ATITI AWM ANGCHEI NAI 6:3 - Khumi Common Language Bible

³ Naibaly Areng my, “Kai ly khumichi ai heng sau hai y leang bo; nichi ly dei nai amjychi ne. Vai i dengdairei saneng 120 rei heng hai ai khyh bo,” napi.

ATITI AWM ANGCHEI NAI 6:3 ပူးပေါင်းရင်းမြစ်များ

ATITI AWM ANGCHEI NAI 6:2

Kanicho phyreichi lyanglo hawi nai sai niu i, mychi ngai nai ngierei ai ly pom u bo.

NEHEMIA 9:30

Nang ly nichi i tlang tleaung y saneng tlei tleirei neaung kham naimy pany hai bo. Nang i pany hai nai keung amochi my thui parip u teu i py, nang i khumichi ly kano pang u nai ne. Huna nai y nang ly cheng takhra khumichi teng y nang i khumichi ai tiu ai nai pei bo.

SAM 78:39

Nichi ly khumicho teu; sahawi mang aho chum baly tama veng ryp nai ali kamta ne, nanai pany pi bo.

SAM 90:10

Kaichi ly saneng vui saryhrei naini heng khyh; tlang atho awm naichi ne u lawh baly, saneng vui tajarei heng pajau; na i py huna nai heng nai ly patang naira hawi, paleung bi nairachi avum bo; kra y nai sala y dei i, kaichi ly tama u ryp nai ne.

ISAIA 5:4

Huni akhobai palum naira y kai ly ati so pi y nai awm mo? Na i py kreip keungchi ly kai i athang khai nai kamta, ati mana nai kreip athai kahawichi jeng y, kreip athai kathochi athai lawh mo?

ISAIA 57:16

Kai ly kaimy i khumichi ai heng ai nai kapei. Nichi ai thui tamawn bi iy, kado theu hai jojo y leang bo.

ISAIA 63:10

nichi ly tiu iy mymy i phailo kachai ai paleung phra hai bo. Hunai deaungkho y Areng ly nichi ai paleung ka-e palawn i, tiu nai ne.

JEREMIA 11:11

Hunai deaungkho y nichi i tlang tleaung y kaimy tym hai ai nai ka-jeira i nai, nichi ly law tleaung u ai ny y, nanai kai Areng my pany hai bo. Kasabawmra nga ai nai nichi aeu u nai khala py, kaimy pathang pi ai ny y.

JEREMIA 11:7

Nichi i amsi pajochi ai Aikupta pri i dengdairei kapahawi nai thym khala my, kai ly nichi ai kai i leu tangai u ai nai, hawihai palai kathui pi kheng bo. Vaini khrairei kapany hai jojo nai ne.

Kati Nai 11:17

Huni meingtym y kai kang jeu ai i, nang hawi leu arum ai; kaimy nang ai kang pei nai haiho phyrei la iy nichi teng y kapei ai. Naibaly hini khumi mipuichi i vui sa pi ai nai kalopchi, nichi my nang ai ang sabawm pajau ai i, huni kalop ly nangmy leaungrei sa ai nai ny y leang bo.

JOHAN 3:6

Tlang y tapen nai ly tlang ne: Phailo y tapen nai ly phailo ne.

AMTAW 7:51

“Nangchi paleung katang hawi, paleung hawi kano takip y naichi awi, nangchi ly mana khala py Phailo Kachai ai paka jojo; nangchi i amsi sangumchi i sa nai kamta nangchi py sa u jojo.

I THESALONIKA 5:19

Phailo ai ly taphom u moh;