ATITI AWM ANGCHEI NAI 48:21 - Khumi Common Language Bible

²¹ Naibaly Jakob ly Josepha teng y, “Nang i niu nai kamta kai ly dei ai nai kasa bo; na i py Tameuh my nang hawi vanrei awm hai ai i, nang i amsi pajochi i pri y ang pahawi ali teang ai.

ATITI AWM ANGCHEI NAI 48:21 ပူးပေါင်းရင်းမြစ်များ

ATITI AWM ANGCHEI NAI 12:5

Abram ly aju Sarai ai py, amnau i chapo Lota ai py, nang nai yhmtheaung katuichi py, Haran y awm nai thym khala i nga nai miseaungchi py hawi iy, Kanan pri mang y tako u i tym u bo.

ATITI AWM ANGCHEI NAI 15:14

Na i py kaimy nichi ai pahyp y naimy ana nai, miseaung y khai nai keungchi ai pajeng ai i, nichi ly cheng takhrachi theung i nai yhmtheaung neangneang syn naimy theu u ai.

ATITI AWM ANGCHEI NAI 15:16

Nang ly kangpreang deung palyhrei nai bo y hini pri y tym teang ai; ati mana nai mo nabaly Amori chengchi ly khumi aso y nai molam y pajeng naira avum nai khala, nichi ai hini pri i nai kaimy patheu vui ai nai deaungkho y ne,” napi.

ATITI AWM ANGCHEI NAI 26:3

Vai hini pri y awm rai, kai ly nang hawi vanrei awm ai i, amtheaung hai ai. Kaimy nang hawi nang i kangpreangchi ai hini khu ka-peang bawibawi kang pei ai. Nang i ampo Abraham teng y kaimy adeu nai kamta sa pi ai.

ATITI AWM ANGCHEI NAI 28:15

Kai ly nang hawi vanrei awm iy nang i chei naira tleirei y kaimy kang kry ai; kaimy kang awm hai ai; nang ai hini pri y kang pahawi ali teang ai. Nang hawi adeu nai leu angym y ryrei ly nang ai kang khai su y leang mang, nanai leu kang pei nai ly nang pany jo ai nai tla,” napi.

ATITI AWM ANGCHEI NAI 37:1

Jakob ly ampo i awm nai meingtym Kanan pri y awm jojo.

ATITI AWM ANGCHEI NAI 46:4

Kai ly nang hawi vanrei Aikupta pri mang y chei ai. Kaimy kypkyp ly nang i kangpreangchi ai hini pri y kang hawi ali teang ai. Nang dei nai neng tym pa-rei Josepha my ang kry ai,” napi.

ATITI AWM ANGCHEI NAI 47:29

Naibaly Jakob ly dei ai nai kasa bo i chapo Josepha ai palau iy, “Nang i kiu kai i phai sala y thawi ly Aikupta pri y kai ai up y ai nai nang i pahen naira hawi, ka-ym awm nai sai patei ai nai vaineng abeu.

ATITI AWM ANGCHEI NAI 50:24

Josepha ly amjo amnauchi teng y, “Kai ly dei ai bo; kai by y i py Tameuh my nangchi ai ang kry takengkei ai. Nangchi ai hini pri i dengdairei ang patheu iy, Abraham, Isaka, Jakobchi teng y pei ai adeu nai pri mang y ang pahawi ai,” napi.

ATITI AWM ANGCHEI NAI 50:6

Josepha my leu taviu nai kamta miteaung kehchi ly samrang teng y thui pi nai khala, samrang my, “Nang i ngampo teng y leu adeu nai kamta chei ly ngampo ai up ba,” napi.

SAM 18:46

Areng ly heng nai ne! Kai ai ama hai nai keung ai ly palo u! Kai ai atleu nai Tameuh ly nang parai nai ne, nanai palo nai aeu u.

LUKA 2:29

“Aw Areng, vai nangmy i leu kamta Nang i miseaung ai ly paleung awmnem naimy chei hai ai;,

AMTAW 13:36

Davida ly Tameuh my thui pi nai kamta mymy heng ahawi naichi ai kry pajau nai bo y i ngym iy, mymy i kangpreangchi teng y up i, veaung veng bo he;

Leu Thui Nai 30:3

nangchi i Areng Tameuh ly nangchi ai ang pahen ai. Huni bo y mymy ly pri tleirei y ahei nai nangchi ai ang pahawi ali teang ai, naibaly mymy ly nangchi ai amtheaung hai ali teang ai.

Leu Thui Nai 31:8

Areng mymy kypkyp my nang ai pahawi ai i, nang hawi vanrei awm ai. Mymy ly nang ai sabawm takengkei ai, nang ai khai su y leang. Hunai deaungkho y athosi moh, jei py jei moh,” napi.

II TIMOTHEI 4:6

Kai ai ly vai py talam dudu nai bo, kai theu nai neng tym bo.

HEBRAI 7:3

ni ly ampo py by y, amhm py by y, amsi sangumchi i satang py by y, awm angchei nai kani py by y, hengra tem nai py by y, Tameuh i Chapo kamta sa nai ne lawh veng; mymy ly temma pany y nai pathyp pi nai keung ne.

HEBRAI 7:8

Naibaly hinira y ly khumi dei thai naichi ly horei y harei nga u lawh reng; na i py hunira y ly heng jojo, nanai mymy i satang pany hai nai ly nga nai ne.

JOSUA 1:5

Josua awi, nang heng nai ryrei ly ami py nang ai tiu pajau ai ny y. Kai ly Mosi hawi vanrei awm nai kamta, nang hawi py vanrei awm ai, nang ai mana khala py kangkhai su ai ny y. Nang hawi vanrei kang awm jojo ai.

JOSUA 1:9

Hunai deaungkho y kai i leu pei nai kamta vam parai naimy awm ba. Jei nai awm moh. Paleung phra moh. Nang i Areng Tameuh ly nang i chei naira tleirei y nang hawi vanrei awm nai ne,” nanai leu pei bo.

JOSUA 23:14

Kai ly dei ai nai neng kasa bo. Nangchi i Areng ly mymy i adeu nai kamta, nangchi i vui amtheaung naira ngierei ang pei pi bo, nanai nangchi i paleung theung y pany u ai. Mymy ly ka-deu awm nai ngierei, ang sa pi khyp veng bo. Adeu nai kamta so pi khyp y nai harei py by y.

JOSUA 3:7

Areng ly Josua teng y, “Israela chengchi i mo y vaini dengdairei, nang ai kaimy tahm kang pasang ai. Kai ly Mosi hawi vanrei awm nai kamta, nang hawi py vanrei awm, nanai nichi pany u ai.

II PETERA 1:14

ati mana nai mo nabaly achi i Areng Isu Krista my kai ai ang pany hai nai kamta ly kai i taichy khai vui ai nai neng ly tym praw ai, nanai kapany bo.