ATITI AWM ANGCHEI NAI 47:18 - Khumi Common Language Bible

¹⁸ Vai sanengrei bi baly nichi ly Josepha teng y chei iy, “Areng awi, kaichi ly tangka py kheih be bo, tawnbawichi py nang teng y tym be veng bo, nanai ly nang pany nai teu bo. Kaimychi i tlang ka-keu hawi, li hlauchi ny y baly nang ai kang pei ai nai ati sai py by y leang bo.

ATITI AWM ANGCHEI NAI 47:18 ပူးပေါင်းရင်းမြစ်များ

ATITI AWM ANGCHEI NAI 47:17

Naibaly nichi ly Josepha teng y syn u i, Josepha ly nichi i keaungngochi, sichi, mi-ichi, beramchi, keaungngo kano kasauchi ai chohchi hawi katheung pi bo. Huni saneng y mipuichi ly mychi i tawnbawichi hawi choh katheung u nai ne.

ATITI AWM ANGCHEI NAI 47:19

Kaichi ai dei hai mo kaau ly kaichi i vui sai sairei so pi kyh! Kaichi i li hlau phra hai moh kyh. Kaichi ai biu choh pei nai deaungkho y, kaimychi hawi kaimychi i li hlauchi van pi kyh. Kaichi ly samrang Pharao teng y miseaung achei ai khyh bo. Li hlauchi py samrang teng y au ai. Kaichi dei y ai nai py, li hlauchi kasa u ai nai py choh bai palo pei kyh,” nanai takeng u.

2 ARENG KEH 6:26

Israela samrang ly mary apai salo y aleaung nai thym khala, neampachy leaungrei my, “Samrang awi!, kai ai sabawm kyh ba,” nanai aeu.

JEREMIA 38:9

“Samrang awi, hini khumichi i sa naichi ly tamang bo. Nichi ly Jeremia ai tuikan theung y pala u veng bo. Ni ly kajeu kanglam y dei angchi ai. Mary theung y py teicha teinei by y bo,” napi.