ATITI AWM ANGCHEI NAI 5:22 - Khumi Common Language Bible

²² Huni bo y mymy ly Tameuh hawi amkawm jojo i, saneng 300 rei heng nai bo y chapo chanau nga asai rai:

ATITI AWM ANGCHEI NAI 5:22 ပူးပေါင်းရင်းမြစ်များ

ATITI AWM ANGCHEI NAI 17:1

Abram ly saneng vui takaw hongan takawrei awm nai khala y, Areng my Abram teng y amteng i, “Kai ly ati cheaungkhang sa thai nai Tameuh ne. Kai i leu tangai iy kalop kateng so ba.

ATITI AWM ANGCHEI NAI 24:40

Mymy i pathang nai ly ‘Kaimy leu tangai pi jojo nai Areng my kani pri amtaw thau nai ai nang hawi vanrei pato iy, nang ai eaung naira ang pei ai; nang ly kai i chengchi napi nai kai i ampo amjo amnauchi theung y, kai i chapo i vui aju hau pi ai nai tla.

ATITI AWM ANGCHEI NAI 48:15

Naibaly mymy ly Josepha ai amtheaung hai bo: “Kai i amsi Abraham hawi kai i ampo Isaka nini i ym nai Tameuh my hini deaungdi ni ai amtheaung hai sy! Kani tleirei kai ai ang pahawi nai keung Tameuh my nini ai amtheaung hai sy!

ATITI AWM ANGCHEI NAI 5:21

Enoka ly saneng 65 rei khala y chapo Methusela ai sa.

ATITI AWM ANGCHEI NAI 5:23

Mymy ly saneng 365 rei awm.

ATITI AWM ANGCHEI NAI 5:24

Mymy ly Tameuh hawi amkawm jojo nai deaungkho y Tameuh my la vui i, mymy ai ly niu ali y leang bo.

ATITI AWM ANGCHEI NAI 6:9

Hini ly Nova i satang ne. Nova ly Sema, Hama, Japheth napi nai chapo leaung thomrei awm. Ni ly kamngo by y iy, huni deung i khumi bawibawichi theung y ni leaungrei naini khumi kahawi ne. Ni ly Tameuh hawi amkawm iy heng bo.

1 ARENG KEH 2:4

Nang ly Areng i kangai sa baly, mymy ly kai teng y ang pei nai leu ka-deu ly khaw hai ai. Mymy ly ‘nang i katu chanauchi ly kai i leu pei naichi ai, paleung hawi phailo verei, takhawi y pa-rei tangai iy dawn patyp nai ryrei ly kaimy nichi ai Israela pri peang ai nai pei ai,” nanai leu ang pei.

2 ARENG KEH 20:3

“Aw Areng, kai ly nang i kalop ai ka-ym awm naimy sa. Nangmy sa hai ai ngai nai kamta sa nai ai pany pi ba,” nanai chiu sa iy khri pa-rei vo bo.

SAM 116:9

Hunai deaungkho y kai ly heng nai khumichi theung y, Areng i mei ka-niu y heng ai nga nai ne.

SAM 128:1

Areng ai tahm khai iy mymy i leu pei naichi tangai naimy heng nai khumichi ly taham hawi.

SAM 16:8

Areng ly kai hawi vanrei awm, nanai kai avawrei pany; mymy ly kai i sahawi y awm nai deaungkho y, ati my py kai ai atlym hai pajau ai ny y.

SAM 26:11

Kai ly kahawi sa nai ne. kai ai pahen iy atleu kyh ba.

SAM 56:13

Ati mana nai mo nabaly nang ly kai ai deira i nai atleu iy, sum hai y nai deaungkho y ne. Hunai deaungkho y kai ly heng nai khumichi i kangvang theung y Tameuh i mo y tako ai.

SAM 86:11

Aw Areng, nang i kangai sa ai nai kai ai leu pei ba; kai ly ka-ym awm naimy tangai ai; nang i kalop ai takhawi y pa-rei sa thai ai nai, kai ai patiu pi kyh ba.

THEU NAI 16:4

Huna nai khala Areng my Mosi teng y, “Vai kai ly nangchi bawibawi i vui kani mang dengdairei tako pala pi ai. Nichi ly kani tleirei theu iy kanirei ka-cho pakym u ai nai tla; hunai kamta kai i leu pei naichi tangai mo, tangai y mo, kapany ai.

Solomon i khulym 1:4

Kai ai nang hawi vanrei hawi jo kyh ba, ani tako hawi kaliki sina; kai i samrang lawm ba, kai ai nang i yhm takun theung mang y pahawi ba. Ani ly amo theu naimy awm ahawi ai; kreip hang nei iy akhrei ahawi sina. Neampachy luteng my nang ai khrei nai ly lyh ai nai by y leang!

HOSEA 14:9

Tau cheng nai khumi hawi dawn pasym thai nai khumichi ly hini cha-iura tajiu nai ngiereichi ai dawn pany thai iy, paleung theung y pateung u me na sy. Areng my khai pi nai reitachi ly teng nai deaungkho y khumi kahawichi ly huni reita lamchi kamta tangai iy, heng u bo. Na i py kamngo sa nai khumichi ly huni reita lamchira y tako u y nai deaungkho y, athei thleaung iy atlym u nai ne.

Levi 26:12

Kai ly nangchi hawi vanrei awm ai; kai ly nangchi i Tameuh ne i, nangchi py kai i khumichi lawm ai.

AMOS 3:3

Khumi leaung nyhrei ly adeu yb y naimy, khuleaung vanrei chei hawi thai na a?

MIKHA 4:5

Khumi cheng bawibawichi ly mymychi i tameuhchi ai chiu u akyhkyh iy leu tangai u teu i py, achi ly achi i Areng Tameuh ai deungtasa khrairei chiu iy leu tangai ai.

MIKHA 6:8

Areng ly hawi naira patei pi. Mymy i aly ngai naichi thui pi bo. Mymy i aly ngai nai ly leu meitang adyh adawi naimy sa nai, tamen naira awm nai, paleung apanem naimy, nang i Tameuh hawi vanrei awm naichi ne.

MALAKHI 2:6

Nichi ly leu kateng thui u; teng y naichi thui u y. Nichi ly kai hawi adyh adawi pa-rei awm u iy, mychi kypkyp ly kateng sa u nai bo y; khumi takhrachi ai py hawi y naira so u y ai nai sabawm bo.

LUKA 1:6

Nini leaung nyhrei ly cheh ai nai by y pa-rei my Areng i leu pei nai hawi reita bawibawi patawm iy, Tameuh i mei ka-niu y awm nai sai hawi parai nai ne.

AMTAW 9:31

Hunaibaly Judai pri y hawi, Kalili pri y hawi, Samari pri tengtang y py palau takhra kamkawm ly khaw ryh khaw ryh i awmnem bo; naibaly Areng ai tahm khai naimy Phailo Kachai i awmnem naira y awm iy peung ryh peung ryh bo.

ROM AVANGCHI TENG Y PAWLA I CHA PA NAI 8:1

Hunaibaly vai ly Krista Isu y awm naichi i vui ly sum hai ai naira ha py by y leang bo.

I KORINTH 7:17

Ati py ne sy, Areng ly khumi leaung leaungrei teng y paji bawibawi nai kamta hawi, Tameuh my khumi leaung leaungrei ai palau bawibawi nai kamta awm sy. Hunai kamta palau takhra kamkawm bawibawi y leu kapei reng.

II KORINTH 6:16

Naibaly Tameuh i achura yhm ly mynchi hawi ati aly naira awm mo? Achi ly Tameuh kangheng i achura yhm ne; Tameuh my ly, “Mymychi teng y kaawm ai i, mymychi teng y kapavai ai; naibaly kai ly nichi i Tameuh ne ai i, nichi py kai i khumichi lawn ai,” napi nai kamta ly.

EPHESI 5:15

Hunaibaly nangchi ly khumi cheng y naichi kamta awm u y naimy, khumi kachengchi kamta awm u iy, nangchi i tako nai sai amkym u;

Leu Thui Nai 13:4

Areng teng y abang u ly mymy ai phai taham khai u; mymy i reitachi patawm u ly mymy i leu tangai u. Mymy ai chiu u ly mymy ai ka-ym awm u.

Leu Thui Nai 28:9

“Nangchi ly nangmychi i Areng Tameuh my leu pei naichi tangai iy reita ngiereichi sa patawm u baly, mymy i leu adeu hai nai kamta, nangchi ai mymy i khumi kypkyp lawm hai ai.

Leu Thui Nai 5:33

Nangchi peang ai nai pri y tlamsa naimy awm u jojo pajau ai nai, hini leu pei nai bawibawichi tanga iy so patawm u.

KOLOSA 1:10

nangchi ly atiti kahawi sa nai cheaungkhangra y athai iy, Tameuh ai pany naira y py chawn ryh chawn ryh iy, ati cheaungkhangra y mymy i paleung i kangai sa ai nai, Areng teng y abang ai ataing nai lawn u thai ai nai, chiu kang sa pi nai hawi kang hnei pi nai py anawn y leang.

KOLOSA 4:5

Ka-vo sa pi nai ly pasum u y iy, angam mang i khumichi teng y ly cheng parai naimy awm u.

I THESALONIKA 2:12

nangchi leaung leaungrei ai pachei py kang pachei, awm py kang awm hai nem, leu py hawihai palai kang pany hai, nanai nangchi ly pany u veng bo.

I THESALONIKA 4:1

Hunaibaly amjo amnauchi awi, kangkhym i naira y ly nangchi i awm ai avo nai sai hawi, Tameuh ai kawn hai ai avo nai sai ly kaichi teng i dengdairei nga u nai kamta ly (ne mang ly nangchi ly hunai kamta awm nai bo) awm ra awm ra ai nai, kaichi ly Areng Isu y takeng nai kang pachei nai ne.

I JOHAN 1:7

na i py mymy ly kangvang y awm nai kamta achi py kangvang y tako baly, achi ly vanrei amkawm leungtang nai ne, naibaly mymy i Chapo Isu i thi my achi i kamngo bawibawi ang pachai pi.