ATITI AWM ANGCHEI NAI 47:9 - Khumi Common Language Bible

⁹ Jakob my, “Kai amki ryry iy kaheng nai ly saneng chungvai atlo phairei awm bo; na i py amsi pajochi i saneng ai pho y leang rai. Kai i heng nai sanengchi ly di i, kapatang parai nai ne,” napi.

ATITI AWM ANGCHEI NAI 47:9 ပူးပေါင်းရင်းမြစ်များ

ATITI AWM ANGCHEI NAI 11:11

Huni bo y mymy ly saneng 500 rei heng i cho chanauchi nga asai rai.

ATITI AWM ANGCHEI NAI 35:28

Isaka ly saneng chungvai atlo vui tajarei awm bo.

ATITI AWM ANGCHEI NAI 47:28

Jakob ly Aikupta pri y saneng holai saryhrei awm i, mymy i saneng ly chungvai atlo vui palyh pa-ngo saryhrei awm bo.

ATITI AWM ANGCHEI NAI 47:8

Samrang my Jakob teng y, “Nang ly saneng majirei awm bo mo?” napi.

ATITI AWM ANGCHEI NAI 5:27

Methusela ly saneng 969 rei khala dei.

ATITI AWM ANGCHEI NAI 50:26

Naibaly Josepha ly saneng chungvai atlo horei awm baly, Aikupta pri y dei bo. Nichi my veaung y pa-rei asi sa iy, kheaung theung y khai me bo.

1 NENG SATANG 29:15

Aw Areng, kaichi ly amsi pajochi kamta, pri pala naira avum naichi hawi apany vai y naichi kamta, hini deung y kaheng u nai bo, nanai nang ly pany. Kaichi i neng kanichi ly pa-pui kamta ne i, kaichi ly dei naira ai en vui thai y.

JOBA 14:1

Khumichi ly tapen khyp khala i dengdairei atho di u i, jeaungmang u nai ne. Nichi ly deung dawi iy, patangra y awm u joja nai ne.

SAM 119:19

Kai ly hini khaileaung pri y tanarei chy awm khyh nai ne; nang i reita leu pei naichi ai, kai teng i nai heu pi veng moh kyh ba.

SAM 119:54

Kai ly hini khaileaung pri y kani tanarei chy heng nai thym khala, nang i reita leaungsaichi ai khulym adi iy thui nai ne.

SAM 39:12

Aw Areng, kai i chiu sa nai tangai pi kyh ba. Kai i hnei takeng nai tangai pi kyh ba; kai vo nai khala sabawm ai nai jeu kyh ba. Amsi pajochi kamta kai ly nang i angvyn lawm i, tanareichy awm khyh nai ne.

SAM 39:13

Kai dei iy tamo veng y rai khala, amo theu naira maidenreichy nga ai nai, kai teng i dengdairei meimai hi pi veng ba.

SAM 39:5

Nang ly kai ai khri pa-rei deung dawi hai lawh ly! Nang i mo y kai i heng nai sai ly ati sai py ny y nai kamta ne. Meitang khyp, heng nai amjy khumi angso nanai ly taho kathiu, kaho kalau nai ryrei khyh.

THEU NAI 6:4

Nichi angvyn kamta awm nai Kanan pri kapei pi ai nanai, kai ly nichi hawi leu maikawm asa yb bo.

THEU NAI 7:7

Samrang teng y thui pi nai neng khala Mosi ly saneng vui tajarei, Aron ly saneng vuitaja takaw thomrei awm nai ne.

II KORINTH 5:6

Hunaibaly tlang awm nai sala ryrei ly kaichi ly Areng teng y awm y leang, nanai pany iy py, kaichi ly mana khala y py khri pa-rei paleung sorai nai awm lawh;

Leu Thui Nai 34:7

Mosi ly saneng chungvai atlo apomrei khala dei nai ne. Mosi ly dei nai neng khala mei py angvang i, kho py bai y rai.

HEBRAI 13:14

Achi ly hi y avang meingtym kakhaw by y i, vai avang awm ai nai hau nai ne.

JAKOB 4:14

Nangchi i heng naira ly ati mo? Kra y nai sala y amteng iy tama ali ryp veng nai tamai kamta atawm.

JOSUA 24:29

Hunaibaly Areng i miseaung, Nun i chapo Josua ly saneng chungvai atlo horei awm i dei bo.

I PETERA 2:11

Ngai parai naichi awi, nangchi ly khuleaung chei naichi hawi angvynchi ne nai deaungkho y, phailo ai tiu reng nai tlang i ngai phi teng y nairachi ai ly anawn veng ai nai kang takeng;