly kado katheu rym i, mymy i khumichi ai pajeng y naimy lawi hai bo.

ISAIA 48:18

“Nangchi naini kai i leu pei naichi tangai u lawh teu i khyly, khri pa-rei hawi ai! Awmnem nai tavo tui kamta, nangchi i vui leaung ai! Eaung naira py tui peang y tui sampyh pachaw nai kamta, nangchi i vui tym ai nai ne.

ISAIA 63:10

nichi ly tiu iy mymy i phailo kachai ai paleung phra hai bo. Hunai deaungkho y Areng ly nichi ai paleung ka-e palawn i, tiu nai ne.

JEREMIA 18:7

Kai ly mana khala py hina nai khumi chengchi hawi hina nai prichi ai akyn vui, kataphra vui, katamyh vui ai, nanai thui lawh teu i py,

JEREMIA 26:19

Juda samrang Hezekia hawi khumichi ly Mikha ai padei u y. Huna nai padei ai nai tleaung y Hezekia ly Areng ai jei nai deaungkho y, mymy i kangai sa ai nai atho sa nai ne. Huna nai khala y Areng ly nichi i tlang tleaung y ka-jeira tym hai ai, nanai leu pei yb teu i py, mymy i paleung amtlau hai bo. Vai achi ly amychi i tlang tleaung y jei ai hawi parai nai ka-jeira tym ai nai sa u lawh ly” napi u bo.

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

HOSEA 11:8

“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

JOELA 2:13

Nangchi ly nangmychi i ateaungchi sei nai ny y naimy, paleung apanem nai hawimy, nangchi i paleung si nai amteng sy.” Nangmychi i Areng Tameuh teng y vawi u teang ba. Mymy ly tamen nai hawi pahen naira kawi angym nai ne. Mymy ly neaung hawi iy, mymy i adeu nai kamta sa reng. Mymy ly kamngo palawi pi ai nai angveirym yb nai deaungkho y, pajeng ai ny y.

JONA 3:10

Tameuh ly huni khumichi i sa nai saichi ai py, hawi y nai saichi khai su nai ai py, niu nai khala y paleung amtlau i, leu pei nai kamta nichi ai pajeng y nai ne.

MALAKHI 3:6

“Kai ly Areng ne nai deaungkho y takhra vai y; hunai deaungkho y Jakob i katu chanauchi lawm nai nangchi ly pipi sum y leang rai.

Kati Nai 23:19

Tameuh ly khumi kamta ka-chawi leu thui y leang; mymy ly khumi kamta paleung ali vui y leang. Mymy ly leu adeu nai kamta sa khyp; mymy i leu pei nai kamta py ne khyp.

ROM AVANGCHI TENG Y PAWLA I CHA PA NAI 11:29

Tameuh i jawm my pei nai sa thai naira hawi, palau nai molam y py paleung adawn ali ai nai by y leang.

EPHESI 4:30

Tameuh i Philo kachai ai ly paleung mawn hai u moh, mymy y ly nangchi ai atleu nai kani i vui ly ang pajawp hai typ bo.

Leu Thui Nai 32:29

Nichi ly ati mana nai y tavai sum u nai mo, nanai pany u y; ati mana nai deaungkho y mo, nanai py dawn pajau y.

Leu Thui Nai 32:36

Areng ly mymy i khumichi atho kheih nai, paha nai niu nai khala atleu ai. Mymy teng y ahihawi iy chiu nai chiu nai khumichi jeaungmang nai niu nai khala, nichi ai pahen ai.

Leu Thui Nai 5:29

Nichi ly hina nai kamta kai ai Jei kaji naimy tahm khai u iy, kai i leu pei nai bawibawichi tangai u ai na baly, nichi hawi nichi i kangpreangchi ly ati cheaungkhangra y hawi naira nga u ai.

HEBRAI 3:10

Hunaibaly kai ly huni kangpreangchi i tlang tleaung y paleung angai y, ‘Nichi i paleung y dawn nai tamang jojo, Kai i lam py pany u y,’ kanapi.

HEBRAI 3:17

Naibaly saneng vui palyhrei sala y paleung angai y nai ly amichi i tlang tleaung y mo? Kamngo sa nai keung daichi ka-vym y dei naichi i tlang tleaung y ny y lawh a?

JAKOB 1:17

Atiti pei nai kahawi hawi, atiti pei angym nai bawibawi ly salo mang i dengdairei, kangvangchi i Ampo teng i nai ang kathiu nai ne; mymy y ly takhra naira hawi ami nai pa-pui den py awm thai y.

1 SAMUELA 15:11

“Sawla ai samrang kapalyn nai ly tamang bo; ni ly kai ai hi vui iy, kai i leu tangai y lawh bo,” napi. Samuela ly kado theu bo. Ni ly Areng teng y vumtorei ahui pi iy,

1 SAMUELA 15:29

Israela chengchi i nang parai nai Tameuh ly ka-chawi thui y, paleung py amtlau vai y leang; mymy ly khumi kamta, mymy i paleung amtlau vui ai ny y,” napi.

1 SAMUELA 15:35

Samuela ly my deung y samrang ai niu ali bi y leang bo. Na i py mymy ly Sawla i vui y, khri pa-rei paleung mawn nai ne. Areng py, Sawla ai Israela samrang y palyn nai molam paleung hawi y nai ne.