ATITI AWM ANGCHEI NAI 49:8 - Khumi Common Language Bible

⁸ “Juda nang ai ly ngamjo ngamnauchi my ang palo ai. Nang ly nang my i paleung ka-echi ai kaneaung y taau ai. Nang i ngamjo ngamnauchi my nang ai lu meung u ai.

ATITI AWM ANGCHEI NAI 49:8 ပူးပေါင်းရင်းမြစ်များ

ATITI AWM ANGCHEI NAI 27:29

Pri bawibawichi ly nang teng y lu meung iy miseaungchi lawm u sy. Cheng cheaungkhangchi ly nang i mo y lu meung u sy. Nang ly amjo amnauchi ai peang sy. Nang i amhm kangpreangchi ly nang ai lu meung u sy. Nang ai pasawi nai khumi ai ly amsawi lawi teang sy. Nang ai amtheaung hai nai khumichi ly amtheaungra ngo teang sy,” napi.

ATITI AWM ANGCHEI NAI 29:35

Mymy ly deaungdi aniu taleang bi i, neampacho tapen taleang bi: mymy ly hini tlenrei nai ly Areng ai kapalo ai,” napi. Hunai deaungkho y Juda, nanai amyn pathi nai ne. Naibaly mymy ly chanau tapen nai ly anawn bo.

ATITI AWM ANGCHEI NAI 42:6

Aikupta pri samrang i bangtang kalen Josepha ly pri tleirei i choh van ai nai tym nai khumichi teng y choh jo pi nai ne. Naibaly Josepha i amjochi py tym teang i mymy i mo y ambeu naimy chiu u bo.

ATITI AWM ANGCHEI NAI 46:12

Juda hawi ni i chapochi ly Era, Onan, Selah, Perez hawi Zerahchi ne. Huni theung i chapo Era hawi onan ly Kanan pri y dei vui bo. Pezer i chaponi ly Hezron hawi Hamula ni ne.

2 SAMUELA 22:41

Nang ly kai mo i paleung ka-echi ai angpreng hai pawn bo; kai ly kai ai niu ngai y nai khumichi ai tamyh pawn ai nai nganai ne.

2 SAMUELA 24:9

Nichi ly Israela pri y tavai thau pajau nai khumi leaung 800,000 rei hawi, Juda pri y leaung 500,000 rei awm, nanai samrang teng y amti pi bo.

2 SAMUELA 5:3

Naibaly Israela cheng lu sa nai keung bawibawichi ly samrang Davida awm nai Hebron mary y tym u. Davida ly Tameuh i mo y nichi hawi vaineng asa nai deaungkho y, nichi my Davida ai samrang y palyn nai asitui leih pi u. Naibaly Davida ly Israelachi i samrang y lawm bo.

1 NENG SATANG 28:4

Areng napi nai Israela chengchi i Tameuh ly kai hawi kai i kangpreangchi ai Israela pri y peang jojo ai nai vawi takhra bo. Mymy ly lu sa pi ai nai Juda theaungchi ai vawi takhra pi. Juda pri y awm nai kai i ampo yhm dengtheungchi ai vawi takhra bo. Huni yhm dengtheungchi theung i kai ai patheu iy, Israela pri verei y peang ai nai pei.

1 NENG SATANG 5:2

Juda cheng theaung ly atho awm keh nai lawm i, cheng theaung bawibawichi i vui samrang amthawn nai ne.)

2 NENG SATANG 14:8

Samrang Asa ly khupui hawi tivi syn nai Juda risa leaung 300,000 rei hawi Benjamin risa leaung 280,000 rei abawi nai tavaimi kamkawm awm. Hunichi bawibawi ly sorai paleung awm iy, hawihai palai acham yb naichi ne.

2 NENG SATANG 15:9

Areng ly Asa hawi vanrei awm, nanai niu nai deaungkho y, Ephraim, manase hawi Simeon khu ka-peang theung i khumi neangneangchi ly Asa mang y abawi u iy, ni i pri y ang pyn u nai ne. Asa ly hini khumi bawibawichi ai py, Benjamin hawi Juda khumichi ai py, angym u ai nai leu pei bo.

2 NENG SATANG 17:2

Ni ly Juda pri khaw parai nai marychi, Juda daichi avangchi hawi Ephraim khu ka-peang theung i Asa my peang vui nai marychira y, my i tavaimichi khai nai ne.

2 NENG SATANG 30:11

Na i py Asha, Manase hawi Zebulun theaungchi theung i phyrei khumichi ly Jerusalem mary y jeu u bo.

SAM 76:1

Juda pri y ly Tameuh ai pany u bo; Israela pri y mymy i amyn ly nang parai nai ne.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

Ezekiela 21:29

Nangchi i paleung mei y niu naichi ly niu angchi khyp nai ny y i, nangchi teng y thui pi yb naichi py ka-chawi cheichei teu. Nangchi ai pajeng angchi khyp ai nai neng kani ly kasa bo. Haisau ly khumi aso y nai i kaneaung y kala ai nai ang tym ai bo.

Kati Nai 10:14

khuleaung amsa nai tleirei y dawn pasym yb nai kamta amsa u nai ne. Juda theaung tavai tamkhawn nithun mang hui nai kamkawm ai Amminada i chapo Nashon my lu sa; nichi ly kamkawmchy ka-thui ka-thui mo amtheung iy tako u man nai ne.

Kati Nai 26:22

Hini nupaichi i neampacho vuikanai ly leaung 76,500 rei ne.

Leu Thui Nai 33:7

Juda theaung ai patyp iy thui nai ly: “Aw Areng, Juda theaung my hnei takeng nai raawi tangai pi kyh ba; takhra cheng theaungchi hawi amkawm ali teang sy ba. Aw Areng, nichi ai amo hai kyh ba; nichi i vui paleung ka-echi ai tiu ba”

HEBRAI 10:13

huni bo y mymy i paleung ka-echi ai ly my i kheu amchym naira lawn y ryrei ly ajeng veangveang.

HEBRAI 7:14

Achi i Areng ly Juda cheng theung i nai ne, nanai hawihai amteng veng; huni cheng molam y Mosi my pathyp pi nai keung i satang sai py thui y leang.

JOSUA 10:24

Josua teng y hawi u nai ne. Huna nai khala Josua ly Israela cheng bawibawichi hawi, mymy hawi vanrei tavai tiu nai luchi ai mymy teng y palau bo. Tavai luchi teng y, “Huni samrangchi i kaneaung y kheu hawi chiu u,” nanai leu pei nai kamta, nichi ly kheu hawi chiu u bo.

JOSUA 15:20

Juda theaung yhm dengtheungchi amtym nai khu ka-peang ly hinichi ne.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 5:5

naibaly miteaung kehchi theung y leaungrei ly kai teng y, “Vo moh! Khen cham, Juda cheng theung i theu nai Khrangsi Takai, Davida i Tangjyn ly huni cha-iu aeang i pajawp typ nai ka-ma-ra saryhrei su iy cha-iu aeang lam ai nai pajau bo,” napi.

TARA CHIH NAI KEUNGCHI 20:18

Israela chengchi ly Bethela mary y awm nai, chiu nai meingtym y chei iy, “Benjamin cheng theaungchi ai ami cheng theaungchi my tiu man ai mo?,” nanai Tameuh teng y deng u bo. Areng my, “Juda cheng theaungchi my tiu u man sy,” nanai pathang.