ATITI AWM ANGCHEI NAI 47:12 - Khumi Common Language Bible

¹² Josepha my ampo i vui py, amjochi i vui py, ampo i yhm dengtheungchi i vui py cha nei vawnchi sabawm pi nai ne.

ATITI AWM ANGCHEI NAI 47:12 ပူးပေါင်းရင်းမြစ်များ

ATITI AWM ANGCHEI NAI 45:10

Ngaai hawi vanrei cho chanauchi, katuchi, beramchi, mi-ichi, sichi hawi ngaai i yhmtheaung katui bawibawichi syn iy, kai hawi kasa nai Kosen meingtym y awmra nga u ai.

ATITI AWM ANGCHEI NAI 45:11

Nangchi Kosen meingtym y awm u baly kaimy kang kry ai. Takang theu ai nai mo mang saneng pangrei awm rai; nangchi hawi nangchi i yhm dengtheungchi, beram, mi-i, sichi ai ka-lam khai ai nai kangai hai y leang,” napi.

ATITI AWM ANGCHEI NAI 45:7

Tameuh my nangchi hawi nangchi i kangpreangchi heng thai ai nai mymy i lyh ai hawi parai nai hawimy, nangchi ai atleu ai nai kai ai ang pato man nai bo.

ATITI AWM ANGCHEI NAI 47:1

Hunaibaly Josepha ly amjo leaung pangreichi ai hawi iy samrang teng y chei u nai ne. Josepha my samrang teng y, “Kai i ampo hawi kai i amjochi ly Kanan pri dengdairei mymychi i tawnbawi kanghuchi hawi mychi i yhmtheaung katuichi syn naimy ang jeu u i, vai nichi ly Kosen meingtym y tym u bo,” napi.

ATITI AWM ANGCHEI NAI 47:21

Josepha ly Aikupta pri verei i khumi bawibawichi ai py miseaung y lawm hai bo.

ATITI AWM ANGCHEI NAI 47:24

Choh tyn nai neng y samrang i vui phy pangrei y phyrei pei u. Huni bo i nai ly choh ti hawi nangmychi i yhm dengtheungchi cha ai nai khai u,” napi.

ATITI AWM ANGCHEI NAI 50:21

Nangchi ati sai py jei ai nai by y leang. Kaimy nangchi hawi nangchi i cho chanauchi ai kang kry pi ai mang,” napi. Huna nai kamta Josepha ly amjo amnauchi ai paleung khaw hai nai leu thui pi iy paleung pahawi nai ne.

THEU NAI 20:12

“Nang i Areng Tameuh my pei nai pri y heng sau ai nai, nang i amhm, ampo ai tahm khai.

ISAIA 22:24

“Na i py amjo amnauchi hawi, ni teng y abyh anghawi naichi ly ni i vui y myn kaji lawm ai. Khangmuira y bang nai laawm sorachi kamta, nichi ly ni teng y anghawi u ai.

I THESALONIKA 2:7

Amhm ly mymy i chanauchi ai ko nai kamta ly kaichi py nangchi theung y neaung hawi parai naimy kang awm u lawh nai ly;

I TIMOTHEI 4:8

Naibaly Tameuh ai dawn ryhryh ai nai apatiu reng: tlang mang y atho nga ai nai amjy teaung nai ly chawn mang ly chawn: na i py Tameuh ai dawn ryhryh nai ly vai i awm angchi nai hengra hawi, vai tym ai nai hengra molam y atiti adeu naira nga nai deaungkho y lam cheaungkhangra y chawn nai ne.

I TIMOTHEI 5:4

Na i py neampachy lumai ami py katu chanauchi awm i khyly, nichi i dengtheung y Tameuh ai dawn ryhryh naira y awm nai hawi, mymychi ai tapen nai keungchi i tlang tleaung y kahawi sa ta-vawi ai naira amtiu u sy; huni ly Tameuh i mei ka-niu y kawn ai ataing nai ne.

I TIMOTHEI 5:8

Na i py ami py khumichi i vui dawn rym y nai, amy i yhm angtheung i khumichi i vui malawn py dawn rym y baly, mymy ly ym naira ai ly apha vui i, ym y nai khumi tleaung y kamngo keh nai ne.

RUTHI 4:15

Nang i lengngo ly nang ai tamen nai deaungkho y, chapo leaung saryhreichi tleaung y malawn py, nang ai ang kry nai neampachy ne. Vaini ly lengngo my katu neampacho ang tapen pi bo. Huni deaungdi ly nang ai heng hawihai ai i, nang miteaung cheang nai pajau pakhui y nai khala ang awm hai nem ai,” napi u.